[ابوصالح]

اعزائي زوار منتديات قبائل بني رشيداضعبين ايديكم

ابيات متواضعه تحوي جميع بحور الشعر الفصيح والعامي


ارجو قبولها وان تنال على شئ من رضاكم

اعزفي لي واطربينـي ياللحـون النرجسيـه=خوضي بحور القوافي واطربي ذيك الحنايـا
هيجني لي وارزفي لـي والعبيهـا سامريـه=لجل عين اللي حلاهـا فـارق بيـن الصبايـا
خضت في بحر (الطويل) .. لا ولا يصعب عليه=قافه اطول قاف فيهم بس ما الحقنـي عنايـا
وجيت (للوافر) وصغته باعذب لحونن شديـه=بعده (الكامل) نظمتـه نظـم عقـدك ياهنايـا
ولو تبين (الرجز) و(الكامل) اجيبـه يابنيـه=و(البسيط) اسهل عليه و(الخفيف) اهون سوايا
و(اتـدارك) فالمعانـي والبحـور اليعربيـه=لجل (اقرب) لك وافصـل ماكتمتـه فالخفايـا
وفيه بحر (الرمل) صغته واشربه شربه هنيه=اشربه مثل (السريـع) ولا يوصـل مستوايـا
و(المضارع) و(المديد) اعسفه عسف المطيـه=بس فيه (المقتضب) قصره يعكر لـي صفايـا
وجيت (اهجز) لك واهيجن يابعد ذيـه وذيـه=وكل ما (المجتث) صغته يطرب السامع غنايـا
وفيه بحرين مـع الشعبـي اضافـه منطقيـه=نوع تجديد ولحون وكـل شاعـر لـه هوايـا
لو نزود حرف واحد فاخـر ابياتـي سويـه=مثل كلمـة ياهـواي كيـف تصبـح ياهوايـا
ولو نزود حرف ثانـي اعتقـد مافيـه شيـه=مثـل كلمـه ياغـلا فيـه تـقـرا ياغـلايـا
وانتي انتي ملهمة شعري وحسـي والاسيـه=اسألك باللـي رفـع قـدرك تعالـي يادوايـا
لازهمت الشعر لاجلك ثـار لـي كلـه حميـه=ثم تسابق لي حروفه ساقهـا صـدق النوايـا
ثم تهل حروف شعري كالمـزون الموسميـه=القوافي مثل قطره وانتـي ياروحـي سمايـا
ايه احبـك ايـه احبـك يابعـد كـل البريـه=ايه احبـك قلتهـا واعلنتهـا لكـل البرايـا
وهذي بحور القوافي صغتهـا لاجلـك هديـه=علها ترضي غرور اللي لجت بيـن الحنايـا

منفوله لفائده

ولكم خالص تقديري

الموضوع الأصلي: جميع بحور الشعر الفصيح والعامي | | الكاتب: ابوصالح | | المصدر: شبكة بني عبس

[مساعد عواض]

قصيده جزله والتوضيح جزل وسلمة ودمة يابو
صالح والفي شكر وتقدير

[ابوصالح]

المتنبي مرورك وتعليقك محل الشكر وتقدير

شكراً لك اخي الكريم

[شامان]

ابو صالح
بيض الله وجهك يالبناخي
فلكن لي طلب بيسط
ياليت تجيب لنا كل بحر وتجيب عليه بيت حتى نعرفه هالحين عرفنا اسماء البحور بس ماندري كيف نجيبها لحيث اني بحاجة لمعرفتها والكل هنا يحتاجون المعرفة وان كان طلبي عسير تراه فدى راسك يابعدي.

[الاجهر]

مشكور ابو صالح
منقولة جزلة
وياليت توضح اسم الشاعر
ماننحرم منك

[ابوصالح]

شامان الف شكر وتقدبر على مر ورك الكريم وطلبك هين وبشر بعزك

الجهر اف شكر على مرورك لكريم اما سم شاعر انا حريص عليه

متى ماتوفر زودناكم فيه

[الســـامري]

وانتي انتي ملهمة شعـري وحسـي والاسيـه
اسألـك باللـي رفـع قـدرك تعالـي يادوايـا
لازهمت الشعر لاجلك ثـار لـي كلـه حميـه
ثم تسابق لي حروفه ساقهـا صـدق النوايـا
ثم تهل حروف شعـري كالمـزون الموسميـه
القوافي مثل قطـره وانتـي ياروحـي سمايـا
ايه احبـك ايـه احبـك يابعـد كـل البريـه
ايـه احبـك قلتهـا واعلنتهـا لكـل البرايـا
وهذي بحور القوافي صغتهـا لاجلـك هديـه
علها ترضي غرور اللي لجـت بيـن الحنايـا



يعطيك العافيه ياابو صالح على النقل وصح لسانك ..........




الســــــــــــــــــــــــــــــــامري

[ابوصالح]

السامري مرورك شرف وتعليقك وسام
شكراً لك اخي الكريم