[حامد الحنيفان]

خذها وانا مسمى على الشيخ بطاح= شيخ(ن) مضريها بفج المصابيح
شيخ(ن) على القالات مايهج نطاح = لو دون عسرات القوافي نواطيح
مروض الصعبات في جهد وكفاح = بالمفرده ونقح الشعر تنقيح
وابطلب الله وادعي بوقت الاصباح = يشفيك ياراع الوفاء والتساميح
لو كان معرف قصتك بس وضاح = الشعر وضح الي جميع التواضيح
ومن بعدها بالشعر ذابح وذباح = ماتختلط بالقاع غير الذوابيح
وشرم الشيوخ اليوم مافيه سياح = يبون حسني والرجال الطحاطيح
لكن تمركز طير شلوى ولاراح = ماهمه التهديد هو والمجاريح
عوق الخصيم اللي ورا السب نباح = خلى عجوزه تضرب الصدر وتصيح
ومن قال انا قاتل كبيراً وسفاح = تجيه ناسً كلبوها سفافيح
ماكل شيخً عن ماناصبه ينزاح = ولاكل من يخطي يعالج بتصحيح
ولاكل من يدمح يقولون دماح = مايدمح الزلات غير الدواميح
لفتة نظر ماني ورا الهرج رماح = وقد جيت نجد ابرها وصحاصيح
ولاني ورا غرات الاجواد بياح = لامنها اقفت من وراها صلافيح
وتمت بذكر الله عدد سايحً ساح = على رسولً رجح الحق ترجيح
الشاعر/ حامد سعود الحنيفان

الموضوع الأصلي: مجاراة قصيدة/ الشاعر/ سويلم فالح المظيبري | | الكاتب: حامد الحنيفان | | المصدر: شبكة بني عبس

[النهر العاصي]

صح لسانك يابن حنيفان ولاهي غريبه عليك عسف المفرده واشكرك على هاالمجاراة الرائعه0
وتقبل مروري

[عيد الداموك]

صح لسانك يابن حنيفان ولاهو غريب عليك الشعر
وتقبل مروووري وتحياااتي -- وننتظر جديدك

[عبدالله معزي]

حامد الحنيفان
صح لسانك
قصيدة جميله
تقبل مروري

[البعيد الهادي]

صح الساانك وتعلا شانك
وسلمت ودمت

[حامد الحنيفان]

يشرفني من تفضل بالمرور على قصيدتي ولااقول
الا يعطيكم العافيه وعساكم ذخر لنا في هذه المنتديات الشامخه
كما لايفوتني بالشكر الجزيل لكل من شاهدها؟
ولكم فائق الاحترام والتقدير0