[عبدالرحمن العويمري]

الحب له سلطه يقود المحبين=واللي يحب اليوم ماهو بكيفه
الحب سلطه فوق روس السلاطين=والحب وردني دروبن عصيفه
والمشكله حبيت لي عدة سنين=وخلي ولا يدري بإني وليفه
احبها حب البدو للبعارين=وحب الذيابه للجبال المنيفه
خلي لطيف الروح سيد المزايين=ابو العيون الناعسات العفيفه
شفته مقفي من قبل حول عامين=اقفوبه اضعانه وحاله كسيفه
وقفت متحطم واهل العبارين=تقول مسكينن فقدله وظيفه
أو كني اللي حط بين المساجين=غلطة حروفن علقت بالصحيفه
ياما فقدت من البشر ناس غالين=وياما بكيت فراق ربعن مريفه
لكن ماهلت ماهلت دموعي على زين=بكيت حتى قلت عيني كفيفه
الا عليك اغرقت بدموعي العين=والطف بحال اللي غدى الحزن ضيفه
والحين اعبر عن شعوري بشطرين=تحمل معانات المحب الكسيفه
وتبين اني كد عشقتك من سنين=وابغى توفيني ولو هو النصيفه

الشاعر

عبدالرحمن سويلم العويمري

الموضوع الأصلي: الحـــــــــــــب سلــــــــــطه؟! | | الكاتب: عبدالرحمن العويمري | | المصدر: شبكة بني عبس

[نــواف العويمري]

	صح السانك ياعبدالرحمن الله يعطيك العافيه على هذه القصيده الجزله تقبل تحيات اخوك نواف العويمري

[مسندالعويمري]

صح لسانك
ياعبدالرحمن

وبيض الله وجهك

على هالشامخه

معبره وافيه جزله

[عبدالعزيز الخياري]

	صح لسانك ياعبدالرحمن قصيده في قمة الروعة والجمال اتمنى لك التوفيق

[الهنوف]

صح لسانك

قصيدة رائعة

يعطيك العافية ووفقك الله

دمت بخير
أختك الهنوف

[عبدالرحمن العويمري]

صح بدنكم ومشكورين على مروركم
وتقبلوا تقديري

[سعد بن عادي]

صح لسانك وبيض الله وجهك

[أبن علي]

صح لسانك يا عبد الرحمن قصيدة رائعة