[عبداللطيف الرشيدي]

وش فيك يا قلبي تدقّ في كـــــلّ مـــــرّة يقترب
....................ما هي بهــــي يا خافقي توهـــا جـروحــك ما بـرَت

قلبــي ترانــي حاسّ بك لين اقتـرب بي تلتهــب
....................من سبّته حسبي عليك رعشــة تعـمّـــك بك ســرَت

يا وش تواليهــا معــــك يا قلب وش ناوي تحب
....................خلّك على كيفك أجــل ما هـي بعـــــادة لك جــرَت

بيلـوّعــونك خافقـــــي بيرجّـعــونك لي تشــــب
....................معطوب من زود الجروح اللّي ملامحـها ظهـــرَت

لا طبّ قلبك للأســــف ما ينفعـــــك كان ويجب
....................ما هي على كيفك ترى ماهي بفكـــرة لك طـــرَت

هذا الهوى يا هو عسير لكن سهل ما هو صعب
....................كلّه على من هـــــو تحـــب أمّـا أوَت والا افتــرَت

حالك بعد أمر الهوى مثل الذي بامـــــره غـُلـب
....................يا ما حلا عذب الهــــــــوى وعيونه اللي أسهـرَت

يا قـلـــب بتحبّــــه انـا بالطبــع لازم له أحــــب
....................وانا أحبّه في الأصــــل لو هي جروحـك ما بــرَت

الموضوع الأصلي: يا قلب وش ناوي | | الكاتب: عبداللطيف الرشيدي | | المصدر: شبكة بني عبس

[راسبه بالحب]

صح السانك


وسلمت يمينك كلمات رائعه


لاعدمنا نزف قلمك

[عبداللطيف الرشيدي]

اقتباس من مشاركة راسبه بالحب صح السانك وسلمت يمينك كلمات رائعه لاعدمنا نزف قلمك

صح بدنك وتسلمين ع مرورك الطيب

[آلنجم]

صح اللسان شاعرها لاعدمت جديدك

[سلطان الدويله]

مشكور وماقصرت على القصيده المليئه بالمشاعر الدافقه في شاعريتهاا

وننتظر الجديد

[احمد منيف]

صح الله لسانك اخوي لاهنت ع النـــقل :

[عبدالرحمن منصور]

صح لسانك اخوي عبداللطيف الرشيدي

يعطيك العافيه لاعدمنت جديدك

[عبداللطيف الرشيدي]

اقتباس من مشاركة النجم الساري صح اللسان شاعرها لاعدمت جديدك

صح بدنك

لاعدمت مرورك