[حَــﮯــنَـيـن]

يا ( قلب) يكفي ما جرالك ويكفيـك
أنك تموت من القهـر الـف مـره .~

بالله قلّي ويـش تالـي مساعيـك
ياللي تناظر فـي نجـوم المجـره .~

حلمٍ حلمتـه مـا يحقـق أمانيـك
وليلٍ سهرتـه مـا ينسيـك مـره .~

أن كنت ناسي ما جرالك بماضيـك
بذكّرك في الوقـت خيـره وشـره .~

عطيت من دمّك وخابـت هقاويـك
وراحت سنينك بالشقى والمضـره .~

كم (جرح) ينزف بك وكنّه ولا فيك
من خوف عذالك بصـدرك تصـره .~

وكم (جرح) لو تخفيه بانت مواريك
له في ملامح وجهك السمح جـره .~

وش فايدة صبرك وسهرك لياليـك
وغيرك بدون أحساس مافيـه ذره .~

أكبر خطا تبكي على أنسان ناسيك
ويضيق صدرك فيك وتموت حـره .~

اللى نساك أنساه لو كان يطريـك
واللي يبرك فـي مواصلـك بـره .~

وأكبر جريمة .. من توده ويجفيك
أنك تصونه عقب ما بـاح سـره .~

قول (الوداع) وما جرالـك يكفّيـك
ودربٍ يمـرّه لا تحـاول تـمـره .~

يا (قلب) يكفي ما جرالك ويكفيـك
أنك تموت من القهـر ألـف مـره

الموضوع الأصلي: يـــــــــــــــــــــــــآآآآ قـلب | | الكاتب: حَــﮯــنَـيـن | | المصدر: شبكة بني عبس

[حميدان نوران]

صح لسانك
ابداع ياحنين

[حَــﮯــنَـيـن]

صح بدنكـ ..

يسلمؤؤ على مروركـ

[راسبه بالحب]

سلمت الايادي


لاعدمنا جديدك

[.last breath]

,

,,

يا ( قلب) يكفي ما جرالك ويكفيـك
أنك تموت من القهـر الـف مـره .~



مطلع يكفي عن قصيدة






حنين أنت رهيييب
^_^

[بوتفليقه]

صح لسان الشاعر

[حَــﮯــنَـيـن]

الابــداع هــو أنكــم أضفتم عليهااا قمــة الأحساس بمروركــم ..

[احمد منيف]

أكبر خطا تبكي على أنسان ناسيك ويضيق صدرك فيك وتموت حـره .~

صح الله لسـان شاعرها واختيار موفق :)