[حامد الحنيفان]

حذفه ورا حذفه وكلن حذفها = تبخرت بالمنتدى يابو زايد
في قسم نبظات القلم من خطفها = أما هكر والا خطأ بالجرايد
صوير ضيع له لحوناً عزفها = وعوير جاب العيد ياأهل العوايد
نعرف بلاد الرافدين ونجفها = من التجارب عارفين النكايد
دكتور ضاعت وصفته من وصفها = راح المريض ولا حصل له فوايد
يقول ضاعت واطلب الله خلفها = هذا صحيح وخل عندك جلايد
والناس تاخذ سلمها من سلفها = ولاتزود الحجه على اهل الزوايد
والمعطفه يعرف من اللي عطفها = والدرس ماينفع بناس بلايد
والرميه اللي ماضربت في هدفها = ضاعت وراسك فوق طرق الوسايد
نعرف من اللي يتقي في طرفها = ونعرف من اللي قدها بالشدايد
مانرجع الكلمه على من صرفها = نكبر وتجبرنا سلوم وعوايد
شرد بيوت حضرت واعسفها = ماناخذ الا من فنون الفرايد
ولا احد جبر فرناس يومه لهفها = وراع الجدايد ماله الا الجدايد
وليلى ذبحها حب قيس وشغفها = العامريه صار حبه خلايد
غيرت قهر حب الملوح نحفها = لين انها صارت بقلب اللحايد
السلعه اللي مايطلع عذفها = تنعاف ماتشرى بقل الزهايد
لاتكلف بنفسك ويكثر كلفها = أحسن اسلوب الرجل حب الركايد
لو كل خلق الله يعاين صلفها = ماصار ولف اهل النفوس الشرايد
دره ولاضاعت وكلن عرفها = وهذي هدية عيد وقت المعايد
في منتدى الكفه تصفح وشفها = في منتدى عبس الفخر والصمايد
الشاعر/حامد سعود الحنيفان العويمري

الموضوع الأصلي: لو كل خلق الله يعاين صلفها | | الكاتب: حامد الحنيفان | | المصدر: شبكة بني عبس

[مروان الرشيدي]

الله الله


تسسسلم ولله يابن حنيفان



صح صح ألسسآآنك

[عبدالله معزي]

صح لسانك
فتل جميل
تحياتي

[النهر العاصي]

صح لسانك يابن حنيفان على هالقصيده الجزله ولاهي غريبه عليك نظم القائد الشامخه0
وتقبل مروري وحترامي

[بن مشيلح]

صح لسانك لقصيده جزله ومن شاعر جزل