[عبدالرحمن عديهان]

السلام عليكم



هذي المحاورة من قناة الساحه


اهداء للشاعر الفيلسوف


صقر سليم+++ وناصر مرسال


صقر


انت ياناصر من العام نسمع لك نغيق == ماتشوف انك معدي علومك حدها


ودنا نعطيك علم الحقيقه لو تضيق == لاتصادم لك مقامات مانت بقدها




ناصر



ودي ادمح زلتك واعطي العلم الوثيق == لكن اللي تحرجك يالبقيلي بدها


ناصر المرسال شاعر كما البحر العميق == مانشد وشلون جزر البحور ومدها



صقر



والله انا مانحول عليك بلا طريق == مير فيه علوم لابدها لابدها



اول الايام شبيت لك نارٍ حريق == وآخر الايام دمعتك تجرح خدها




ناصر



انت بحرٍ مثل هرمز وهرمز له مضيق == معضله ونقول يالله ياربي عدها



ابلشونا شلتك من تبوك الى بقيق == لكن النفس الويه قوياً سدها




صقر




لك ثمان شهور تنطح براسك في طويق == والجبال الشامخه ماقدرت تهدها


انت ابن مرسال مالك صديق ولا رفيق == شلتك لو تعترضنا لعنا جدها




ناصر



آخر لاياام مايطلق الحر الطريق == والطيور الثانيه من لقاها هدها


الصديق اللي مثل صقر ماحطه صديق == كل ماقدم يميني يمينه ردها





ان شاء الله تنال اعجابكم

[العالمي]

عبدالرحمن

مشكوووووور على نقل محاورة عميدالشعراء ناصرمرسال مع الشاعر صقر سليم كلهم مبدعيييييين

باالتوفييييق

[المشعل]

محاوره راائعه
وشعرااء رائعين

لاهنت عبدالرحمن ..

[الفيلسوووف]

بيض الله وجهك ياعبدالرحمن وصح لساان ابن مرسااال اشهد بالله انك ماتفشل لاقدمته قدم الاجناب

اكرر شكري لك وبيض الله وجهك

[محمد الراشد]

محاوره رائعه مشكور ياعبدالرحمن

[بدرالرياض]

محاورة ممتعة وصح لسان الشاعرين

[وليد البراك]

محاورة ممتعة وصح لسان الشاعرين

[المميز]

محاوره رائعه وجميله
شكرا لكــ عبدالرحمن على النقل الجميل والرائع