[الاجهر]

ياوجودي وجد شايب فاقدن لأطيب عياله=جاه علمه ثم كنه فاقدن كل الخليقه
وياوجودي وجد عاشق راح عشقه في سفاله=كان يعشق ثم خانت عشرته ذيك العشيقه
وياوجودي وجد ورع(ن) جار به عمه وخاله=وين يلقى له عزاوي وين يلقى له طريقه
آتوجدّ والدموع اللي عبت بالعين حاله=الدموع مهلهله والعين غاصت كالغريقه
الله اكبر كيف حبي كيف يلقى له بداله=كيف ينساني وانا له فكت(ن) من كل ضيقه
الخواطر ضايقه والشعر يعطيني مجاله=كل ماهلّت عيوني جبت لي ذيك الوريقه
والله اني كنت اقوله كل عمري له فداله=وان بكا جيته وانا له ماسح الدمع وبريقه
والله اني كنت احبه سعد فاله سعد فاله=يوم مثلي قد عطاه القلب واعطاه الوثيقه
كان يقبل ثم اغني يالالاله يالالاله=ثم يقفي كني والله في حريقه في حريقه
كان فرحي كان سعدي كان لي حتى وانا له=كان يركض في حشايّه مثل غزلان(ن) طليقه
حتى قلبي والله قلبي ياعرب قد انهدا له= لا وازيد من القوافي بيت بيّن بالحقيقه
شوفي اغلى ماملكته قد عرضته له حلاله=يعني اكثر من كذا والله ماظني نطيقه
بس مابانت بعينه ياعرب حتى جماله=لا ولا حتى يبان الحب في العين الرقيقه
ياوجودي ياوجودي اتوجّد من فعاله=الطعون اللي غدت بي داميه حتى عميقه
لو طعوني من عدوي كان مافيها شكاله=البلا كل الطعون اللي تجيني من رفيقه

قصدية اعجبتني مع التحية

الموضوع الأصلي: ياوجودي وجد ورع(ن) جار به عمه وخاله | | الكاتب: الاجهر | | المصدر: شبكة بني عبس

[عبدالعزيز الخياري]

صح لسانك يالاجهر قصيده تستحق النقل

لاهنت على حسن الاختيار

وكلك ذوق ومافيك حيله

[مسندالعويمري]

صح لسانك يالاجهر على حسن الاختيار

قصيده تستحق النقل

[مبارك الشويلع]

صح لسانك ولسان شاعرها

احسنت الاختيار


ننتظر جديدك الجزل المفيد


وتقبل فاااااااااااائق احترامي وتقديري

[الاجهر]

الاخ عبدالعزيز اشكر مرورك

[رويبح رباح العويمري]

شكرا على الاختيار يلاجهر وصح لسان شاعرها$$$$$$وانتظرجديدك$$$$$

[فواز الدواي]

قصيده روعه

والاروع ناقلها

لاهنت;)

[بندر الذيابي]

صح الله لسان شاعرها


الاجهر لاهنت نقل موفق وذوق رائع



ننتظر جديدك


مودتي