[الاجهر]

ياوجودي على مضنون عيني

صباح الخير اسعد الله اوقاتكم بكل خير

قصيده اعجبتني وحبيت انقلها لكم

وهي للشاعر الكبير احمد الناصر الشايع


ياوجودي على مضنون عينـي
وجد من طاح وارهى به عدوّه

طاح من عقب ماطاحت ذلوله
وافقـوه اربعيـن بـوارديّـه

كل واحـد رمـاه بطلقتينـي
شاف ماله بهم حيل(ن) وقـوّه

لارفاقه ولا عـذر(ن) يقولـه
سلّم امـره لخـلاّق البريّـه

لارساله ولا خـط(ن) يجينـي
انتحى واختلـف نـوّي ونـوّه

اتمنـى وانـا مانيـب حولـه
راح يـم الديـار الاجنبـيّـه

هل دمعي وجـرّح وجنتينـي
صار مالي على خلي اجـروّه

كن دون الغضي عشرين دوله
واحـلالاه دام النفـس حيّـه

ليتها بين اهل خلـي وبينـي
كان اخاطر بروحـي واتفـوّه

كل رجل(ن) يذكّر في فعولـه
كـان هـي طيبـه ولاّ رديّـه

من عيونه طعنّـي حربتينـي
صوبن اسفل القلـب وعلـوّه

وين انا والحيـاه الله يهولـه
ويش يبري الجروح اللي خفيّه

في حياتي جرحنـي مرتينـي
جرح كامي وجرح(ن) منه توّه

جرح توه وجرح(ن) حال حوله
واهنـي المعافـى واهنـيّـه

ألتفت من يسارومـن يمينـي
وازهم اهل الحميّـه والمـروّه

لو يصيح المصيّح ماعنوالـه
كيف راحت من الناس الحميّه

كن عوده مثل عود الردينـي
في يد الفارس الظفر المفـوّه

مابعد شفت زول(ن) مثل زوله
من عرفته وانا عينـي شقيّـه

كان قلبك على الفرقـا متينـي
سوّبي ماتبـي يازيـن سـوّه

كل كبد(ن) من الحب مغسوله
مالها بالهـوى شـف ونحيّـه

الموضوع الأصلي: ياوجودي على مضنون عيني | | الكاتب: الاجهر | | المصدر: شبكة بني عبس

[احمد منيف]

لارفاقه ولا عـذر(ن) يقولـه سلّم امـره لخـلاّق البريّـه لارساله ولا خـط(ن) يجينـي انتحى واختلـف نـوّي ونـوّه

الله يعطيك العافيه اخوي { الاجهر } واحمد الناصر مايحتاج معرووووف بيض الله وجهــك

[ولد الشرقية]

صح لسان شاعرها
وتسلم يمين ناقلها .

[بيطار الشعر]

كن دون الغضي عشرين دوله
واحـلالاه دام النفـس حيّـه

الله الله يالأبدااااااااع

احمد الشايع هرم من اهرام الشعر المعروفين امثال مرشد البذال واللويحان وصقر النصافي الله يرحمهم

وبيض الله وجهك يالأجهر على نقل الأبداع ومشكوووووور ,, لاهنت

وياليت تمر على قصيدتي الجديدة وتعطيني رايك وهي عنوانها قصيدة بالملك عبدالله و الآن ثالث قصيدة بمنتدى عيون الشعر

[بندر الشويلع]

صح لسانك والله يعطيك العافيه على النقل المميز
ولاهنت

[دلع العطاوي]

ذووووق الاجهر وربي انك ذوووق-الله عليه هالشاايب احمد ناصر الشايع الله يمد بعمره

[عز و مهابه]

اخووى مااشااء الله تباارك الله

ذاائقه رااائعه لاتحرمنااا منهاا

لك كل الود والتحايااا

[الاجهر]

اشكر مروركم جميعا الله لايهينكم