[فضي البراك]

ماعادك انته ولا آنا عادني انا=كلٍ لبس مـ التغير ثوبا بروحه

البسمه اللي كست يوم محيانا=الدمع شوه معالم وجهها نوحه

(مبروك للي كسب يومه تحدانا=اقولها والخفوق يصارع جروحه)

آوااه آوآآه (واويلاه ما امدانا)=ما امدى الهوى ينبني وانهدمت صروحه

الله يسامحك اسمع ضحكة اعدانا=وقلي دخيلك قبل لا اروح مسموحه

ماعاد ابسمع ويكفي ابليس اغوانا=زريّت ثوب الذنوب وحانت الروحه

مبطي وانا اقول زدنا في خطايانا=مبطي وبيبان ربك دوم مفتوحه

غفلة ضميرك تراها تربك اخطانا=والراسيه من قديم الوقت مذبوحه

(شوف الزمن مايلٍ ميلة حنايانا)=الى متى الصوت والاوتار مبحوووحه

اصحى..ترى غبار هذا الوقت اعيانا=مافيه بنتٍ تحب الستر مفضوحه

دمع الندم لأنهمر يحييّ مزايانا=اندم دخيلك ترى الغلطات مبيوحه

لو ماتقول الحقيقه كذبك اغرانا=صدقت هرجك ايلين اسودت اللوحه

(الحق يزعل وقل الله حلايانا)=مابه علاقه غلط بتكون ممدوحه

(مافيه حبٍ عسى ربي يتولانا=ياخصلة الصدق صرتي حيل ممسوحه)

الله نزع هالغلا من عقب ما اعطانا=احسن من اني اكون فيدك ارجوحه

الله يهديك واحنا الله يهدانا=والله ما ارضيت هذا القلب وطموحه

من عنّد راسك غدى اعلانا اوطانا=اشرب عنادك قهر فوحه ورى فوحه

ماعادني الراسيه ولاعادني آآآآنا=واليوم ما اشوف حتى نجد وطروحه

الشاعرة القديرة / الراسية

الموضوع الأصلي: مبروك للي كسب يومه تحدانا | | الكاتب: فضي البراك | | المصدر: شبكة بني عبس

[سند الداموك]

صح لسانها 000 قصيده راائعه

ويعطيك العافيه أخوي فضي على النقل

تحياتي

[ابوحزن 2009]

صح لسانك اخوي فضي ولسان الشاعره الراسية

ومشكرور ع النقل ودمت بود

تقبل مروري

[ناصر الرشيدي]

الرسيه صح لسانها

وصح بوحك يابو فيصل

[فضي البراك]

اقتباس من مشاركة سند الداموك صح لسانها 000 قصيده راائعه ويعطيك العافيه أخوي فضي على النقل تحياتي

أبو رنا الأروع مرورك لا عدمتك ،،

[فضي البراك]

اقتباس من مشاركة ابوحزن 2009 صح لسانك اخوي فضي ولسان الشاعره الراسية ومشكرور ع النقل ودمت بود تقبل مروري

لا هنت أخوي

مرورك اعتز فيه

[فضي البراك]

اقتباس من مشاركة ناصر الرشيدي الرسيه صح لسانها وصح بوحك يابو فيصل

أسمها (الراسية)

لا هنت يابو سيف

ومرورك شرف