[مالك الصامل]

لو أتعب تعب مخلوف والا ماهو مخلوف =ترى الوقت مايسوى علشان يشقينا..
كوابيس هم تحط بالقلب حالة خوف =نعيش ونشوف بوقتنا مايكفينا..
اذ ماسمعنا مايزعل لابد انشوف =وتبقى ظروف الوقت ماهي بيادينا.
نعرف على انفسنا ولا نعرف المعروف =ونكشخ على حساب التفاخر بسأمينا
جهلنا كبير و همنا نجمع المصروف= نحس بجهلنا لكن الطيش معمينا
معازيب بالراحه وبالواجبات ضيوف = ونمدح تعيس الحظ لا صار يعطينا
الا يازمان الصمت لاثرثر الملقوف = ابفهم من اللي بالتقاليد معدينا
ماندري بان الوقت يخفي وراه ظروف = نهدد حرامينا ونبلش بحامينا..
وبعد ماعرفنا خافي العلم والمكشوف = تقبل جميع اعذارنا ياحرامينا..

دمتم بموده

الموضوع الأصلي: تقبل جميع اعذارنا ياحرامينا..؟؟؟؟ | | الكاتب: مالك الصامل | | المصدر: شبكة بني عبس

[سعيد عيد الرشيدي]

قصيده تحميل الكثير من الصور الشعريه الجميله
ابداع لايتقنه سواء شاعرنا مالك الصامل
صح لسانك شاعرنا على هذه القصيده الشامخه ويشرفني ان اكون اول من يرد على هذه الشامخه
تقبل تحياتي وتقديري

[مالك الصامل]

أخوي سعيد عيد ...


صح بدنك..


ومشكور على هذا الاطراء الجميل..

[احمد سبيتان]

صح لسانك شاعرنا الجميل مالك



ابدعت كل الابداع والى الابداع ياشاعر

[بنساك]

معازيب بالراحه وبالواجبات ضيـوف
.......ونمدح تعيس الحـظ لا صـار يعطينـا
الا يازمان الصمت لاثرثـر الملقـوف
......ابفهـم مـن اللـي بالتقاليـد معديـنـا








؟



الله عليـــك يــا مااالك

ابيااات لا يجيدها الا مااالك

ارتوينااا شعر يـــا مالك الابــــداع



كل الشكر لك



بأنتظاار جديدك

[مالك الصامل]

احمد سبيتان ...



اطلاله انآرت متصفحي ....



صح الله بدنك...






شكرا لك

[الموج الازرق]

صح السانك يامالك الصامل ابدعت وليسى غريب منك الابداع

ولاذكاء والقصيده تتكلام عن الوقت الراهن


وبتوفيق

[محمدخالدالشباح]

صح الله لسانك اخوي مالك الصامل قصيده جميله جدآ حدآ ورآئعه وربنا يعطيك الف عافيه تقبل مروري ؟؟؟