[أحاسيس]

ماودي الناس تدري وش مبكيني
مـن عـز نـومـي صـحـيـت وشـفـت فـي عـيـني
دمـع تـهــادى عـلى جـفـنـي وأنـا غـافــــــــي

سـتـرت دمـعــــي بـكـمـي قـبـل يـغـريـنـــــــي
وأخـذت هـذا الـجـسـد مـن بـاقـي لـحـــــافـي

وسـريت تـايـه ورى خـطـوات رجـليـنــــــــي
لا الوجـه وجـهي ولا أوصافي هي أوصـافي

أمـشـي وأقـول لـطـريـقـي لاتـوديـنــــــــــــي
لـعـيـون نـاسٍ تـبـي تـدري عـن الـخـافــــــي

أمـانـتك .. خـلـهــــــا مابـيـــنك وبيـــــنــــــي
خـابـرك يـالـدرب خـوة عـمــر وسـنــافــــــي

مـاودي الـنـاس تـدري وش يـبـكـيـنــــــــــــي
كـرامـة الـنـفـس ورث أبـوي وأســـلافـــــــي

أمـشـي وأحـس الـخـنـاجـر فـي شـرايـيـنـــي
والـبـرد يـمـشـي وراي ويـنـهـش أطـرافــــي

وحـيـد والـلـيـــــــل بـردونـه يـغـطـيـنــــــــي
تـقـول كـن الـبـلد روح بـهـا الـســافــــــــــي

إلـيـن مـاأوحـيـت لـي صــــــــوتٍ يـنـاديـنـي
صـوتٍ أعـرفـه مـثـل ما أجـهـل وش خـلافي

قـمـت أتـلـفـت وأنـــــادي .. لاتـخـلـيـنــــــي
مـاغـيـره الـصـوت ..هـذا صـوتـه الـدافــي

ولـمـحـت زولـه مـن أقـصـى الـدرب لافـيـني
مـدري وش أقـول لـكـن حـــي هـا الـلافــــي

الموضوع الأصلي: ماودي الناس تدري وش مبكيني | | الكاتب: أحاسيس | | المصدر: شبكة بني عبس

[ناصر الرشيدي]

ولـمـحـت زولـه مـن أقـصـى الـدرب لافـيـني
مـدري وش أقـول لـكـن حـــي هـا الـلافــــي

صح اختيارك وسلم لنا ذوقك
تمنياتي لك بالتوفيق

[صوت الشمال]

صح اختيارك وسلم لنا ذوقك
تمنياتي لك بالتوفيق

[راسبه بالحب]

صح السانك وعلا شانك


رووعه الكلمات


لاعدمنا جديدك

[احمد منيف]

أمـشـي وأحـس الـخـنـاجـر فـي شـرايـيـنـــي والـبـرد يـمـشـي وراي ويـنـهـش أطـرافــــي

تصدقين امس قاريها بمنتدى ثـــأني وعجبتني ..!

مشكوره اختي لاهنتي ع النـقل اللي جاء بمحلــه :(

[رسام الغروب]

صح السانك وعلى اختيارك الرائع الله يعطيك العافيه

[أحاسيس]

مشكوررين على مروركم اللي كثير يسعدني