[أبو سيف البراك]

رحت وبقالك داخلي جرح وطعون=جرح(ن) عميق(ن) بالحشاء من يداويه
طاوعت فيني هرج ناس(ن) يسبون=نسوك عهد(ن) بيننا ثم خنتيه
كنت انصحك ماتسمع اللي يقولون=كله نفاق(ن) في وانتي سمعتيه
ترى حبيبك عايش اليوم بجنون=مرتاح قلبك بس قلبي قتلتيه
روحي تمنيهم لحبك يصونون=هذا عذابك وانتي اللي جلبتيه
ربع اللي اعطيتك وربي يعجزون=ماراح يعطونك ولاهم حواليه
لابد في يوم(ن) لحبك يخونون=وتندم على اللي في حبيبك فعلتيه
ومن اول(ن)في حبكم كنت مفتون=واليوم راح الحب ويموت ماضيه
خلاص بخلع حب بالقلب مدفون=وساعة ندمكي انسي انك تعيديه
خلاص بدله عن هواكم ومايكون= متعلق(ن) في ذكرياتك وبمحيه
وانتي عسى اللي له عباده يصلون=ماتهتنين بحب قلب(ن) هويتيه

بقلمي وهي قابله للنقد من الشعراء
ولكم تحياتي

الموضوع الأصلي: جــــــرح وطــــعــــون | | الكاتب: أبو سيف البراك | | المصدر: شبكة بني عبس

[فضي البراك]

روعه يابو سيف

مبدع ومبهر

بأنتظار جديدك دائما

[أبو سيف البراك]

الأروع هو مرورك في صفحتي

[عيد الداموك]

ابو سيف

صح لسانكـــ

انا سعيد بهذا الطرح الجميل

ابو سيف بيض الله وجهك على هذا الابداع

[عبدالله معزي]

صح لسانك
قصيدة جميه
تحياتي

[احمد منيف]

ماشالله عليك قمة اخووووي وصح الله لسـانك

[أبو سيف البراك]

عيد الداموك@ عبدالله معزي @ احمد منيف
اشكركم على مروركم العطر وعلى كلماتكم المتواضعه

[أثير الشوق]

ابيات رائعه وجميله صح لسانك شاعرنا وشكرا لك