[المحترف العبسي]

السلام عليكم ورحمة الله وبركاته
مساءكم الله بالخيررر جميعاً
انقل لكم محاوره شرسه بمعنى الكلمه بين الشاعرين
الشاعر سعيد ابوديه القحطاني والشاعر الكبير زايد ابن عدله الرشيدي
إليكم المحاوره

زايد ابن عدله
أنا عن أهل المنطقه متغاضيً حول اشهرين00 واليوم جانا ضيف غالي من شواعير اقحطان
يامرحبا بك ياهلا واقلط على سمن وسمين00في حلّة اهل المعرفه واحفاد خالد بن سنان

سعيد ابو ديه
ياحكمة الشعر ابشري بالخير والمعنى الدفين00كله على شانك يابن عدله وفي قدر المكان
دام البقا ياللي ترحب والوفاء للغانمين00والنعم فيكم ياسلايل عبس مافيكم طمان

زايد ابن عدله
ماقلت لي وش صار ياسعيّد عقب غزوة حنين00يوم انكم تمشون خلف الناس مشي العقربان
هذا هو المشوار واسلك مع طريق السالكين00واعرف ترى الدنيا تقلّب مامعك فيها ضمان

سعيد ابو ديه
تصغير والا فلسفه والا تبى الخافي يبين00سوالفك تحتاج يازايد فصاحة ترجمان
لاهنت سلم لي على نور القمر والفرقدين00وباق النجوم اللي تلامع لاتغاب ولاتبان

زايد ابن عدله
اليا قريتوا صحف موسى ماجهلت السايلين00لكن علّمني وش اللي صار في ذاك الزمان
والدرب الايمن قالت الامثال درب الغانمين00سج العبيه ياولد قحطان وأمهل بالعنان
سعيد ابوديه
حنا بغيناها مزارق طيب وانتم خابرين00لاتلتفت يم الرديه خل عينك للسمان
أركد ترى ماودنا نجرح شعور المسلمين00والا انت تدري من هل الفزعه على بنت الحصان

زايد ابن عدله
انته تبيها مير ربي دهور ابليس اللعين00 لكن قلي وش تبى بين الحديدا واحلبان
واليا لقينا دلو ماي ودلو ياقحطان طين00 بنت الشراريه لحاويه وابوها من عمان
سعيد ابو ديه
الخير والتقوى عبيره من رياض الصالحين00 وانته تدودي من مكان اليا مكان اليا مكان
حنا عرب وانتم عرب والا عرب مستعربين00والغيض في قلب الاسد والعشق في قلب الحنان

زايد ابن عدله
أنا على سنة محمد وانت عينك للحسين00 يهب ياهذا الولد من قوّ دينه صار خان
انتم عرب مانتم عرب فيكم بلى وشك ويقين00لا عاد عيدك يالضحيه غير من عقب رمضان
سعيد ابوديه
تذكر زمان الرمح والمشعاب والسيف السنين00واليا نسيت اذكرك واقول ماتذكر زمان
الهدي في مكه وضحوا في بلاد الرافدين00بالكبش والا بالفدي والعشر لاترجع ثمان
زايد ابن عدله
الا انت تذكر وش حصل بين الفويلق واقرنين00اذا جهلت انشد عنه شيبان ربعك يارمضان
هالحين تدري ياقحطاني وين درب الناس وين00يوم انكشف ستر الفتى ماشفت عندك غير ضان

سعيد ابوديه
انتم كذا والا كذا اضحوكةٍ للشامتين00تحيزموا والموت جاكم حان وقت الجد حان
كنتم ثلاثه واربعه واحنا ماغير الا ثنين00ياللي على طرق الهواء ياليل دانه يالادان
زايد ابن عدله
ابعيركم عقب اهدرانه قام يقرع بالحنين00وهو من أول رحلته عيا يلاديه البطان
انتم اثنين وكلكم بالمقبره رحتوا دفين00الله يرحم من قضى نحبه والاخر فوق فان
سعيد ابوديه
راحت عليكم كلها ياصحابنا دنيا ودين00لا انتم بني عمًّ قريب ولابعيد والاخوان
حنا بنينا مجدنا والله يعمي الحاسدين00 وانتم رضيتم بالهوينا والهوينه والهوان
زايد ابن عدله
انا احمدالله يوم ربي منك فكّ المتقين00والا انت ياسعيّد عنك تكرم مطانيخ اقحطان
00000000000000
انتهت المحاوره
وشكراً لكم جميعاً

[فهيد الشويلعي]

ماقلت لي وش صار ياسعيّد عقب غزوة حنين00يوم انكم تمشون خلف الناس مشي العقربان
هذا هو المشوار واسلك مع طريق السالكين00واعرف ترى الدنيا تقلّب مامعك فيها ضمان
مشكور ع النقل المميز

[لحظة هدوء]

محآأإورة بجد قويه
والف شكر للشاعرين وصح الله لسآأإنهم

مشكور اخوي ع النقل

[كاتب الرشيدي]

الداهيه جاب الدوااااااااهي اليوم

الله يستر من موضوع .... هههههههههه



لاهنت على النقل

محاوره ناريه من العيار شبوووووب

وبيض الله وجه بن عدله والقحطاني

[ناصر الخياري]

زايد ابن عدله
ابعيركم عقب اهدرانه قام يقرع بالحنين00وهو من أول رحلته عيا يلاديه البطان
انتم اثنين وكلكم بالمقبره رحتوا دفين00الله يرحم من قضى نحبه والاخر فوق فان

لاهنت يالداهيه محاوره قويه ..
بس ممكن تفيدنا عن التسجيل ..

[ابو بيان]

مشكور على النقل ونتمنى التوفيق للشاعر زايد عدله التوفيق وللامام

[صقر ابن عبس]

بيض الله وجهك يالداهيه
على النقل

[ابوفادي]

مشكوووووور والله يعطيك الف عافيه