[الـدولار]

احمد النون

يالمحيشي ترا عندي علوم(ن) جديده

الله انه يبارك في جـداد الليالـي.

التجاري مع برقان مفلس رصيـده

كل واحد على حاله يصيح ويلالي.

سعد المحيش

المحيشي عضيدك ما تناسا عضيـده

ما يبور الجنيه ولا يبـور الريالـي.

علمك الي تقوله نازل(ن) فاالجريـده

مير مال الحمول الا ظهور الجمالي..

احمد النون

يا المحيشي سرينا والمساري بعيـده

قا صدين الجنوب وقاصدين الشمالي.

العرب من هذاك العلم وش مستفيده

مير أبا حل عقد معقدين الحبالـي..

سعد المحيش

أدري أنك بليـا شـك قـرم وليـده

وأدري أنه طرالك يا ولد ما طرالي.

ناس ماهي شقيه فالزمـان وسعيـده

كل ليله تدرج فوق حمر الزوالي..

احمد النون

كل واحد تجيـه أرسالتـه فـي بريـده

ليت ما صار للاجواد حفـل ومجالـي.

الفضايـح تعـدت ياالمحيشـي بريـده

سبت الصاحب الاقصاء وخوه الموالي..

سعد المحيش

أكثر الناس ما يقـدر يسـوي قصيـده

كل ما جاه عنتر وبـو زيـد الهلالـي.

صاطو الهرج يابن النون صوط العصيده

وأحمد الله أنا وأنته كـرام السبالـي

الموضوع الأصلي: محاورة جميله جدا بين الشاعر الكبير سعد المحيش والشاعر النجم احمد النون | | الكاتب: الـدولار | | المصدر: شبكة بني عبس

[الاســد]

الله وكبرعليك سعد المحيش شاااااااااااااااااعردجه اولى اولايهون --احمدالنون

اسمع وش رد المحيش على النون لله درك ياالمحيِش000اكثرالناس مايقدريسوي عصيده


الله الله الله عليك == اسمع الشطرالثاني 000كل ماجاه عنتروبوزيدالهلالي

الله يرحم اموات المسلمين شعارلبعد الحدود==== اشكرك يالدولارمليون شكر على تنسيق هذه الدررالمتناثره الجزله بارك الله فيك وصح لسان الشاعرين الجزلين تحياتي

[مرشدالمظيبري]

lمشكور على النقل المميز

[الـدولار]

مشكور اخوي الاسد على المرور وما يحتاج الشاعر سعد المحيش شاعر كبير وعلم ويستاهل ابو فهد كل خير مشكور على المرور الطيب ولا هنت على التفاعل الاجمل

[الـدولار]

اخوي مرشد المظيبري شاكرلك مرورك الطيب ولا هنت يا الامير

[ناصر الخياري]

الله الله عليهم شعار جزال ولهي غريبه عليهم .
لاهنت يالدولار..

[~:(دلال):~]

...شكرآ .....

[البهام]

مشكور ع نقل المحاوره الممتازه