[النمر1012]

يابحر موجك تهادى ويش علمك يابحر
خابرٍ موجك عواصف والعواصف فيك غير
العواصف/ فيك غير / و شوفها مد النظر
والعيون الي تشوفك يابحر تنسى الغدير
يابحر جتك المشاعر بالبواخر تنتظر
واقفه وقفة اميره وانت يابحر الامير
يابحر جتك الرساله عاجله ماتختصر
ارهابيّه/ارهابيّه/فعلها فعلٍ خطير
فجرت عرق المحبه واقلبت لونه حمر
بعد ماكان اصفراره حافرٍ بالقلب بير
يابحر وش عاد عذرك بنصحك لاتعتذر
انتفض يابحر هيا وافعل اللي مايصير
البحر هذا قصيدي يحتوي نظم الفكر
لازهمته ينقلب موجه على كفي يسير
مايسير الا بدربٍ كله ابداع وزهر

ولايهزه غير فعلٍ يجعل الخافق يطير
ارهابيّه .. ولعتها نار ياقرب الخطر
تطلق جيوش المشاعر ياعسى بالامر خير
خير وين وجيش يهجم يبحث انواع النصر
راسمٍ خطة هجوم وعازفٍ بالحرب زير
جيش واثق جيش كامل جيش في وصفه ندر
جيش متسلح بطبعٍ في حركاته يثير
ذيك بسمات العذوبه ذيك نظرات السحر
كل هذا في هجومه والدفاع اقوى وجدير
والنتيجه الاخيره انتصر ثم انتصر
جيش بنتٍ من حلاها تلت القلب الكبير
أسمعيني ياغرامي/عقب ماعشقك حضر
ودي بسهرة مشاعر وانتي للعاشق عشير
لو بغيتي الحقيقه معكِ ياحلو السهر
اسكر بروووعة حضوورك آه ياحلو المصير
ودي ياودي وودي ودي ياودي كثر
بس امالي كيف احققها / ولو شيٍ يسير
لو تقولين الصبر بقولك وين الصبر
ودي بشوفك غناتي واسمع لموج الاثير
لو اشوفك في فرنسا او اشوفك في مصر
المهم اني اشوفك لو تقولين بعسير
الا مع طاري عسير الي لها مد وجزر
بالحلا ماهيب حولك انتي احلى وبكثير
ماعجبني من قصيد تمنا ان يعجبكم

الموضوع الأصلي: أسمعيني ياغرامي/عقب ماعشقك حضر ودي بسهرة مشاعر وانتي للعاشق عشير | | الكاتب: النمر1012 | | المصدر: شبكة بني عبس

[el3nod-al]

يابحر جتك الرساله عاجله ماتختصر
ارهابيّه/ارهابيّه/فعلها فعلٍ خطير
فجرت عرق المحبه واقلبت لونه حمر
بعد ماكان اصفراره حافرٍ بالقلب بير


اشكــرك اخوي النمر علـى القصيـده الرائعـه

انتقاء متميز وذوق رفيـع مـن وجهـة نظـري بختياراتكـ دائمــا

تحيات معطــره لكـ

[النمر1012]

هلا ومرحبا نورتونا وشهاده عتز بها منكم ومشكورين على المرورررررررررررررر

[سحايب]

ولايهزه غير فعلٍ يجعل الخافق يطير
ارهابيّه .. ولعتها نار ياقرب الخطر
تطلق جيوش المشاعر ياعسى بالامر خير
خير وين وجيش يهجم يبحث انواع النصر

صح الســــــان شاعرها
وصح ذوقك واختيار
قصيده كاملها جميل ورائع
ولكن اكتفيت بختيارماراق
لحسي
يعطيك العافيه على مانقلت
ننتظرجميل بوحك

[بندرأبن طريف المظيبري]

شكر لك أخي الــنمر 1012
بارك الله فيك قصيدة جزلة
وصح السان شاعرها وناضمها
وناقلها بارك الله فيك
تحياتي .. هرم عبس

[النمر1012]

اقتباس من مشاركة دمعه ولايهزه غير فعلٍ يجعل الخافق يطير ارهابيّه .. ولعتها نار ياقرب الخطر تطلق جيوش المشاعر ياعسى بالامر خير خير وين وجيش يهجم يبحث انواع النصر صح الســــــان شاعرها وصح ذوقك واختيار قصيده كاملها جميل ورائع ولكن اكتفيت بختيارماراق لحسي يعطيك العافيه على مانقلت ننتظرجميل بوحك

اجمل واروع مرورك الدمعه والله يسلمكم وعافيكم
ومشكورين على المرورررررررررررررررر

[النمر1012]

اقتباس من مشاركة ش بندربن طريف شكر لك أخي الــنمر 1012 بارك الله فيك قصيدة جزلة وصح السان شاعرها وناضمها وناقلها بارك الله فيك تحياتي .. هرم عبس

العفووووووووووو ياهرمنا وفارسنا لي الشرف في مروك
وياهلا ومرحبا منورنا يابندر نورت الصفحه
وصح بدنك والله يسلمك وعافيك ومشكور على المرور

[أبو سليّم]

صح لسانك اخي تحياتي لك ع القصيده

ننتضر جديدك