[على هونك]

لاوالله إلى الصحيح أرضاه وأحبه = لكن ماشفت الصحيح إلي تقولونه
نسمع بهرجاً يسولف من ورى غبه = امن أول الوقت مشكوكن بمضمونه
وطلع سقيماً مريضاً ضايعن طبه = حنا عفينا عنه وانتم تداوونه
والمشكله والخطاء والعيب والسبه = لاوءكل الأمر للي مايحفظونه
الشعر ماهو بملكك لأجل تلعبه = أن كان مانته كفوا غيرك يكفونه
تعلن وتكتب خبر وتعود وتنبه = وتطلب حماس وتفاعل وأنت ماتصونه
وجتك القصايد بكل أشكال منصبه = بأنواع بحر القصيد وطيّب الحونهّ
شعار عبس الفخر وانايم ينبه = إلى الخطأ لأرضوه ولا يخلونه
بأشعر نطفي لهيب أنار ونشبه = وبانقد نبني جداراّ ماتطولونه
ماقالو أخذه وشرق به وغربه = قالو لك الشعر جاك وعزز أركونه
صوب الهدف نشرف المرقاب ونذبه = وأثريه وهمي ودربك لاذ من دونه
ناصر خنيفر طلع منها ولأنبه = والرجل مايحتري حتى يلومونه
وأحرجت عنتر زمانه لأجل تنصبه = وعنتر ثقة للجميع ولا اختلف لونه
أتقول تقييم واثر أفكارك مغبه = ياكبرها والدهر مامد من عونه
لوقلت قرعه وفاز وفقه ربه = وبريت ذمتك من شياً يضنونه
والأمر هذا نبا ننكره ونسبه = وانتم عزيزين والايام مرهونه
مير اسمع الهرج مني و اقفل ألضبه = لأتفتح الباب هذا تطلع أجنونه

الموضوع الأصلي: وانتم عزيزين والايام مرهونه | | الكاتب: على هونك | | المصدر: شبكة بني عبس

[كاتب الرشيدي]

اخوي على هونك على هونك

المسابقة انتها وقتها هههههههه
شكلك نائم مانت صاحي

سبحان الله لو شاركت بهذه القصيدة اخذت الأول!!!

يسعدنا مشاركتك بالمسابقة القادمة على شاكلة هذه القصيدة التي لايجيدها الإ على هونك

[(ابوعواض)]

الرجال يذم المسابقه وانت تقول لو شاركت بها لخذيت الاول هههههههههههههههههههه


صح لسانك ياعلي هونك والنوايه طيبه

[عادل الشويلعي!!]

الله الله الله وصلت الرساله من غير تشويش
كل ماذكرت موجود وعزالله انك شاعر
متمكن ....والناقد كاتب يقول لو شاركت
بهذي القصيده فزت اضنها صابته ام الركب
اقر ياكاتب

[عادل الشويلعي!!]

لايش توقفت الردود
والا المجال مايسمح للمجامله

[عادل الشويلعي!!]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

[بندرأبن طريف المظيبري]

عادل الشويلعي وبو عوض وربي لحستو مخ
الكــــاتب هههههههههههههههههههههههه

[بنساك]

هلا وغلا
بشــاعرنا على هونك

شاعر متمكن
لكن لما كل هذا الهجوم
لم اتااابع مجرياات المسابقه
لكن هنااك شعاار متمكنين ايضاً
ولا نستطيع تزكيتك عليهم
انت شاعر كبير
ولكن هناااك الافضل بكثير
تحيااااتي لشخصك الكريم