[!!!الاماكن!!!]

[flash1=http://dc10.arabsh.com/i/01289/glix6upkfjt4.swf]WIDTH=100 HEIGHT=100[/flash1]

[ALIGN=CENTER][TABLETEXT="width:100%;background-color:black;border:10px outset gray;"][CELL="filter:;"][ALIGN=center]

الحلم تفسيره صعب تتعب مـن الحلـم العقـول مثل السنين اللي مضت شفهـا هذيـك أطلالهـا

والناس من خلقت وكل واحد ولـه راي وميـول لا تزعل امـن البارحـه قـول الوعـد بقبالهـا

بقول لك حاجـه وابـي منـك لحسـادي تقـول وان كان ما تقدر تقول قـل ثامـر اللـي قالهـا

من جيت للساحة وانا واصل ولا بحاجة وصـول قصايدي توصـل ولـو قلـت دروب اوصالهـا

قصايدي ارضت لها ناس وزعـل منهـا زعـول قصايـدي أبكـت قلـوب الله علـيـم بحالـهـا

قصايدي خلت لها شيخان مـن بـاب الفضـول تسأل عن اسمي وحالتي احساسي شاغـل بالهـا

كم بنت ابوها ما عرفت اسمي عطت شعري قبول ابيات شعـري امخزنـه فـي محفظـة جوالهـا

ما هو غرور ولا كبر بس انزعجت امن الطبول اللـي تـدن اطبولهـا وشعارهـا تبـرا لـهـا

يبقى الصحيح اهو الصحيح الروس ما تتبع ذيول وجه الرجـال وقدرهـا يحسـب بقـد أفعالهـا

والبارحه يوم اقصرت عني وأنـا كفـي تطـول علمتـهـا لا تقـتـرب بقصـارهـا لطوالـهـا

سقت الحمول اللي اشتكى من حملها طير وذلول ما خفت من غدر القلوب اللي غـدرت بعيالهـا

اصول فالساحه وأجول أجول فالساحه وأصـول مـا همنـي لاجدهـا ولا عمـهـا ولا خالـهـا

انا كذا امن الله خلقني ما عـرف درب النـزول عودت رجلي للصعب صار الصعب يحـلا لهـا

هذا وأنا لحالي اجل وشلون لو جيـت محمـول شفت الثريا لو أصيـح لعبـس راح أرقـا لهـا

ربعي ليا صكت علي يبكي على الحكم معـزول لي لابتن من دون قاصـر مـا نشـرب فنجالهـا

بني رشيد ليا اصطفق موج البحر سالت سيـول يا سعد عين أم الضعيـف اللـي تكـون بجالهـا

يوم انها بالسيف والشلفا علـى ظهـور الخيـول كـم مـن قبيلـة طيبـه امسـت بـلا خيالـهـا

يـا مـا عفينـا لخاطـر العقـال زلات مهبـول ندمـح وعـقـال المهـبـل تلـفـت لهبالـهـا

لكن ليا منـا بطشنـا بطشنـا مـا هـو معقـول ندعـس علـى روس المهبـل ورقبـة عقالهـا

قلته وانا ماني بمن قوم ابهتـه بحكـي معسـول مـن روس قومـن اثبتـت افعالـهـا اقوالـهـا

اكرّم الطيب ولا تسـوى الفحـول الا الفحـول مـا تلحـق الشكـه فحـل بدقاقهـا واجلالـهـا

اما الـردي اجنبـه مـال الخبـول الا الخبـول مثـل المـره مالـي حكـي الا مـع رجالـهـا

بعض الرجال ليا مشى ويـاك خـذ ويـاك زول بعض النسا تومي عليـه ليـا وقـف واومالهـا

يعجبك في زوله ولكن بالفعـل مـا مـن فعـول يا كثرها افعال الرجال اللـي خدعتـك ازوالهـا

استغفر الله ونعمتك يـا الله عساهـا مـا تـزول لـو النعـم فـي يـد غيـر الله علينـا زالـهـا

يالله ياللـي ترمـي اللقمـة علـى فـم معقـول تغنيـه عـن مـد العـرب اجوادهـا وانذالهـا

انـك تسامحنـي اذا زليـت فـي قـوة وحـول انا الضعيف اللـي تـرك نفسـه علـى موالهـا

كل ما ذكرت ان البدو كانت من اصحاب الرسول استغـرب ان التفرقـة كيـف اقـدرت تغتالهـا

ويا صاحبي كثر الحكي ضيق على الصدر الملول هـذي البـلاد ان ظامتـك دور ابـلاد ابدالهـا

هذا بخصوص الشعر حمل اخذه وباقي لك حمول مثلك حموله كـل مـا زادت نهـض واشتالهـا

واذا خلصت امن الشعر حول على اللي ما تجول الا بصـدري يـوم صـدري بيتهـا وظلالـهـا

سولف لها عني تـراه لسانهـا طبعـه خجـول اقـرا كـلام عيونهـا وجـاوب علـى سؤالهـا

اذا اسألت عن عهدنا بنـت الاكابـر والاصـول قل شاعرك ما صافـح كفـوف الرجـال لمالهـا

واذا اسألت عن حالتي طمنها كان انهـا جفـول قل حالتي في خير دام انها فـي خيـر احوالهـا

واذا اسألت عن الوصل تبغى من يديـك الحلـول قل شهـر كـان الله كتـب لازم اكـون قبالهـا

واذا اسألت عن الشعر تبيك من شعـري تقـول قل هذي اخر ما كتب من قلـب صـادق قالهـا

اللهم صلـي وسلـم عـلـى سيـدنـا محـمـد

لتحميل القصيده اضغط على اسم الشاعر

الشاعر ثامر بن شبيب الدقباسي

اتمنى اكون وفقت في تقديمي للقصيده
سامحنوي على القصور
[ قصيده كبيره بكلماتها وبالقبيلة الي تحمل اسمها ]

دمتم بحفظ الله ورعايته
الاماكن

[/ALIGN][/CELL][/TABLETEXT][/ALIGN]

[الاطخم]

صح السأنه واعتلا شانه
وربي جزله وااافيه
ولاهنت يالغلا

[محمد الدغباسي]

مطنووووووووووووووووووووووووووووووووووووخ
( الثريا غييير) ثامر صح لسانك مدد ماهي عدد نفتخر فيها عند القريب والبعيد





لا والله الا كمال وجمال ماجرا قصور الا ماندري شلون نشكرك يالاماكن

[مروان الرشيدي]

صح ألسسان

الشاعر الكبير ثامر شبيب


لله دره ابدااااع ماله نهاااايه



تسلم اياديك ياالاماكن

[المر العذب]

يجب أن تثبت ..

لكل مقام مقال ..

هذا هو السلسبيل .. جميل بكل حالاته ..

[سامي الذيابي]

بني رشيد اليا اصطفق موج البحر سالت سيول= ياسعد عين ام الضعيف اللي يكون بجالها

ثامر انت لنا فخر والقصيده هذه فخر لنا الله يحفظك ويديمك لنا
فنحن نفخر بك امام جميع القبايل


الاماكن تحياتي لك

[حميد السجايا]

يكفيك انك ابن الشاعر الكبير شبيب بن جعيلان

ويكفي ان قصائد اقرب القصائد الى القلووووب

[(( الماســـة ))]

صح لساااااااااااانه

ثامر صراحه قمة