[راع العرفاء]

ياراكب اللي فوق بديه سبيره *** مصممن فوقه مثل حبة الخال
في وجه زاهية الجميل الصغيرة *** بالخد من فوق شفتيها على جال
بالوصف مثل اللي بخدة سميرة *** يوم ضحكت للمستمع عقب موال
أكدر بلونه مثل لون البحيره *** وأشفق إشوي إشوي مثل أشهب اللال
خطه على الجنبين مثل السعيره*** يشداء لهب نارن عليه الهواء مال
أثنين والسواق مايشيل غيره *** ميشيل غير الا تريده على البال
حطوا دبل قيرن مساعد إلقيره *** مصممن تصميم للرمل وجبال
مصممينه لخطوط العسيره *** تقول يرقى طلعت الضلع بحبال
يطلع كما الرقاي مع طي بيره *** شد الرشا وقام يتمدراء مع الجال
إليا مشى يطوي بعيد المسيره *** طية طياق الخام في سوق دلال
جلد الكفر بالحزم مثل النديره *** أليا تقفاه الهواء عقب الانزال
وإليا دعست شوي تسمع صفيره *** صوت الحجل طيرن وقع فيه ختال
منوة ثلاثة مصبحينن إبديره *** في خايعن مادوجت فيه الأزوال
الأرض خضراء والفيافي مطيره *** والوادي اللي حط به تو ماسال
أرداهم اللي لانزلوا قال جيره *** مافيكم اللي يلمس الشغل ياعيال

الموضوع الأصلي: الجيب الشاص قصيدة الشاعر عودة الخياري | | الكاتب: راع العرفاء | | المصدر: شبكة بني عبس

[برق الوسم]

حياك الله ياراع العرفاء
و ابويوسف شاعر كبير وغني عن التعريف ..
صح لسانه ولاهنت على النقل .. تحياتي لك ..

[وسام عبس]

كـلمـآتـ رآئعــہ
صـحـ لسـآنـ شـآعـرهـآ وسـلمـتـ يـمـنـآگ آلذهـبـيـہ عـلى نـقـلهـآ.!
دآمـ حـرفـگ ../وسـلمـ قـلبـگ..
لكــ آلود وعـبـقـ آلورد ..،
/

[رسام الغروب]

صح السانك راع العرفاء ولسان الشاعر مشكوووووور والله يعطيك الف عافيه

[راع العرفاء]

مشكو ر على مروركم ارائع

[عوده الخياري]

اعزائي الكرام00
ردودكم الطيبه شرف لي ووفقكم الله لما فيه الخير

[بركه الخياري]

لا هنت يالناقل وصح لسان شعرها العم عودة وتقبل مرووووري



منوة ثلاثة مصبحينن إبديره *** في خايعن مادوجت فيه الأزوال
الأرض خضراء والفيافي مطيره *** والوادي اللي حط به تو ماسال
أرداهم اللي لانزلوا قال جيره *** مافيكم اللي يلمس الشغل ياعيال

[أمـــير بـكلمتي]

صح لسان الشاعر / عوده الخياري

لاهنت على النقل