[كبرياء امراة]

السلام عليكم ورحمة وبركاااته..



بدون خجل هل تفعلينها لوطلبها منك ليلة الدخله


قصة واقعية حصلت في ليلة الدخله .
.
اول شي انا وضعت هالقصه

ابي عرف ماهي ردودكم على مافعله هذا الرجل بعروسه... واتنمى تنال على اعجابكم


اليكم القصه ..
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :
الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جديد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، والا الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه

والمفاجأة

7



7

يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين .........

هل تفعلينها لوطلبها منك ليلة الدخله؟؟؟
سؤال موجه لكن
هل ترضاها على زوجتك ؟؟؟
سؤال موجه للشباب
اتمنى تعجبكم

لكـــــــــــم عااااطرر تحياااتي

[شخابيط الزمن]

ماشاءلله خميسن الف ريال علشاان يسوي عشاء ليلة الدخلة
هي ليلــــــــــة عمر أخربها علشان خميسن الف ريال وعلشان رهان .

عني أنا no way

[مروان الرشيدي]

خخخخخخخخخخخخخخخخخخخ والله خمسين الف ماهي بسيطه

أطلقها وأتزوج ثانيه هع هع


بصراحه لا والله ما أقبل

ليلة العمر انا شاريها بدم قلبي وأنتظرها من زمان كيف ابيعها بحفنة فلوووس

السعاده مو بالفلوس



شكرآ ع الموضوع والقصه الرهيبه

[محمد الراشد]

يمكن تفشلني مع اخوياي
وتعرفين العريس ماوده يضربها
خخخخخخخخخخ

[سعد محمد]

وعليكم السلام ورحمه الله وبركاته ...

بكل صراحه لو انا واعوذبالله من كلمه (انا) كان مقفل جوالي من وقت قدومنا لشقه انا ولمدام.
وهو الشخص والله طيب في تقديره لعنوتهم وسواء لهم عزيمه تاريخيه ...


مشكوره على النقل ,,,

تقبلي صراااحتي .

[كاتب الرشيدي]

هذا الرجال وإلا بلاش

اشهد انه كفو

والزوجة فيها بوادر الحرمة السنعه

[بركه الداموكي]

بسم الله الرحمن الرحيم


هذي والله العروس الطيبه



غسلة دموع البصل بخمسين الف




بعدين الرجال ما سوا شي عيب حق الضيف واجب <<<لو صرف نفسه من المطعم احسن

[ابو رايد]

قصه جميلة يعطيك العافية