[منارة الذئاب]

السلام عليكم
اخواني الاعزاء انقل لكم محاوره رباعيه رائعه
بين سيف عبس والامبراطور وبخيت السناني وراشد السحيمي

سالم معزي
الليله الشعار يالربع واجد
وانا عيوني تلفت يم واحد
ابخيت ابن مضحي ولا يهون راشد
هذا الصحيح وكلمه الحق تنقال


يابخيت مات الثور ابو قرنين
الي يـدف النـاس بقرونـه


ثنيان سرور
الليله الشعار قايم وطايح
ولو نكشف الموضوع صارت فضايح
ننصح ولكن ما تفيد النصايح
هذا الصحيح وكلمه الحق تنقال


حنا وقفنا اثنين ضد اثنين
والحربي الماجود مادونه


بخيت السناني
لاهنت يارعي المواقيف لاهنت
يلي ليا جات المواقف تبينت
لكن خلك في مكانك كما كنت
هذا الصحيح وكلمه الحق تنقال


والشر ولا والطريق ايبين
وايامنا ماهـي بمامونـه


راشد السحيمي
انت ولد والي مقابلك شايب
عسى ولدنا مايجيب المصايب
ما قول حاضر ولاقول غايب
هذا الصحيح وكلمه الحق تنقال


لو قلت ياثنيان وجهك زين
اتقول لي نيتـك ملعونـه

سالم معزي
انا مكاني وتصرف بكيفي
انا المعزب وانت يابخيت ضيفي
وليا بست الارياق سليت سيفي
هذا الصحيح وكلمه الحق تنقال


لو الحسن مثل الشريف احسين
كلـن يحـط ايـده بعيونـه


ثنيان سرور
ان كانها هبت علينا هبايب
يالله تجيب امع الهبايب سحايب
وانا ولد ولانت والد وشايب
هذا الصحيح وكلمه الحق تنقال


انت امتروع يا كبير العين
وابليس كرتنته بكرتونـه

بخيت السناني
انت معزب في مكان ن يشرفك
لكن مالك فالاوادم تصرفك
لكن افطن للجواب المظرفك
هذا الصحيح وكلمه الحق تنقال


كل اثنين ايسددون الديـن
ولي يباها ايطيح من دونه

راشد السحيمي
تزعلك لاجتك من انسان غالي
ولانت احسبك واحد ن من عيالي
جالس بوزني مير كني لحالي
هذا الصحيح وكلمه الحق تنقال


ماهي كثيره قيمه السكين
لكنها بالزيت مدهونـه

سالم معزي
يابخيت طعني لا تسافر باكستان
مافيه غير الجوع يا زرف الايمان
خلك بدار المملكه خير الاوطان
هذا الصحيح وكلمه الحق تنقال


الي يحط الزين مثل الشين
الباب من دونه يصكونه

ثنيان سرور
يفور دمك قبل لا يفور دمي
وانت عزيز وراحمك تحت كمي
وانا ولدك المحترم وانت كامي
هذا الصحيح وكلمه الحق تنقال


لعلها امن ايدي بأم اقريـن
قدام ذيب ن تضرس اسنونه

بخيت السناني
حنا سوى فالدرب والدرب دربي
واعرف دربي ماهو شرقي وغربي
مابين جهني ورشيدي وحربي
هذا الصحيح وكلمه الحق تنقال


النور في وقت الصباح يبين
بعض الاوادم ما يشوفونـه

راشد السحيمي
ان كان هذي نظرتك لا يهمك
اعطيك ديس ن مالقيته مع امك
مير استريح الناس ماهي بيمك
هذا الصحيح وكلمه الحق تنقال


بعض السوالف حيله المسكين
وبعد شوي نفزعلك بليمونه]
................................طالما احببت الابراطور وسيف عبس.........

[عبدالهادي بن صبح]

مشكور على النقل الرائع وماقصر الامبراطورشاعر مافيه حيله ولايهونون الشعراء الباقين

[الرشيدي.]

صح لسان جميع الشعراء وماقصروا ابناء عبس ثنيان وسالم شعراء بمعنى الكلمه مافيهم حيله

[ماجد الصنيدح]

صــــح لســـــان الشــــعرا
مــــحاورة جـــميلة ورائعه من الــــشعراء
ولاهــــنت يا ابن قعبوب علــــى نـــقــل المحــــاوره

[عبدالله الفلاح]

مـــــــــــــحـــــــــاوره جــــــمـــيــــــــلـــــــــه

لاهنت طال عمرك وشكرك على جهودك الجباره

مودتي

[العقاد]

محاوره جميله بين شعراء معروفين على الساحه الشعريه
شكرأ على النقل يابن قعبوب

[العووضي]

شعراء كبار جميعا

[جحدر]

يهب ياثنيان الله يقهره
البيت يوم يجيبه مدري منين يجيبه ينحت من صخر ويغرف من بحر وبالخافق الرميق