[ابوشوشه]

سلام ياحايل حبيبة طي..بنـت الخيـال
الليله انتي سيدة حرفي وانـا شاعـرك

قالوا انك ماكبرتـي ياعـروس الشمـال
باقي عروس..ويلمع البـرّاق بآسـاورك

لا..لاتقولي شّي عن سر البها والـدلال
إنتي خطاك الغيم حيّـي وانـا عـاذرك

الله عليك ليا تواضعتـي وقلتـي تعـال
والله على هيبة غرورك نوب ومكابـرك

المسعد اللي كل ماريعّ عليك الظـلال
لمّ البختري والنفل والشيح عن صابـرك

ماادري حرام الموت بين يديك والاّ حلال
لكني ادري ليه انا احبـك ولاآشـاورك

يامرتع التاريخ لاعدّت فعـول الرجـال
المجد من ماضيك مسراته الى حاضـرك

انتي ليا جا للكرم طاري وجابوا مجـال
كلٍ تمنى لو يجي مرّه علـى خاطـرك

وانا ادري انك فوق كل اللي نقول ويقال
وان النجوم تغار لو ان القمـر جـاورك

والشاعر اللي لاكتب بك مايثير الجـدال
الله وامانه يابعد حيّـي مهـو شاعـرك

الموضوع الأصلي: سلام ياحائل , سلام ياحائل , سلام ياحائل , سلام ياحائل , | | الكاتب: ابوشوشه | | المصدر: شبكة بني عبس

[عبد العزيز]

صح لسان الزعيم على هذه الرائعه وتستاهل حائل كل خير

وشكرا لك على الطرح

[ابوشوشه]

حيآك الله ـآسسسعدني توـآجدك {}ْ~|

[أحمَـد الرشيدي]

يآزين حآيل .. ويالبيـه يآابو فيصـل

قصيـده رآئعـه ..لاهنت شويش

[ابوشوشه]

هلا ولله حمووودـه ـآسسسعدني توـآجدك ..

[سيف المهيمزي]

صح الله لسانه

[ابوشوشه]

صح بدنك .. منووور

[بندرأبن طريف المظيبري]

تحياتي يعطيك الف عافية أية المــــــبدع