[سلطان العايضي]

فيض مشاعر الحب من ألْسنة وقلوب الشعب عنوان قصيدة ملبس بن صالح بن دحام الزبني بملك الإنسانية وقائد المملكة العربية السعودية عبدالله بن عبدالعزيز آل سعود حفظه الله وأعاده إلى وطنه وشعبه سالماً معافى وأطال الله في عمره وأيده بعزه ونصره المبين.

يالله ياللي خلقت العلل هي والأجساد=الواحد الفرد الصمد عالم الغيب
بإسمك الأعظم النزيه عن كل الأنداد=أمرتنا بالدعاء وأنت وعدتنا إتجيب
إحفظ ملكنا يارب عن كل الأضداد=وإيعود ونستقبله بالفرح والتراحيب
فرحتنا يوم الشفاء مثل الأعياد=صبايا وعجايز، شبابٍ وشيب
راعينا حامينا أبونا سيد الأسياد=بالسياسه إيفكَك مبهمات اللواليب
كم رفعت له البيضاء على رؤوس الأشهاد=ملك الإنسانيه طبيعته سهل وإصعيب
وسلطان ولي العهد وزير الأجناد=بالسِّـلمْ غيث وبالحرب شين المشاريب
ونايف إذا ثار للفتنه إزناد=هو درع الوطن واحماه ستر الرعابيب
ولا يضر شعبنا السعودي قول حِسَّاد=مايعيب الذهب والماس كثر العذاريب
ياحيف ياعقولٍ طبعها كبر واعناد=على أنغام فحيحها قام رقص الد باد يب
مايعلمنا إبتاريخنا داد إبن داد=ولانستمع لدعاة فتنه وتخريب
واللي وده في سبيل الله إجهاد=إيجاهد الهوى وإبليس وإيتوب وإينيب
الجهاد ماهو قتل جماعات وافراد=من الجيران والأهل والضيوف الأجانيب
المقيم يعتبر جارنا إبكل الأوكاد=والزائر ترانا نعتبر له معازيب
كل الأعاجم وكل من ينطق الضاد=لهم عندنا أكمل حفاوه وترحيب
وأهل الكتاب والصابئه وأهل الإلحاد=ندعيهم إلى الله إبلطف وحكمه وتهذيب
والمسلمين أي جنس ولون وإبلاد=إقلوبنا معهم إبساعة الخبث والطيب
وباقي دول العالم من دون تعداد=التعايش السلمي بالعداله له إنجيب
هاذي تعاليم إسلامنا صحيح الإسناد=ماهي سوالف إمروجين الأكاذيب
وتاريخ الجزيره بقلوبنا حنا الأحفاد=ذاك عصرٍ يرتاع به الطفل وإيشيب
قبل عبدالعزيز تاريخ الأجداد=أشتات على شريعة الضبع والذيب
الجوع والجهل والمرض بينهم زاد=كل حياتهم بؤس وتعاسه وتعذيب
راس مالهم إرماح وإسيوفٍ إحداد=واسروج الجياد واكوار الفطر الشيب
أما غزوانٍ لأجل كسب الأذواد=أو حناشل يقنعون بأردى المكاسيب
وجمع شملهم التقي النقي إبن الأجواد=عبدالعزيز إعقاب رؤوس المراقيب
نجد العذراء قهوته بَنْ وإقناد=اللي قبله عصت على كل خطيب
أمهرها الكتاب والسنه ولا زاد=والحلم والرحمه زادها فيه ترغيب
مثل أسلافه حط الشريعه له إعماد=وحَّد الوطن وابعمق دق المناسيب
واصبحنا إخوه في الله ركَّع وسِجَّاد=والعز توحيد الصف والتفرقه عيب
يالله عسى نعيم طوبى له إمهاد=أقام شرع الله وعند كل الدول هيب
وبيننا العدل والأمن والرخا ساد=كل ما اتغيب وتطلع الشمس وإتغيب
إبظل حكامنا أهل البطوله والأمجاد=آل السعود إمطوعين الأصاعيب
أصل شجرتهم ثابتٍ مثل الأطواد=وإفروعها بالسماء إيفوح منها شذىالطيب
وصلاة ربي عد ماهل رعاد=على النبي وآل النبي والأصاحيب

ملبس بن صالح بن دحام الزبني

الموضوع الأصلي: فيض مشاعر الحب من ألْسنة وقلوب الشعب | | الكاتب: سلطان العايضي | | المصدر: شبكة بني عبس

[وريثة المجد]

صح لسان شاعرها
ويعطيك العافيه ع النقل

[مذكر الرشيدي]

صح لسان الشاعر ملبس بن صالح بن دحام الزبني قصيده جزله تستحق النقل بما تحمل من وزن وثقل وجزاله

ومشكور ياسلطان العايضي


على نفلها ولا هنت بيض الله وجهك وهذا ليس بغيب عليك

[سحايب]

صح الســـــان شاعرها
وسلمت يمناك على مانقلت
قصيده رائعه ونقل متميز
ويستاهل ابو متعب
الله يشفيه من كل باس
يعطيك العافيه ولاهنت

[ولد الشرقية]

صح لسان شاعرها
وتسلم اخي سلطان ع النقل .

[البعيد الهادي]

صح السان الشاعر
والله يحفظ خادم البيتين
ويره لنا سالم
ولاهنت ياسلطان

[سعد محمد]

صح لسان شاعرهاا على هـذا الأبيات الجميله والجزله

وجعل الله ملكنا بخير وعافيه .

[عويض بن شامان بن خلف]

صح لسان شاعرها
ويعطيك العافيه ع النقل