[كامش محمد]

عمرى محل واغصون الاحلام يباس

الوقـت يحمـى والامانـى طباشيـر

الخاطر الى منكسر كسـرة الكـاس

مايجبره دمـع العيـون المحاجيـر

مالت بى الايـام واسقونـى النـاس

سـمٍ يحـز الكبـد مثـل المناشيـر

مثل الضحيه لانثنت بيـن الامـواس

قامت تماعطنـى وجيـه المحاقيـر

اصغرهم الى لاكنى بيـن الاضـراس

اكبرهـم الـى حدنـى بالبواتـيـر

يـارب عبـدك لا تخليـه للـيـاس

لاتتركـه بيـد الزمـن والمقـاديـر

يالله اذا خليتنـى عنـد الادمــاس

من لى الياصكـت علـى الدياجيـر

من غير وجهك يحتمينـى الياجـاس

شـىٍ يتـل القلـب قبـل المعاذيـر

جيتك وانا خجلان وموطـي الـراس

انـا وذنبـي والمأسـي طوابـيـر

عفوك سماحك رحمتك مالها قيـاس

ياغايـث النملـه ويـارازق الطيـر

يالله سقهـا الـى ذعاذيـع نسـاس

فى ساعة هبـت علـي المعاصيـر

علمت روحى بالألم حبس الانفـاس

حافى ورجلى فوق روس المساميـر

لو بسحب الردونى على درب الادناس

لابنى قصـورا مابنوهـا المشاهيـر

عمر الحديده ماستوت قيمة المـاس

لو حطو الجورى بروس المواسيـر

مامن مرق مجنون ياطابـخ الفـاس

مثل الذى يبغى مـن العفـن تقديـر

الحب ماله درب بقلـوب الا نجـاس

حتى بفوح العطر مـن نافـخ الكيـر

العرق يجذب لـو تجاهلـت دسـاس

عـرّب وليـدك يانسيـب المعاثيـر

ياعل يمنـا ماسعـت لاي نومـاس

تقطع على صم الصخـر بالسواطيـر

جر القلم حبره على صـدر قرطـاس

يالله ياللـي تذبـح الشـر بالخيـر

يالله جرنى من هوا عطـر الانفـاس

الي ولانـي مثـل وليـت مقاصيـر

ازرع ويذبح زرعتى بيـن الاغـراس

ابنـي ويهـدم مابنيتـه بتكسـيـر

اهديـه حـب وياسمينـه والمـاس

يهدينـى االكتـان والرمـل والجيـر

طالق من ارقبتى على درب الاتعـاس

بينونـة كبـرى ولامـن مخاسيـر

مات العزيز الشهم من قبـل ينـداس

جعل الجسد بفـواه عـوج المناقيـر

يالى تشوف لاحـال لاقلـت لابـاس

تراك توجعنـى وانـا حالـى بخيـر

الموضوع الأصلي: يالى تشوف الحال لاقلت لاباس تراك توجعنى وانا حالى بخير | | الكاتب: كامش محمد | | المصدر: شبكة بني عبس

[رائد الذيابي]

ابي انقي من القصيده بيت حلو

لكن كل الابيات تتسابق للصف الامامي


صح كلك من اقصاك لاقصاك

[ذيبان الرشيدي]

الله درك
على
هذه الشاامخه

بصراحه قصيدة ازددتُ منها إنبِهاراً
لجمال حبكتها
والمصداقية الواضحه بها

الله درك
ولاتحرمنا جديدك

[كامش محمد]

اخى الفيلسوووووووووف شهادتك وسام على صدرى شكرا لمرورك يابعد حى

[كامش محمد]

اخوى ذيبان انت على اسمك ذيب

[فلاح الرشيدي]

مؤيد ل فلسفة ذهن بقوة
ومشكور ياكامش على القصيده الاكثر من رائعه
لك ودي وتقديري

[كاتب الرشيدي]

صح لسانك وإلى الأمام




تحياتي

[سعيد عيد الرشيدي]

صح لسانك اخوي كامش محمد
على هذه القصيده الوافي من شاعر وافي
تقبل تحياتي وتقديري