[طيار]

بسم الله الرحمن الرحيم السلام عليكم ورحمة الله وبركاته محاورة قوية جمعت بين هامورنا أحمد عبيد الهنيدي والشاعر الجهور عايض ابن جوهر أحمد البويدي لي صحيب ٍ باالدراسه بنفس الوقت جار= إرتحل عنا ويذكر سكن باالمجمعه جابه الله مرحبا صدفته نور ونهار=يوم ربي جابه إلنا نبا نسولف معه عايض ابن جوهر البقاء بك ياصحيبن على عز اوقار = من هجوسن تجبر القاف لين تسنعه باالقلوب البعد ماعاد هو بعد الديار = اسمع العلم الحقيقى وانا اخوك اسمعه أحمد البويدي يوم قفوا باالظعن شب وسط الجوف نار= ضاق صدري من شديد العرب مامن سعه صادق بما قلت لكن صار البعد صار=أبعدوا لو نوكيا الصوت معهم تجمعه عايض ابن جوهر ياالبويدى نعرف الصدق لعلومك شعار = ابن جوهر كثرة ابكاك ماهو نافعه وانت صادق كان باالقاف عدلت المسار = قافك اللى جبت عن مايوطيه ارفعه أحمد البويدي ودي إن العمر كله تقدم وإزدهار=لو رحيل الجار باالقلب جمره موجعه خابر ٍ صدرك شمالي ومن ناس ٍ حرار= إن لمسك بليس باالشك صده وردعه عايض ابن جوهر اصح لطيار والطائره وسط المطار = والهجوس اللى تسوق القوافى مقلعه كم قرار الغى ياشاعر وجاء غيره قرار = ارسم المعنى على عرف شاعر ودفعه أحمد البويدي بين هذا وذاك سولف ولك حر إختيار= والحقيقه بينه لكن الشك إقطعه لو تدقق تاجد الطير من ماكره طار= غشك اللي قال وقتك ليا عيا طعه عايض ابن جوهر الحقايق طال عمرك مثل ضوح النهار = السعه لابارك الله بالضيق السعه البيوت ان عمرت ياعساها للعمار = اطرح احسابك ياراع المعرفه وجمعه أحمد البويدي الذلول يمينها الهرش والحاشي يسار=وشقها الأيسر ليا در دنق وارضعه البيوت اكبار و اللي سكن فيها كبار=يوم عايض ياخذ من العوازم قبعه عايض ابن جوهر مال هلهرجه وانا خوك بالعب اعتبار = شوف لك غيرى بعلمك هذا ولعب معه السوالف دحدرت ويش داع الانحدار = العوازم عز من بالقاء تاقف معه صح لسان الشعار لكم مني أجمل التحايا سي لايف

الموضوع الأصلي: محاورة الصعود نحو القمة بين (أحمد عبيد الهنيدي و عايض ابن جوهر ) | | الكاتب: طيار | | المصدر: شبكة بني عبس

[ابو رائد نت]

كفو ببن جوهر وبن هنيدي

[أحمد عبيد الهنيدي]

شكرا على المجهود و الاهتمام يالطيار

بيض الله وجهك

[مروض الصعب]

الله الله محاوره
رائعه صح لسان ابن جوهر ولسان ابن بويدى
شعراء معروفين ومشكور ياطيار على التنسيق
لاهنت

[الاجهر]

مشكور اخي / طيار وياهلا فيك ولاهنت على تنسيق هذه المحاورة الرائعه التى جمعة بالشاعر / احمد بويدي مع شاعرنا الكبير / عايض بن جوهر
اكرر اشكر لك مرة اخرى

[عايض ابن جوهر]

اقتباس من مشاركة الاجهر مشكور اخي / طيار وياهلا فيك ولاهنت على تنسيق هذه المحاورة الرائعه التى جمعة بالشاعر / احمد بويدي مع شاعرنا الكبير / عايض بن جوهر اكرر اشكر لك مرة اخرى

مشكور ياالاجهر
وافى بيض الله وجهك