[ذيب الهجاد]

السلام عليكم ورحمة الله وبركاتة..

((الـــمـــقــــنــــا ص))

ياعيد خذني للمقانيص سواق=والا معك في كشلة الجيب قدام

خذني تراني للمقانيص مشتاق=قلبي تولع في الحبارى من العام

وانته واناللصيد ربعاً وعشاق=مانخلف النيه على طول الايام

لالاح وسماً في سما نجد براق=منشي خياله واحدٍ فوق مانام

وسقى ديارٍ للقوانيص تشتاق=تسوى ديار الغرب مع ضيعة الشام

خذ من تزهل للقوانيص سواق=خذ عزبة المقناص والطير غشام

والعمر فاني واللقاء بعده فراق=وعزي لمن ضيع صلاته ولاصام

ماينكتب للعبد يبقى فالاوراق=سبحان من يعلم خفيات الارحام

أمقسماً للعبد عمره والارزاق=عزيزوجهاً من لاجاله فلا يظام

الموضوع الأصلي: ((الـــمـــقــــنــــا ص)) | | الكاتب: ذيب الهجاد | | المصدر: شبكة بني عبس

[عيد الداموك]

ذيب الهجاد
صح لسانكـــــــــ
وطرح مميز
وتقبل مرووري
مبدع دائماً

[احمد سبيتان]

صح لسانك ابدعت بالتوفيق

[احمد منيف]

قصيده جميله بس

مع ضيعة الشام

اتوقع حدك القاف لو انك مغيرها يكون تصويرها اجمل

لكن مايعيب القصيده لاهنت اخوي { ذيب }

[ذيب الهجاد]

اقتباس من مشاركة عيد الداموك ذيب الهجاد صح لسانكـــــــــ وطرح مميز وتقبل مرووري مبدع دائماً

هلااااابك ...عيد....... الابداع هو من تشريفك ومرورك الكريم

لاهنت

وصح بدنك

اقتباس من مشاركة احمد سبيتان صح لسانك ابدعت بالتوفيق

احمد سبيتان صح بدنك وشرفتنا بطلتك الكريمه

وبالتوفيق للجميــع

اقتباس من مشاركة احمد منيف الرشيدي قصيده جميله بس اتوقع حدك القاف لو انك مغيرها يكون تصويرها اجمل لكن مايعيب القصيده لاهنت اخوي { ذيب }

لا...يابعدي لاحدتني القافيه ولا شيئ نغرف من بحــر

أعتقد ضاع عليك المعنى وصياغته ((ضيعه))

الضيعه هي القريه الجميله في لغة الشام والمنظر الخلاب

البيت متناسق اوله مع أخره..

تسوى ديار الغرب مع ضيعة الشام

[احمد منيف]

لاضعت ولا شي والمعنا واضح والضيعه اوضح

انت اتقول تسوى ديار الغرب <~ اوك كمل تبحث عن شي اخر آآآم { لقيت الشام }
وخليتها ع جهتين الغرب اللي نعرفه والغرب الي بجهت الشام ,،‘ وهي بالاصل بالشمال

تقريباً حدك القاف شكراً ذيب ثاني مره :)

[ذيب الهجاد]

اقتباس من مشاركة احمد منيف الرشيدي لاضعت ولا شي والمعنا واضح والضيعه اوضح انت اتقول تسوى ديار الغرب <~ اوك كمل تبحث عن شي اخر آآآم { لقيت الشام } وخليتها ع جهتين الغرب اللي نعرفه والغرب الي بجهت الشام ,،‘ وهي بالاصل بالشمال تقريباً حدك القاف شكراً ذيب ثاني مره :)

يالاخووووووو..ادري والله انك ضيعت المعنى

الشعارومتذوقي الشعر.. مانبلش فيها وفاهمين صيغة ومعنى وبناية الشطر

والشطر هنا متمم لبعضه ووافي ...

الغرب هنا ((الدول الاوربيه امريكا استراليا اي دولة غربيه رومانيا مثلاً))فهمت وليست جهه

ومعلوم ان دول الغرب تتمتع بجمال الطبيعه وتنافسها ضيعة الشام اللي هي الريف الشامي,,


عاد انت بكيفك دامك تعتبرها حدتني القافيه اقولك الله ..الله...

[احمد منيف]

هههههههههههه ماقلت شي جديد

ع العموم صح لسـانك وتراني والله ماني مضيع وعارف