[فواز الدواي]

السلام عليكم ورحمة الله وبركاته ،،،
كــتبـت هـذه الـقـصـيده مـسـنـدها عـلى الـشاعر إبـن مـخـتار الأنـدلس بالـكـويـت :- أحـمد بـن مـتـعب بـن خـلف بـن نـاشي الـفـجي الــــرشـيـدي.
ولـكم الـقـصـيده **



سار القلم يكتب جزيـل المعانـي
يوم الفكر وسطه كثير المعانـي
ابيات شاعر صاغها فن وأحساس
والخبره اللـي مرتـه بالزمانـي
عنده شعور تجيب حلو التعابيـر
يقصد ينظمهـا بحلـو اللسانـي
واليوم بكتب لي قصيده بشاعـر
شاعر وله بالشعر وزن وكيانـي
محشوم عندي وله قدر ومعـزه
من فخذي ابناخي وحسبت أخواني
انا اشهد انه وافيـن بالصداقـه
طيـب وجدانـه إكـرام اليمانـي
بديدتـن ياطيبهـا مـن بـديـدة
امكـر مـن رجالهـم مايهانـي
وقت الكرم ياطيبهـم بالمكـارم
لاصار ماجوب الشياه السمانـي
وقت الِشجاعه يذهلون الشجاعه
رجالهم مثـل الاسـد مقدمانـي
قبيلتي وافخر بهـا مـن قبيلـه
في جيلنا هذا ويـوم الحصانـي
تشهد قبايل كل شبـه الجزيـره
خـوة رشيـدي يالله المستعانـي
خويهم يضحك حجاجه على طـول
ويلقى السعد ويالفرح والأمانـي
يوم السيوف ويوم ركب الاصايل
ويوم العقيد يغير ماهـو جبانـي
ويوم البنادق والفشق والمحـازم
والشلفا اللي مانقلهـا الهدانـي
واليوم انا بذكر عيال الفجوجـي
نسل الفجوج معربيـن المجانـي
من سلسلة رمثان كل الفجوجـي
والناس تعرف بين قاصي ودانـي
عجارمه اهـل الفعـل والنمـاره
اهل العزاوي والسطر والعنانـي
مشقاص وقناص الرجال الفحولي
عنهم عرفنـا الخافيـا والبيانـي
يااحمد ولد متعب كريم الطبوعـي
قافي ادزه لـك يومـن دعانـي
يالشاعر اللي لانظمت القصيـده
رفعتهـا بحـلا واعـلا مكانـي
شاعر يوطي القاف يم الطمانـي
وشاعر رفعها ياسهيل اليمانـي
براسللك يامـن تحـب الرسايـل
وعليك قافي يالسنافـي نخانـي
مدري عن السيف المحنا وحنـاه
قص الحبل والا الحبل بالسوانـي
ترى الحبل ماكل سيفـن يقصـه
الا شطيـرن ضربتـه بالثوانـي
يبي كفوفن تمسكه عـن ميولـه
وتحركـه بقنـاع ويـا أتزانـي
جتك القصيده من خيار القصايـد
يافاهم المعنى ترى العمر فانـي



رد احمد الفجي على فواز الدواي


يامرحبـا باللـي يقـول المعانـي
اللي لفانـي فـي جديـد المعانـي
الشاعر اللـي هيضتنـي قوافيـه
ابلـغ كلامـه بالقصيـده لفانـي
ألهم هجوسـي مايقولـه لسانـه
يومن شعـره بالمعانـي عنانـي
لله درك ماكـتـبـت الركـيـكـه
أبدعت وصفك يافصيـح اللسانـي
أبشر بـردن مايجـي دون فاقـك
وانا القصيـد ومجملـه ماغوانـي
ياما بطواريقـه سهـرت الليالـي
أغوص ببحوره واجيـب السمانـي
ولي الفخر في لابتي وانـت منهـم
صتايمـن يـروون حـد السنانـي
هم عزوتي بين العـرب مسندلـي
وانا احمد الله يوم ربـي عطانـي
انا احمد الله حطهـم لـي جماعـه
الكـل منهـا باللقـا غيهبـانـي
أليا اعتلوا بالحرب فوق الاصايـل
يبلش بهم من قهوتـه بالضمانـي
واضح على كـل القبايـل ظفرنـا
خيالنـا ينطـح لحالـه ثمـانـي
كم شيخ قومن من جواده طرحنـا
أيمـان ربعـي ماتصيـد الهدانـي
عاداتنا ننطـح أكثـار الجموعـي
مابين ربعـي لاشـرود وجبانـي
كسابـت الذيـدان يـوم المغـازي
وذيداننـا تنعـم بـزود الامـانـي
ربعي هل الفزعه صليبيـن الاريـا
في مدحهم بـاب الفعايـل دعانـي
بني رشيد اهل الصخـا والمكـارم
اذكارهم فاقـت سهيـل اليمانـي
بالجود مايحصـى جزايـل عطانـا
ياما عطينـا كـل حايـج وعانـي
مانستضيق اليـا لفانـا ضيوفـي
قدامتن للحيـل وسـط الصوانـي
عـز الرفاقـا والرحابـة نبـانـا
خوينـا مـن طبعنـا مايعـانـي
اقـول قولـي والبراهيـن تشهـد
يومن غيـري بالحكـي هيلمانـي
معروف من بين الاعـارب نسبنـا
ساسن رفيع يشـار لـه بالبنانـي
من الجزيره ساسنـا نفتخـر بـه
ازكى النجابه من قديـم الزمانـي
حنا سلايل عبس روس الاعـارب
بعد الرسول وصحبتـه بالمكانـي
منا افرس الفريـس يـوم الملاقـا
صميدعن سيفه يضيـم الجوانـي
عنتر ولد شـداد والكـل عـارف
اللي كسب نوق الملك بالضمانـي
هـذا جوابـي ياسليـل الفحولـي
وسيوفنا وقت الوغـى والطعانـي
((جدك)) شهر بالطيب ويا الشجاعه
شبية حـرن بالظفـر صيرمانـي
كساب قـولات الثنـا بالهروجـي
يوم المراجـل ماتجـي بالهوانـي
خالد عطيب الضـرب راع الفعايـل
أليا اعتلى من فوق بنت الحصانـي
عليه ماضيـن الفعايـل اشهـودي
في ساعتن فيها الوغى معدمانـي
واعرف ترى في لازمك مانسينـا
قبلك ترا سلـم الحميـه نصانـي
هـذا جوابـي يابـن دواي جالـك
يالشاعـر اللـي نـادر بالزمانـي

الموضوع الأصلي: رديه / بين فواز الدواي و احمد الفجي | | الكاتب: فواز الدواي | | المصدر: شبكة بني عبس

[مسندالعويمري]

صح السانك يافواز الداوي وصح السان :- أحـمد بـن مـتـعب بـن خـلف بـن نـاشي الـفـجي الرشيدي

اخوي فواز ارجو تنسيق القصيده لتكتمل القصيده والصوره اكثر

هذا ولك جزيل الشكر على مجهودك وعتناك في وطنك المصغر وهي قبيلة بني رشيد

وتقبل احترامي وتقديري

اخوك مسند العويمري

[فواز الدواي]

تسلم على المرور مسند العويمري

بارك الله فيك

انشاء الله انسقها لك تحياتي

[سعد الفلاح]

صح ألسانك فوااز وصح اللسان الشاعر أحمد الفجي رديه في قمة الأبداع وسجل أعجابي ولاتحرمنا من جديدك

[فواز الدواي]

ابشر يابو علي

لاهنت على المرور وصح بدنك

[بندر الذيابي]

صح الله لسانك اخوي فواز


وصح الله لسان احمد الفجي


تمكن جميل وصياغه جميله


لاهنت وننتظر جديدك

[عيسى المويسه]

صح السانك ياراعي العوجا


وصح السان الفجي



وبانتظار جديدك



لك تحيتي


...

[فواز الدواي]

بندر الذيابي

صح بدنك

والجمال هو مرورك

تحياتي