[عبس نسل الاحرار]

مدخل :

خـذهـا حـقـيـقـــــة قـلـب حــدد مـصـيـرة

( غـلاك ) مـثـل الــدم بالعرق جاري

مدخل 2 :

في غيبتك دورت واحد مكانك

ابغى التسلي مير زاد الولع فيك

ما خانك الخافق ولا يوم خانك

لو كنت مع غيرك سمعته يناديك

من اكثر القصائد التي حازت على اعجابي في العدد الجديد من مجلة المختلف لشهر يناير 2011 .

قصيدة لشاعر طالما الهب الكفوف وسلب الانظار والقلوب اتجائه اليكم ما كتب في (( الغلاف 2 )) من مجلة المختلف .

كتب في المختلف .

اكيد انك تحب انسان ثاني ,

الشاعر الكبير (( عبدالله الردعان )) شاعر الاحداث الشهير , ينثر عبق مشاعره هنا , بعاطفة (( استثنائية )) متفردة , وخلاقة , بكتب قصيدة تحمل الكثير من الشجن والعاطفة المتوهجه بالجمال .

......................................

تداري خاطري .. ساعه وساعه

واداري خاطرك .. طول الزماني

اذا عندك على هجـري قناعـه

اكيد انك تحـب انسـان ثانـي

على كثـر التغلـي والقطاعـه

تغيب اسرار عن بعـض المعانـي

احسك حلم في صبحي ضياعـه

عليه الحـظ فـي ليلـي رمانـي

يا طـــول الليل والتفكيـر لاعـه

وانا خوفي مـن الخافـي بلانـي

لو ان الصمت .. ثلثيـن الشجاعـه

لزمت الصمت .. ما ينطـق لسانـي

ولو ان النجم ما يضوي شعاعـه

يضيع الجدي .. واسهيل اليمانـي

عشيـق الـود مابيـن خداعـه

يحس ويشعـر ان العمـر فانـي

عليك الصبر ما يطـوي شراعـه

تعلى فـوق ولبحـرك خذانـي

يا شين الهرج يا كـره استماعـه

بعد .. ما غاب صوت اللي جفاني

انا حولـي ربوعـي والجماعـه

ولا يكفون عن وصلـك ثوانـي

تشوف الكون .. يا كبر اتساعـه

يضيق ان ضقت واحساسي يعاني

مخرج :

يا حنون الضماير يا الغرام الفتون

خطوة الشوق يمي طول اغيابها

لا تغيرت قلي دنيتي وش تكون !
جثــةٍ وادفنــوها داخــل اترابها

المدخل + مدخل2 + القصيدة + المخرج

بقلم : الشاعر الرائع " عبدالله الردعان "

....................

الموضوع الأصلي: مجلة المختلف تفجر هدوء الردعان وتنشر حصريا جديدة >> اكيد انك تحب انسان ثاني | | الكاتب: عبس نسل الاحرار | | المصدر: شبكة بني عبس

[فضي البراك]

رائع رائع

تسلم على النقل

[سحايب]

يعطيك العافيه على ماخترت من جميل
رئعه هي الكلمات عندما تزاحم مشاعرنا
وتقاسمنا مايجول في خواطرنا من احداث
شعراء ترجمو احاسيسهم او احاسيس
من حولهم بمفردات عذبه حامله جواز
عبورالى ارواحنا ..
مشكورعلى ماطرحت لاهنت ,,

[نوماس5]

يسلموو على النقل المميز

[عبس نسل الاحرار]

فضي لاهنت على المرور

[عبس نسل الاحرار]

دمعه لاهنتي على المرور

[عبس نسل الاحرار]

نوماس لاهنت على المرور

[عبس نسل الاحرار]

لاهنتوا جميعا على المرور