[المحترف العبسي]

الموال من رباعيه كان طرفيها الشاعر مصلح سحيمان والشاعر سليمان محياء والطرف الاخر الشاعر محمد العازمي والشاعر زايد ابن عدله

سليمان محياء
السماء صافي ولافيها خيال
والكلام يروح من خلف الخيال
يالالاله يالالاله يالالال
والدواء موجود يالقلب الجريح
تعبنا وتعّبنا خيار التفاكير==عرفت الامير ولا عرفت الاميره

زايد ابن عدله
انت ياسليمان شاعر ماعليك
مير وسط النار لاتبسط يديك
من يبيعك يافتى مايشتريك
والدواء موجود يالقلب الجريح
اليا جاك عنتر عبس ياسالم الزير==يبى ينقرك تنقير ويدق زيره
سليمان محياء
انت شاعر ماعرفتك من قديم
غير هذا العام في تال الحميم
عوذ بالله منك يابليس الرجيم
والدواء موجود يالقلب الجريح
تناقض كلامك وش معك خير ياطير==من ابلادك ابعد فيك راع الحفيره

زايد ابن عدله
ماتعرفني لان توّ انك طلعت
بالملاعب توّ عمرك ماشفعت
العرب شبعانةً وألا انت جعت
والدواء موجود يالقلب الجريح
اليا صرت ياسليمان تملك دنانير==تصدق على بعض الوجيه الفقيره

سليمان محياء
يفرق الميدان مافيها كلام
كان في خشمك يابن عاتي عرام
والوعد قدام يافريخ الحمام
والدواء موجود يالقلب الجريح
انا شايفك شاعر تصف الطوابير==تسوق القدم ماتخاف صوب السعيره
زايد ابن عدله
ياسلام الله على علمك سلام
آخر الايام قلّ الاحترام
كثرت فروخ الحباري والنعام
والدواء موجود يالقلب الجريج
عسى الله يفكك من صدوف المقادير==وتبقى لربعك ذخر ياخو عميره

الموضوع الأصلي: موال الشاعر سليمان محياء وزايد ابن عدله | | الكاتب: المحترف العبسي | | المصدر: شبكة بني عبس

[بن مشيلح]

صح لسانك ابن عدله وصح لسان قبيلك

[المحترف العبسي]

ابن مشيلح مشكور على مرورك

[الفيلسوووف]

سليمان محيا شاعر ولا يهون العويمري

[مجرد اسم]

اسمي مجرد اسم
ولكن

مجرد شعراء :)

[طنطاوي]

موال وبيت واحد هذا ما يميز المحاوره المتطوره ومبروك للاخوان براءة الاختراع

[الونش]

صح اللسان الشعراء

طنطاوي ابك المحاوره رباعيه ماهي اختراع يامفتي