[ابو براك الرياض]

محاورة عنيفة بين الشاعرين في تاريخ 8/1 \1429

عبد الله المهيمزي
سلام مني لرجال اللي يردون السلام =اعداد ماتتعب ظهور الخيل من ركابها
الأوله نقض وفتل والثانيه نقطة نضام= والثالثه يهل الزنود النار من شبابهـا
عبد الرحمن خضير
يا مرحبا ترحبت (ن) فيها تحيه واحترام = اقولها وعيدها من ضامر(ن) غنابها
عطني علومك كله يا بن الرجاجيل الكرام = والمخطيه يا بن مهيمز ما حد(ن) يرضابها
عبد الله المهيمزي

دام البقا والجدي يرشد في غياهيب الظـلام =والعلم نور وكل كلمه تلـزم اللـي جابهـا
من جامعك هاك السنه ياشعيل مردوم السنام =فالقصـه اللـي عادلـو قرايهـا كتابـهـا
عبد الرحمن خضير
عينك تمنى للحياء والبرق شرقي(ن) وشام = وان ربعت دار الحياء كل الرجال اولابها
ما جامعك غير الغلام اللي على صم العظام = حد دربها غربها ولا العصر صلابها

عبد الله المهيمزي

انـت تعرفنـا لازعلنـا ماتهنـا بالمـنـام
ندرك مقاصدنا وبعض الناس ضاع احسابها
لايضيق صدرك ثم تضيع بالحلال وبالحرام
اركد وخل المشكله تسـري ولا يدرابهـا

عبد الرحمن خضير
انته وراك تغادر الموقع وترجعلي شمام = هذي حركات(ن) كشفنا اسبابها
والله يا لو منتم خوالي يا عزيزي(ن) المقام = واقدر ارجال(ن) تقول قدرها بشنابها

عبد الله المهيمزي
وانته وراك تخرب الموضوع في بعض الكلام
حتى البيـوت الله واعلـم ناقصـات اطنابهـا
لا والله الا قايـدك مثـل المطيـه بالخـطـام
لو ترمش عيونك كسرت الكحل فوق اهدابهـا
عبد الرحمن خضير
لا والله تو طال الليل وكرب بالحزام = والحيه الرقطى يعود سمها لمن جابها
اياك واي اللقمه اللي ما وراها اي ادام = احسب حساب اهل المواقف وارجال ادرابها
عبد الله المهيمزي
اي والله انه طال ليلك مع مفرقة الجهام
تبي تحصلها على علباك ثم ترضابهـا
نويت اخصصلك هديه وزنها كيلو قرام
ولا العلوم الثانيه في لحية اللي جابهـا

عبد الرحمن خضير
عسى مقاديم الغمام تعل ديران الغلام = وتسيل وديان سنه ما ربعاّ شعابها
انته يبو وجه(ن) مذهب لاتعرض للحشام = ترى اثعالب جودها ما غير هز اذنابها
عبد الله المهيمزي
عسا الهبوب اللي تصافق تشلع اطناب الخيام
فالديره اللي مـن بلاهـا مايطيـر غرابهـا
كانه جرحك الوقت نابك اغرسه وسط البهام
وهل الدموع الزرق والدنيا تضيم اصحابهـا

عبد الرحمن خضير
ترى الصقور الجارحه ماتنوصف وصف الحمام= وانت اتعرفني والزريبه لاتروح لدابها
صليتبك قصر وجمع وصليتبك حتى القيام= والبنت عذرى ماتشوم الا لوجه خطابها

عبد الله المهيمزي
اللي يقولون الحقيقه مانلحقهم مـلام
ياقوم ياللي ودها بثياب غيـر ثيابهـا
انت امتوهم ياوليد خضير يامال الهيام
حذرا تماريلك بخنجر ثم يطق انصابها

عبد الرحمن خضير
حنا تصادمنا خطا والوضع صار ابه انقسام= والارض كوره مستديره والجبال هضابها
اركد قبل لااحرم الليله عليك الابتسام= ياللي قضبت سيوف اهل صنعاء بروس انصابها

عبد الله المهيمزي
اثرك يالفلم المدبلـج ماتعـرف الالتـزام
عينك تخاف من السمـا وتلدهـا بترابهـا
انته غواك بليس يبن خضير ملعون الرسام
لكن عسالله يستـر العـوره ورا جلبابهـا

عبد الرحمن خضير
انا على نيه سليمه وانت الك قصد ومرام= مير الخيام البيض من جاها الهبوب اومابها
نبى نزور اصحابنا في كل يوم وكل عام= العوره اللي من وراك الناس ماتشقابها

[عبدالله الزبني]

مشكوررررر
علي النقل

[عبس404]

مشكور على نقل هذي المحاوره الرائع والله يعطيك العافيه