[المر الصعب]

السلام عليكم ورحمة الله وبركاته أخواني احبيت اطرح بين اياديكم الطاروق الرائع بين الشاعر نواف المثني والشاعر الهامور احمد الهنيدي وان شالله تحوز على رظاكم

الشاعر نواف المثني

سلام تسليمه تفـج الدرب وتخبر الطريق

من هاجسن ينطح سواد الليل ويدل الجدي

الليل غبه والفكر مثل ا لبحر وسطه عميق

ماكل سبحن يعومه والمهابه لردي

الشاعر احمد الهنيدي

يامرحبا ترحيب صدره لا يكـل ولا يضيـق
بشاعر اللي حسب قوله في طريقه مايغدي

فكره بحر مد وجزر فكري مثل قمة طويـق
ماهمته صلف الهبايب لو مع البيد اتعدي

الشاعر نواف المثني

توك على خط البدايه مات حملت الحريق

والله لأخل اشعيل يرغي عقب ماكان يحدي

أنورواضح وأنت خبري فيك يشاعر عتيق

وتبا أتعود ياطويل العمر فدرب ابعدي

الشاعر احمد الهنيدي

نواف يانواف شمس القيض فيها نشف ريق

ارفق على نفسك مابيك اطيح تكفا يولدي

ان كان هقواتك بصدرك صرت منها ما تفيق

ولاطعت شور اخوك قدامك طريقك جرهـدي

الشاعر نواف المثني

أن كان متنك مايطيق الحمل أنا متني يطيق

ولا قلت أنا زعيم قومن يسكنون الأحمدي

صدري وسيع وهقوتي تهزم على شده فريق

وهذا الكلام اصح وفهم ياصحيبي وسندي

الشاعر احمد الهنيدي

انا ادري انك ترتكي للحمل وحزامك وثيق

تصبر على اشدات لودرب القوافل سرمدي

البدو غالبه الشعير وعينه يم دقيق

وماطاح من روس النخيل الا حجف مدري سدي

الشاع ر نواف المثني

ماقول فيك اقصور لكن اطيور ألهازعيق

وانته على الميراد لك دورات عندي يجودي

ياليت بن سلمان يفزعلك بكأسن من بريق

ياشاعر اللي محتما برقي عليه ولرعدي

الشاعر احمد

مادام فيك من الرجال أنفاس ميقافك يليق

اباعتبر مثلك خوي واحط يدك في يدي

الوضع مايحتاج فزعه لبن سلمان الصديق

خلاص حطيتك خويي وبلدك نفس بلدي

وسلامـــــــــــــــــــــــــــــــــــــــــــــ ـــــتكم

الموضوع الأصلي: محاورة نواف المثني والشاعر احمد الهنيدي | | الكاتب: المر الصعب | | المصدر: شبكة بني عبس

[الوفاء طبعي]

صح الاستنهم
ولاهنت على النقل

[المر الصعب]

الوفاء طبعي مرورك أكثر من رائع

[صويلح الصالح]

صح الاستنهم
ولاهنت على النقل

[قطاع الفيافي]

صحت السنتهم شعار جزلين
وتسلم يمين الناقل ولاهنت

[أبوحلا]

صح السنتهم شعار جزليين وطاروق لايصخره الأ شعار متمكنين ومبدعين

[ابو شرق]

مشكور على النقل الرائع

[ناصر الخياري]

الله الله صح لساان الشعااار .
لااهنت على النقل الرائع ..