[حامد الحنيفان]

لاياعوض حالي وحالك قضني = الزاد ماينفع بنا لونذوقه
اهموم قلبي في ضميري رعني = وهموم قلبك شاوياتن عروقه
حنا نخليهن على مايبني = اصبر ولين الله يزين وفوقه
همومنا مع كل دربً يجني = مثل السحاب اللي تلاعج بروقه
نبي نسددهن وهن يعجزني = مثل الثياب اللي تزايد فتوقه
لو غيبن يومً عنا يجني = عندي وعندك يالمقوعي ريوقه
بعض النساء ترا ماينفعني = ارمام كلخً والدبش مايذوقه
وبعض النساء ترا عنبر وفني = يازين ريحه في هدومك رشوقه
وبعض النساء مثل(؟ ) المدني = مثبور لونك تلح وتسوقه
وبعض النساء حليب بكره تحني = يازين شربه للمحلب وذوقه
ان طرت وان وقعت والا متوني = الطيب اللي زين الله وفوقه
خذها نصيحه واقبل الهرج مني = والاغثا الدنيا صعيبً لحوقه
وانا بوسط البيت جالس وغني = اشدى لطيراً قاضبته سبوقه
وده على اللي بالهوا يلفحني = يبا المطير وفيه شيً يعوقه
يومي ولد مطاح ضرسي وسني = اشره على جيب اطمع في الحوقه
واليوم شفني باركن ومتثني = مثل البعير اللي ينوخ بسوقه
ياالله يالمعبود لاتمتحني = يااللي خلقة اليل والنجم فوقه
اطلع نهاره عقب ماضلمني = اطلع نهاره لين بانت شروقه
الشاعر/ سعود حنيفان العويمري(رحمه الله)

الموضوع الأصلي: لاياعوض حالي وحالك قضني | | الكاتب: حامد الحنيفان | | المصدر: شبكة بني عبس

[الخشف]

يسلمووووووو على النقل والله يرحم الشاعر ويغفرله

[حفيد رشيد]

الله يرحمه ومشكووور على نقل هذا الكنز الرائع.

[عبدالله معزي]

صح لسان الشاعر سعود رحمه الله
اشكرك اخي حامد على النقل
تحياتي

[سمري]

الله يررررحمه