[حامد الحنيفان]

بيض الله وجه فهاد الخياري = أبو خالد عز من هو ينتخيبه
منثنى من دونها ذيب الغداري = قال حقك مايروح انا طليبه
راعي الفزعه على الطولات ضاري = لابغاها حلها لو هي صعيبه
والمذله منفعت برق الحباري = ماسعى في عيب والا بالمعيبه
لاجرالي في زمان المر جاري = نزبن اللي بالشدايد نقتديبه
ماجهلنا بالدروب وبالمساري = نزبن اللي مايجامل مع طليبه
امدحه بالطيب ويزيد افتخاري = جعل ماسمع عنك عثرات المصيبه
والقوافي تقل نادبها جباري = جت تلاطم تقل سيل(ن) في شعيبه
قمت اصخرهن بعد شبيت ناري = والقلم وافق على حرف(ن)نجيبه
زان لي نظم القوافي يامشاري = بعد ماطابت جروح(ن) بي عطيبه
في مدح فهاد والله فيه اماري = ابوخالد ماوصلنا ربع طيبه
ونظم شعري جا على ذوق اختياري = والهدف ماكل من هدف يصيبه
ماوردنا لرسوس وللخباري = غير جم(ن) يلطم بعالي قليبه
واعتبرها طيب وافهم بااعتباري = ياسلالة من يحلون الصعيبه
ومن فعل خير(ن) حفظ نص البخاري = مهتدي في سنت محمد حبيبه
الشاعر/حامد سعود الحنيفان العويمري

الموضوع الأصلي: بيض الله وجهه فهاد الخياري | | الكاتب: حامد الحنيفان | | المصدر: شبكة بني عبس

[عبدالله معزي]

حامد الحنيفان
صح لسانك
قصيده جزله
من شاعر جزل
وفهاد يستاهل
تقبل مروري

[بوتفليقه]

والنعم بالمادح والممدوح
صح لسانك ياحامد