[احمد منيف]

بسم الله الرحمن الرحيم

سلام عليكم ورحمة الله وبركاته

" صبـاحكم موده وخــير "

قصيدة للشاعر الكبير المبدع ( عبدالله بن زويبن الحـــربي ) َ


انشالله انها تعجبكم :)



يقول ،،،،،،

إن كان تنشد عن علومي وأنا صبي
ابـى تذكرهـا واعلـمـك عنـهـا
لوهي بصفحات ٍ طواها الزمن طـي
جرة مطـر جاهـا عجـاج ودفنهـا
ألعب طواريق الهوى مع هل الغـي
اثقـل المعنـى واخفـف لحنـهـا
والشعر يبقى في قلوب العرب حـي
ولا كل من سوى القصيـدة وزنهـا
وأنا حداها حدي الاصعـاب بعصـي
واقودهـا قـود الاديـب برسنـهـا
والحب مردوده على صاحبـه سـي
كم ضحكـة ونَـات قلبـي ثمنهـا
أذكر سنة تسعه وتسعيـن هجـري
الف وثـلاث ميـة بدايـة زمنهـا
زلت بي الاقدام للشمـس مـن فـيَ
اقـدار والاقـدار تـومـر وتنـهـا
غافل وجتني من كوت خافقي كـي
كية عطـب لـولا طبيـب مكنهـا
أبعدت مضربها عن الصـدر بيـدي
ولدَت على كبـدي برمـح طعنهـا
وعرفت ما تخفيه في صدرهـا لـي
من واقـع النظـرات منـي ومنهـا
نظرت فيهـا مثـل نظراتهـا فـي
وعجزت اقاومهـا وصديـت عنهـا
كل النساء ظلماء وهي بينهن ضـي
غطت شعاع الشمس أشعـة بدنهـا
من الذهب تلبس خلاخيـل وحلـي
سـود محاجرهـا وحمـر وجنهـا
ما دري تسمى من ومنين ومـن أي
وش هي قبيلتهـا وموقـع سكنهـا
راحت وانا مااعرف عن اخبارها شي
الا رمـوز الموتراللـي حضنـهـا
مدينة من بين ابـو ظبـي ودبـي
لعلهـا كـان انهـا هـي وطنهـا
تمطر عليها السحب هـذي ورى ذي
وديم الليـال اقفـى تراهـا ودنهـا

الموضوع الأصلي: إن كان تنشد عن علومي وأنا صبي | | الكاتب: احمد منيف | | المصدر: شبكة بني عبس

[عبداللطيف الرشيدي]

صـــــــــــــــــــــح لسان شاعرها


وتسلم يمين ناقلها

[احمد منيف]

حياك الله اخوي ( عبداللطيف ) منور الموضوع :)

[أمـــير بـكلمتي]

قصيده جميله

لاهنت ابو منيف

[احمد منيف]

ياحياك الله اخوي ( اميـر ) نورت الموضوع :)

[راسبه بالحب]

سلمت الايادي


لاعدمنا جديدك

[احمد منيف]

يالله حي راسبـــه منوره الموضوع حياج أختي :)