[بنك الشعر]

حجاج المهيمزي

سلام والليله نبى ناصر يجي والعلم هـام=النار شبت بالحطب وابليس ملعون الثوى

علومكم متقلبه واحوالكـم ماهـي تمـام=لاكن ابصبر لين اسنعكم ثلاثتكم سـوى

ناصر المظيبري

يامرحبا واللي يسلم عند ربعه مايـلام=لون عينه ماتريح غير بعيون الجـوى

ماودي الليله تعديها ياحجـاج النظـام=وانا خبرك ذيبٍ لياحصل ذيابه ماعوى

حجاج المهيمزي

انا وربعي فـي محـلٍ لايهـان ولايضـام=والاانت لو تطلع من الموضوع تاكلها هوى

في ديرة اهل الفقر حصلت المجاعه والهيام=ومن الزمان وقسوت الايام صايبهم خـوى

ناصر المظيبري

والنعم في ربعك رياجيل الفخر واهل المقام=والمشكله باللي تقدم في ربوعـه ونـزوى

حجاج ياحجاج ماعندك شراب ولاطعـام=وليا بغيت العلم صاحبلك مع الدنيـا لـوى

حجاج المهيمزي

والنعم غصبٍ عنك مافيها هروج ولاكـلام=حنا ترانـا لاوردنـا نـارد العـد الـروى

دخلت موقعك المهشم في صواديف الظـلام=وابعدت شوفي ثم شفت اللي كتب بالمحتوى

ناصر المظيبري

الله يعز اخوانـه نـوره ياصخيفيـن العظـام=السارح اللي ماسرح والضاوي اللي ماضـوى

ماحدٍ درى لاتفضح بنفسك ياملعـون الرسـام=وان كان مرضان ابن مظبر ياصلك معه الدوى

حجاج المهيمزي

انتم تراكم لو يثور العـج ويشـد الزحـاام=بين السرايا والنشاما مثل حبـات النـوى

ياناصر سليمان عندي مالك ايـات اهتمـام=وان كنت تحسبنا من اللي تحسبه مالك لوى

ناصر المظيبري

افعالنا تشهـد بهـا كـل القبايـل ياغـلام=ولا انت فعلك ياصغير السن فبطاقه سـوى

اثر القبور الميته ماتوجد بهـا الا العظـام=وان كان ناوي بالهجر صاحبك يالغالي نوى

حجاج المهيمزي

كل القبايل خابرينك من قبل سبعين عـاام=غنيت لك بيتٍ مع العالم ماصار ولستـوى

اثره صدق من قال كثر الطق فكاك اللحام=ناصر من العلم الحقيقي ليش كوع وانطوى

ناصر المظيبري

انشد عتيبه وقحطان وشمر وترجـع تمـام=وان كان غاوي ياصغير السن غيرك ماغوى

اقول كثر الطـق بالميـت يسمونـه حـرام=وانا تراني ماقنعت من الروايـه لـو روى

حجاج المهيمزي

ابن رشيد اللي نشته عنك حتى قـوم يـام=قالو لي انك لارقيت الضلع يلفحك الهـوى

وش رايك نخلي نهاية قافنا مسك الختـام=ترى الدعاوي مزح ياناصر وحيل الله قوى

ناصر المظيبري

حنا هزمنا القوم وانت القوم تاخـذ فيـك زام=احذر تعذرب في رجال الطيب يالتيس الحوى

الحمل يبرك فيه هرش القوم مردوم السنـام=تبغا مثل صوت الذيابه مير يفضحك المـوى

[الشريف]

صح السنه الشعار طاروق نقض وفتل

حجاج المهيمزي


ناصر المظيبري


ابدعتووووو

[حــزام]

حجاج المهيمزي وش يرجع ؟ ورع ورفعوا فيه وازعج العالم

هالمحاوره تبين ان حجاج ماهو رشيدي يمكن ، لان مافيه رشيدي يعذرب بربعه مثل الي سواه حجاج


بس عز الله ان ناصر المظيبري شاعر ولعب برزانه وثقل ولادخل نفسه بمهاترات مع هذا الطفل

[حمد البارقي]

ياحزام اذا قصدك بورع انه صغير بالسن
يفترض ان تشجعه وتقف بصفه على ابياته الجزله وادائه المميز خير من ان تهاجمه لان المستقبل امامه ماهو تنتقده هالانتقاد الاقشر والتوجيه للصواب خير من الشتم

واذا قصدك بورع غير ذلك فاانا اقف عن التعليق


وثانيا وشلون تقول ناصر مادخل بمهاترات وانت تشوف هالبيت

ماحدٍ درى لاتفضح بنفسك ياملعـون الرسـام=وان كان مرضان ابن مظبر ياصلك معه الدوى

[ناب الجمل]

الظاهر حجاج بيصير مثل عبدالعزيز وتهاجمه الطحالب والخفافيش ههههههههه

مقصوووده

شكرا بنك الشعر على النقل

[بنك الشعر]

اقتباس من مشاركة حمد البارقي ياحزام اذا قصدك بورع انه صغير بالسن يفترض ان تشجعه وتقف بصفه على ابياته الجزله وادائه المميز خير من ان تهاجمه لان المستقبل امامه ماهو تنتقده هالانتقاد الاقشر والتوجيه للصواب خير من الشتم واذا قصدك بورع غير ذلك فاانا اقف عن التعليق وثانيا وشلون تقول ناصر مادخل بمهاترات وانت تشوف هالبيت ماحدٍ درى لاتفضح بنفسك ياملعـون الرسـام=وان كان مرضان ابن مظبر ياصلك معه الدوى

حمد البارقي كلام فالصميم شكراا لمرورك الراقي ياراااقي

[بنك الشعر]

اقتباس من مشاركة حــزام حجاج المهيمزي وش يرجع ؟ ورع ورفعوا فيه وازعج العالم هالمحاوره تبين ان حجاج ماهو رشيدي يمكن ، لان مافيه رشيدي يعذرب بربعه مثل الي سواه حجاج بس عز الله ان ناصر المظيبري شاعر ولعب برزانه وثقل ولادخل نفسه بمهاترات مع هذا الطفل

اخي حزاام

اولا

اقووول سولف وانقد على راحتك

لكن بعطيك اسم الشااعر عشان تعرفه زين

(حجاج مدله حجاج العماري المهيمزي الرشيدي)