[بنت أبوهــا]

يكبر قسى جرح السنين ويعني
رجل الحزين اللي على حد الإدراك

هذا أنا يوم أخلف الوقت ظني
الحزن حزني والسوايا سواياك

بكيت وأبكيت العيون وبكني
تعال شفني كل ما حان ذكراك

كم واحدٍ جاني بعدك وسألني
شخبار من حبيت وأقفى وخلاك؟

وأصد والحزن الخفي ممتحني
وأن قلت منهو قيل ماهوب يخفاك

قيل العوض قلت العوض ما شحني
والله لا هذا ولا ذا ولا ذاك

يا ما بعضهم مرني ما فتني
يا جعل ماهم بالعوض في محياك

الله لا يجبر عزا من عذلني
ما جاه ما جاني ولا جاه ما جاك

واللي عذل ويقول (لو و لو أني)
جعل يعشق له واحدٍ كنه إياك

ما فيه شيٍ في حياتي غبني
الا نهار أقفيت وأنا أسمع إبكاك

الله من جرحٍ قديمٍ مكني
أمداك نزفه لكن ادواه ما أمداك

عليّ كم جار الزمان وطعني
أسمع صدى صوت المعاليق تنخاك

وين أنت ياللي كل ما غبت كني
واقف على باب الأمل وأتحراك

ليتك تعرف تخون وأقول خني
على الأقل القى سبب وأتنساك

وليت الزمن فمحبتك ما خذلني
وليت الهجر من طيب خاطرك ورضاك

لو أن قربك والوصل بالتمني
ما غبت عن عيني كثر ما اتمناك

خايف يطول البعد وتسج مني
وياخذ مكانك شخص ماهوب يسواك

وش عاد أسوي يومك أقفيت عني
لا أنا أتبع المقفي ولا أحب فرقاك


~حمدان المري~

الموضوع الأصلي: يا جعل ماهم بالعوض في محياك | | الكاتب: بنت أبوهــا | | المصدر: شبكة بني عبس

[عبد العزيز]

ابياااات رااااقية الحقيقة صح لسان شاعرها المبدع حمدان المري وتسلم يدينك على طرحها هنا وهذا يعكس قمة ذائقتك الشعرية

[احمد منيف]

ليتك تعرف تخون وأقول خني
على الأقل القى سبب وأتنساك

وليت الزمن فمحبتك ما خذلني
وليت الهجر من طيب خاطرك ورضاك



الله ع الابيات مشكوره ماقصرتي اخـتي ...َ ً ُ

[.last breath]

,

,,
كم واحدٍ جاني بعدك وسألني
شخبار من حبيت وأقفى وخلاك؟

____ ... القصيدة ماكانت مجرد آختيار ذائقة شعرية
لكن حدس شاعري تداخلت بروحه فضول وآسئلة بدون آجابة
وآحوال قلوب آعياها الصبر وأشياء كثيرة لايستوعبها سوى
>>>>>>>>>>>روح شاعرة كصاحبة الاختيار << لايفوتك تراه يعرف يتكلم
^_^

المهم ...
فديت انا بني مرة وفديت حمدان المري
وفديت عبدالرحمن الشمري
وفديت محمد علي وخالد الرشيدي<<< وش دخلهم

القصيدة معبرة جدا
خطأ تقول أن القصيدة رهييييبة
لأن انت الرهيييب بسسسس
^_^

[لايطول غيابك]

صح لسآنك
و
سلمممممممممت يمنآك ع الطرح ..

[آلنجم]

كاتب الموضوع : بنت أبوهــا المنتدى : منتدى عيون الشعــــر

ابياااات رااااقية الحقيقة صح لسان شاعرها المبدع حمدان المري وتسلم يدينك على طرحها هنا وهذا يعكس قمة ذائقتك الشعرية

[مرزوق العجوني]

صح لسان شاعرها ولا هنتي على اختيارك الاجمل

[رسام الغروب]

صح السانك بنت ابوها
لو أن قربك والوصل بالتمني
ما غبت عن عيني كثر ما اتمناك

خايف يطول البعد وتسج مني
وياخذ مكانك شخص ماهوب يسواك
مشكووووووره والله يعطيك الف عافيه