[كلي فخر لبوي]

ابيات شعر قيلت في لام@@@@@@@@@

ابيات شعر جمعتها من بعض المنتديات فيها شعر عن الام ومن عنده زود لايبخل علينا
لان الام بحر من العطاء لانستطيع شكرها

وطبعاهذه الكلمات اعجبتني وليست من كتاباتي التي اتمني ان اكون كاتبها وشرف لي

أمي يا حنان الكون ويا نبع الوفى الصافي

مهما لك أنا قدمت حقوقك ما اقدر أوفيها

عطيتيني كثير الحــــــب وقلتي ما هو بكافي

وأنا هاليوم من كثر العطايا ما اقدر أحصيها

أحب أمي ثم أمي ثم أمـــــي وغيرها ما في

لها روحــــــي أقدمها بين يديني واهديها

أنا لولاك يا أمـــــــي مثل طفل مشى حافي

ضاعت فرحت أيامه ودنياه وش بقى فيها

أمي يا دفي الإحساس ويا نبع الوفى الصافي

احـــــــــبك كلمه دايم على لساني اغنيها




وابيات اخري


احب الناس لي امي

ومن بل روح تفديني

فكم من ليله قامت على مهدي تغطيني

تخاف عليه من برد ومن حر فتحميني

ومن الم ومن مرض اناديها فتاتيني

واسعى في محبتها كم تسعى وترضيني

بروحي سوف افديها كم بل روح تفديني


قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة


وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني


اتمنا مشاركة الجميع

الموضوع الأصلي: ابيات شعر قيلت في لام@@@@@@@@@ | | الكاتب: كلي فخر لبوي | | المصدر: شبكة بني عبس

[رسام الغروب]

صح السانك قصيدة رائعه عن الأم تسلم يمينك الله يعطيك ألف عافيه

[احمد منيف]

الله يخليلج امج ويطول بعمارهم لنا ؛

لاهنتي اختي اختيار موفــق