[نـسـاااف]

السلام عليكم ورحمة الله وبركاته


ها انا انقل اليكم اروع الملاعب التي حصلت على ارضيت هذا القسم من الصرح الشامخ بين عملاقه لا احد يجهل صولاتهم وجولاتهم


وحبيت بان اسميها مغترة شبكة عبس وها انا القيها بين ايديكم لكي تستمتعوا


بابداعات سنة 2010 :













شاعر الشمل + قسورة الغاب

شاعر الشمل

تعال يالقسوره ياالنايب الثاني=ايامك الاوله بالخير مذكوره

النايب الاول ادري وين وداني=وألا انت بيديك عوكيه وباكوره

القسوره

ياشاعر الشمل ماني منك زعلاني = لو تنثر ادلالنا في شووتة الكووره
مانته بلا صادق ولا نته بغلطاني = لو جبتها صاحيه والثانيه عوووره هههههههه

شاعر الشمل

اثرك تراقب رسالاتي وعنواني=وانا احسب ان المجوخ ماترك كوره

لاتحط نفسك مكان الشاكي الجاني= دعواك يامزور الثنتين مخبوره

القسوره

تراك ياصاحبي مانته بوحداني = الناس مثل ياراع العووص مسبووره
ياشاعر الشمل والميدان ميداني = ان رحت لأم القرا وان رحت مستوووره

شاعر الشمل

لاجيت صاحبك قله لايتحراني=خلاص من بحره الميت وبابوره

اخبر خويي يجي لو هو على شاني=اما انت ميسور والاحوال ميسوره

القسوره

كانك علي الرزق يابوو زيد عجلاني = ارق الجبل كان ساقك ماهي مكسووره

وان كبر اللقمه بحلق العريباني = ماني مدخل يدي في جووف حنجوووره ههههه

شاعر الشمل

الله ولا مجلس(ن) في بعض الاوطاني=حتى الجمل ماقدر يبرك على زوره

نور القمر في مضارب عبس ماباني=ألا ان غربال الاهوا حاجب(ن) نوره

القسوره

انته لو نك جمل نربطك بالساني = مادام مقبل بنية شر مدحوووره
في وسط حرة مضارب عبس نيراني = مايمرها الي سواتك تقصر شبووره

شاعر الشمل

مالي حسايف ياكود الذيب سرحاني=لو يطلع من الزعل وضاح عن طوره

حرة بني عبس ماتشرا بالاثماني=لاتحمض الفلم تحرق منظر الصوره

القسوره

كثر وجووودك بعد لخووك ذيباني = ان كان صارت عزوومك منه مثبووره
حنا هل الخيل وافهم زين ياحصاني = حنا هل السيف والمنسف علي دووره

[/quote]


---------------------------------------------------------------------------------

كنترول القاف + المعزب

كنتروول القاف

بعد جاك امن الرواصد في تفاصيل الرساله=يا معّزب يا معّزب في مدك بليس سافي
انتبه للاوله والثانيه واقرى المقاله=جبتلك شده على جال البحر والجو صافي

المعزب

وصلني مضمونها والقاف مدري وش بداله=كنترول ايدوج مابين المطامن والمشافي
ماعلي شعيل في مخباي مستدخل عقاله=كل ماحاول يهس الدرب حضرت الكتافي

الكنترووول

صاحبك لو راز ضلع القوم تصبح من عياله=لو تجيب امن القبيله مرشد وصقر النصافي
يا معزب فيك خف وفيك ثقل وفيك حاله=لو ابجمعها جميع اخاف يلحقني خلافي

المعزب

صاحبي صابه غرور وضاع في عمه وخاله=غرته صورة عقيد القوم والدنيا عوافي
الخفيف اللي عليه الثقل والحمل ارتكاله=لو حملها ماجمعها صوتو لهل المطافي

الكنترووول

يالمعزب لو تجيب الغور وتسوق البياله=عند عمك زال همك وانت مضمون الخلافي
ابو عوجه صاحبك لو جاه صك بلا وكاله=يحسب انه جاب سر الفرس في شرد القوافي

المعزب

انت شاعر تاكل السان الخروف بكل حاله=ماحداً شارك معك بالاكل يامال الهرافي
وابو عوجه لو يخمك راحبك مثل المحاله=ماتعود اللعب ويصيبك من اللعب ارتجافي

الكنتروووول

المعزب لو عرف منهو معه جود نعاله=مير نعمه كان يفهم بالمقدر والخوافي
صاحبه يا صحابنا له شركة (ن) فيها عماله=ما نذمه لو يحكم الدار مركوز الدوافي

المعزب

ماضرينا للهروب اللي تكلم في مجاله=لايراودك الغرور اللي بديته يالسنافي
والله ان الضاهر انه ماملك حتى بقاله=صاحبي شكله من الصكات واللوعات حافي

الكنترووول

المعزب وش يبا بالذيب والذيب احتماله=لا يجي فرسالها تشويش ويضيع المقافي
هز غصن الراك يابن الناس وتعرف الكماله=اسلم وسلم على ليل الدجا والريش رافي

-----------------------------------------------------------------------------

ابو موسى + السبع الضاري


ابو موسى

سلام والسبع ضاري والمدا مبدا وجمهور \\\ الليل ما دك ياسبع الخلا والليل توه
دولاب الايام داير والليالي ما لها سور \\\ والضلع تحويلته ماهي مثل طلعت علوه


السبع الضاري


يامرحبا يا المسلم والمدا غبه وبابور=سبع الخلا شاطر الغربي ولكن منك خوه؟
الله يعينك عليها واحتسب وتصير ماجور=واللي يناسب معك لو مايناسب معي سوه


ابو موسى


الاوله في يديك وباقيلك شي مذخور \\\\ الاوله طيبه والثانيه تنضح مروه
البدو لا نوخو شقران ما يبرك على الزور \\\\ والهاشمي راح ما باقي على البيدا نبوه


السبع الضاري


ياطير كانك على نفض الجناح الزين مجبور=اكفخ وسبع الخلا مالك على روحه جروه
نوب الجمل بالحمل لادكه الجمال مايثور=ميرالجمل ياوسيع العرف قلي وين نوه



ابو موسى

انته عيونك على عين المها والا على الحور \\\\ قرينك يخطها والمشكله قلب المفوه
من غير جاهيه انته يا طويل العمر مخبور \\\\ سم الولد باسم خاله ثم يعطيك السموه




السبع الضاري

لا والله ألا على عين المها والبال مسرور=برق الحيا ضمني يمه وعيني صوب نوه ههههههه
ان ما عذرت السبع سبع الخلا معذور معذور=مير ان ذبحه الضماء بالقيض يا هداج رووه



ابو موسى

دور على اللي مواعيده تشابه وعد بلفور \\\\ يا سبع يا سبع وينك عن مواعيد الحموه
مطوع القريه اللي حطها في كف دكتور \\\\ كيف انت يا صاحبي والطب قلي كيف هوه



السبع الضاري


وجهت سبع الخلا للدرب يامشكاي مشكور=وانا سباريت صدري ماروت غيث المتوه
ياصاحبي ما على سمحه غزال ولالها كور=سرحان لو مرته ماجاب لك عنها طروه




=====>>> يتبع ع ع ع ع

الموضوع الأصلي: مغترة شبكة عبس خلال سنة 2010 ...!!! | | الكاتب: نـسـاااف | | المصدر: شبكة بني عبس

[نـسـاااف]

يتبع للشعراء التاليه اسمائهم


العمده / ابو عوجه / الذيب سرحان / محمد الأدجم / يعقوب العبسي / وضاح اليمن / ابو سوط / السيف القاطع / شلاش / البرمكي / سطح يا مسطح / صياف / على هونك / خاتم سليمان / بعيد الشوح / بعيد الهقاوي / الكابتن / ........... إلخ

وجميع من له طاروق مميز باذن الله سوف نستضيفه بالمغتره

[نـسـاااف]

محمد الادجم + صياف


محمد الادجم


دام نصف الليل طرف والشعر سايل مسيله=يا جماعه كل شاعر يلتفت يمي ثواني
ودي الليله بشاعر ما تبرع من حصيله=على شان اللي مضى واللي بقى والعلم ثاني


صياف


مرحبابك والله اني عارفك راعي طويله = جيت معك اجيوش مير العلم هذا ميخفاني
يامحمد لليلتك هذا ترا مهي اي لليلة = ترتفع باعلا السما والا اتعود لطماني


محمد الادجم

البقى ياللي ترحب وانت ما تبغى دليله=سرهج الموضوع دام السرج في ظهر الحصاني
وانت يا صياف راع الطيب كساب النفيله=صاحبك ما ينظر الا للثريا واليماني



صياف


انت هلحينه مع الدرب الصحيح ومستويله = لوعكشتك طحت والاصار بالمشي اخثعاني
لوكسرت العظم لاشالك ولاتقدر تشيله = باتركك تمشي عفو مني يامحذوف الثماني



محمد الادجم

انت يا صياف تدري وش حصل يم الهبيله=سالفه واصل السوالف ماجنها كل جاني
وش تفاسير الفكر والقلب للعقل وزميله=سالفتكم يا هل المضهود ما جابت ضماني


صياف

يمحمد كل رمعات الهدف صارت قليله = ليت كل الي تقوله لي ماهو لا اجل اتحداني
ايه ابا فسر حلومك مانت في راس الطويلة = والرجم عينك تشوحه بالنظر لكن مكاني



محمد الادجم


ياهل الخفجي تراها لمهبوله والمسيله=يوم قصر السيف بين اللي ذكرته له بياني
ارجعوا لاول بدايه وافتشوا تال المليله=والتحدي ما بغيته لك زمان ولي زماني


------------------------------------------------------------------



محمد بن متروك العبسي + السيف القاطع


محمد بن متروك العبسي


تعال ياراع البعير الي حدر زوره حصاه = عياء يثور من الهزل والحمل من فوق اظهره
اول هدر والتاليه يرغي بلا زبد ولهاه = ومن العصر واهل المطارق في يمينه وايسره



السيف القاطع


تعال ياراع الغنم مابين ذيب اوبين شاه ==انت الاخير اللي عليه القول والعلم اصخره
مسيلمه كذاب والصادق يبا يلقئ نجاه ==احسب حساب السالفه لاتدرج حول اشجره



محمد بن متروك العبسي


الشعر يبغىاله ولد تكفي لاينزل مستواه = خل المعاير والتهزي لصّغير والمره
انته عليك خيال من شهرين عيا يكف ماه = حصلت كل المنتدا يارد على جال نهره



السيف القاطع


الشعر الا حصلت شاعر ساق فكره ومعناه ==عرفت كيف اعامله بين القلم والمسطره
انت عليك امخالفه حلت علئ مثلك ذكاه ==السيف رمز المجد واهل العز دايم تنظره



محمد بن متروك العبسي


السيف ابوحدين يبتر بتر يامال الغناه = ولايقطع الى الفاس والاسيف مافيه ثمرة
والسيف وقته زل غير الي مخصص لصفاه = والظاهر الي ينقله مافيه احد جاب اخبره



السيف القاطع


السيف ضد المجرم اللي صار من بين الرماه==الموت قدامك تشوفه والبحر ما تعبره
المسلم المومن يعرف الحق ويصل الصلاه==وللي يشيله يامحمد با الوفا لاتنكره



محمد بن متروك العبسي


أناترى ماني خصيم الي طحن حبه رحاه = لتسليه والا لو اكسر خاطرك من يجبره
جتك الرساله واضحه والعرف مايغطى نباه = اصهل صهيل احصان مانبغى نبيح المجعره



السيف القاطع


اعرب كلامك زين قبل ايصير با الدعو ئ الشتباه ==خل الجنايز من كفنها با الحد والمقبره
جتني مثل صوت القطئ وعيونها مثل القطاه ==والظاهر انه صار عندك شك مدري طرطره



محمد بن متروك العبسي



أناترى يومني احدك على راس النزاه = ابيك ترفع راسك الي دوشته السمسره
الطرطره لوحيتها وريح ذعذع لك هواه = تكفيك عن عود النشاما الي بجمر المبخره



السيف القاطع



انا احمد الله وشكره عارف صوابي من خطاه ==ماضاق صدري من محمد يوم حضر عسكره
اللي يشم اللي كتبنا غيرنا يضحك علاه ==لاكن راع الستر يامحمد عسئ الله يستره



محمد بن متروك العبسي


انته مارحت ابعيد حتى اتشوف وجهك باالمراه = تركت الك كيلو ماغير تسنده وتحدره
عودت العلوم الصغار الي ماتاخذها الرواه = خلك عليه اسلوب هذا من سلوب المبزرة



السيف القاطع


يا هاجسي بيت الفقر ماهو كما بيت الغناه==ضيعت تفكيري بسوق الفقر ورموش ابقره
لا يا الغريب اللي جهل علمي وربي ما عطاه==عقله صغير اوهقه وشلاش يا ربع السهره


-----------------------------------------------------------------------


يعقوب العبسي + الكايد99



يعقوب العبسي


ابدالكم طاروق يسوى 3من الطواريق=طاروق يبدى فيه معنى ومعنى ينتهيبه
ودى برجل ن محترم يخرج اصحابه من الضيق=قدام لاتزهق وتصبح بها شكه وريبه



الكايد 99

يالله انا طالبك يارب من الزين توافيق......مدام يعقوب في راس الحزم نسمع قنيبه
ياذيب الاعديت ياذيب في راس الشواهيق......نظرتك لبعيد ياذيب الخلاء ولا قريبه



يعقوب العبسي


يالكايد ان كانك من اهل الحفر مافيه تعليق=القبر محدن يجهل اللى على ضهره نصيبه
الناس تجنب وانتى ماشي على وجهتك تشريق=يعقوب محدن لايمه لو عليك ايشق جيبه



الكايد99



الكايد اللي تجهله دوره في قمة طويق........واهل الحفر وسط الحفر ماتعدي بالجذيبه
مايشق جيبه غير مجنون يصحى ونوب مايفيق........وان كنت يايعقوب مجنون ماصارت مصيبه


يعقوب العبسي



خلك على قمة طويق الحمر مع فكة الريق=اهم حاجه دير بالك من الضلع وشعيبه
اشره على رجل ن فعوله مثل لون الغرانيق=مايعطى المحتاج مثقال ذره من نصيبه



الكايد 99


انا بألاعلى وانت تحتي تدورلك معاليق........ياراعي الجمس الحمر صارت الدعوى غريبه
اشره على الرجال الا عد من ضمن المطاليق......ماهومن اللي ياخذ العلم بالوقت و يجيبه


-------------------------------


الكابتن + بعيد الشوح


الكابتن


من شاعرٍ هجرس وغنا من ديار ال الصباح=طيارته رمز الشعر فوق المزن جنحانها
احد ركب فالطايره واحدٍ تحت ظل الجناح=والموت في بطن الشبح والنار في شكمانها



بعيد الشوح


الغرب سوّد بالمزن والشرق ذعذع بالرياح = تباشرو بالمزنه اللي عزلت ربانها
وطيارة الكبتن من المغرب ليا حد الصباح = منعت من حدود المطار وضيعة عنوانها



الكابتن


الله يجيب الخير حتى البدو ترتع بالمراح=حتى تريح من عنها وتنبسط رعيانها
خلك بعيد الشوح وحسب للذخيره والسلاح=وان جتك غاره بندقك لايختلف نيشانها



بعيد الشوح


شفنا بنات الريح وسط الكون ماتهاب الرماح = لكن ولا خيال شفنا ماسكاً بعنانها
مافيه داعي للكلام اللي مثل سم الذحاح = المعركه عذراء ولأحدٍ شايفاً فرسانها



الكابتن


حنا بزمان العولمه وقت الفرس والرمح راح=والأندلس غاب أسمها يوم أرحلو سكانها
ان كان صلحت نيتك تصلح وتبشر بالصلاح=وام العيون السود يفرحها لقاء سلطانها



بعيد الشوح


ان بان وجه الصبح بان الصوت ياحي الفلاح = محد نشد والأندلس تبقى فخر بأزمانها
انته على نهر الفرات وتستعين بماء قراح = وانته بيدك تموّل الدوله وترفع شانها



الكابتن


ما شفت وجه العمله وصارت حصاة مضيمضاح=الله يلوم التاجر اللي عملته ما صانها
انا على شاط النهر واسمع حمام الدوح ناح=مدري حزن ولا تعلم نوحها ورعانها



بعيد الشوح


البوصله ملكك والشوف السهم فيها يوم طاح = ومادام سهمي مرتفع مالي ومال اوزانها
ركز نظر عينك على ماطاك ياراع الوشاح = المد مدي والجزر جزري لكسب ارهانها



الكابتن



راع الجزور اللي نحرها يوم دم السفح ساح=ما شافه الضيف الكريم اللي مسك ذرعانها
ابشرك كل النخل مرطب من حبوب اللقاح=لا يتعب الفلاح ويزود مدى سريانها




=====>>> يتبع ع ع ع

[نـسـاااف]

اخو جوزى + ابو صووط


اخوجوزى


يامسئول المكان المحترم لاواهنئي شلاش=انا مدري وش المطلوب حتى ينصبغ نكي ههههه
بذلت الجهد ورويت الكبود اللي على الماء عطاش=ولا عندي يامسئول المكان المحترم شكي




ابو صووط



الا ياعزتيلك ياطويل الباع وضعك ماش=وغيرك يشتري ويبيع وابيوتك بلا صكي
لاوني في مكانك غير اعبي مخزن الرشاش=والا فكرت في محسن والا فكرت في مكي




اخو جوزى


طلبنا حضرة المسئول لكن جالنا عماش=اثر مامنك يالحض الردي بالمعركه فكي هههههه
حزمت العفش من فوق العراوي واستوى المطراش=عساها بالرصيف اللي نقزه الجيب تحتكي هههههه




ابو صووط



يخو جوزى ترانا نارد العد الروي وبلاش= وابا طلعك من حض الردا عساك تفتكي

انا ابو صووط ياراع العراوي نشتري با لكاش= والكن طيعني خلك بجنب الصووط متركي




اخو جوزى



ماقلنا قصور يابو صوط ليش بريق نارك غاش=نعرف انك مع الشعار تفتح باب وتصكي
تبيلك ياوسيع المعرفه قبل الفجر مغباش=وانا جالس على مركاي يابو صوط ومتكي هههههههه



-------------------------------------------------------------


على هونك + سطح يااا مسطح



على هونك


سلام تسليمه من الروح لروح = اقولها والله عليما بما غاب
الليل ياشعار والباب مفتوح =والي ماهو شاعر يعود مع الباب



سطح يااا مسطح


يامرحبا ترحيب في مجد وصروح=هذي هناديبي ليا جبت هنداب
الليل مافيها ترى ضحك ومزوح=لكسرة مخلب ترى قلعت ناب



على هونك



دام البقا بالي كتبها على الوح = هلحين دور لك سبب يابو الاسباب هههههه
وين انت يوم الحزب جارح ومجروح = يوم انت تحسب بالقا حسبت اشناب




سطح يااا مسطح


انا لقيتك تندب الحال وتنوح=وذبحت لي حيه وعقرب مع داب هههههههههه
الضلع مايشكي من قرون ناطوح=لا تلومني وانا على ضرف دولاب



على هونك


امس العصر واذئب يقنب على الصوح = جاوب معاه اثنين من عشرة اذياب
ابعد عن الدولاب مامنه مصلوح = شف صابري من كثر مالوفهم شاب



سطح يااا مسطح



انا لقيت الغبق ماجيت بصبوح=وافقتها والديس وافي ومحلاب
شباب والا شايبن ماله اقروح=من شان نعرب كلمتن جالها أعراب



على هونك


اناادري انك بلقاء سم ذرنوح = لك صيحتاّ تقفي على عوج الاذناب
خذها جديده وانتبه يابومسطوح = لاتزود الكيله ترى قافنا شاب



سطح يااا مسطح


انا اعتبرها وانت زله ومسموح=وحده بوحده بينها قلوب واصحاب
خذها وليدة ساع والدرس مشروح=بكره نوجها على ضرف وخطاب



على هونك



زلت قدم رجل العدو ليه هاالشوح = خلاص مافيه احد غالب وغلاب
صح الله السانك وتسلم على البوح = شاعر طويل اشبوح واتحب الانشاب



--------------------------------------------------------------------

بعيد الهقاوي + ابو موسى



بعيد الهقاوي


اول بدايتنا ترى ربعي لهم حق علي = سلام رديه عليكم يابعد كل البشر
قبل سبوعين ابوموسى راح يضرب للخلي = واجه غلام وسبع ماندري ربح ولاخسر




ابو موسى


اول بدايتنا بوسط البير حولنا الدلي \\\\\ يا مرحبابك يا بعيد وخلها سكة سفر
قبل امس عشيتك جمل والصبح غديتك طلي \\\\\ وانته تلد بعين وحده كن ماعندك خبر




بعيد الهقاوي



العب على وضح النقا يالين تسمع مايلي = دام البقا والجوهره غلطان في وسط البحر
عشاك عندك جعل تاصل به مكان معتلي = حنا تبعنا جرتك حتى كشفنا للاثر




ابو موسى



انته على رجوى المخايل يا مخايل خيلي \\\\ قلي فقدت ام الثمر والا لقيت ام الثمر
لا تطلع علوم الصحيفه قبل تفليها فلي \\\\ راس الجبل كله حصى خلك مع الدرب الخضر



بعيد الهقاوي


مهما تقول ابشرك كل القرب لك تمتلي = العام قلبك طيب وهذا السنه مثل الحجر
ترى الدعاوي واضحه وانا رفيع المنزلي = اخاف تصبح سالفه بكره على مر الدهر



ابو موسى


سود الليالي ما تجمل والرفيق مجملي \\\\ والله يجيب الذاهبه والله يعين اللي صبر
والنعم فيك اقرب من القصر الكبير المخملي \\\\ ولا تامن الدنيا ترى الدنيا بها الموت الحمر



-------------------------------------------------------------------

محمد عياد البغيلي + الداب الارقط

محمد عياد البغيلي

سلام للي قرأ الموضوع والعلم نور *** السالفه واضحة وانتم تعرفونها
الجو غيمه تتداحم و الرحاوي تدور ***والداب مدري علامه صار من دونها

الداب الارقط;

يامرحبا من هحوس ن ماتخفى بالامور000تعرف علوم ن مع الـــــعالم يقولونها
من بـــعدها يالبغيـلي مانقـول مــعذور000من بعد بدلت بشتك قصرت ردونها

محمد عياد البغيلي;

دام البقا وأنت حاول لا تلف وتدور *** قبل الاوادم عليك إتلد بعيونها
مالك ومال السحاب وجارحات الطيور***خلك على الارض لا تبلش بمجنونها

لداب الارقط;

من فوق غصن الشجر نسمع نغيق الطيور000والشجره ام الطيور نهزهز غصونها
ان كان مانته على صكات بقعا صبور000ريّح ضميرك وخل الناس في شونها

محمد عياد البغيلي

إ تـهزها يوم حيلك بيدته الجذور ***إ موثقه كلها من ختم مأمونها
لكن تفٌهم بعلم ن جاك بين السطور***قدام تكويك جمرتها بغليونها

الداب الارقط;

النقش ماينمسح من فوق حيد الصخور000لاكن حط البضاعه وسط كرتونها
اثر الــــــبغيلي ليا ذا لحــين دمــــه يفور000مايدري ان السوالف باح مكنونها

محمد عياد البغيلي

النقش لك والصخر له نحت يبقى دهور ***ولا انت خزنتك قلي ويش مخزونها
الداب داب الحنش ولا انت وسط الجحور*** الحية ام الجنيب وباين قرونها

الداب الارقط;

من بعض ماقلت يامحمد تضيق الصدور000والا المعاني لها ناس ن يحلونها
الداب اثر نابه اقشر صار فيك محفور000يابو عيونن هدبها يغطي اجفونها

محمد عياد البغيلي

ياللي عكست الشوارع لاتلوم المرور *** مدام شرواك مايحميه قانونها

ماهوب أنا اللي تقوله يا قصير الشبور ***غرتك ناس معادنها قلٌب لونها


====>> يتبع ع ع ع

[نـسـاااف]

وضاح اليمن + يعقوب العبسي


وضاح اليمن


يعقوب غاب ايام وشهور ماشيف= والله هو العالم بسبت غيابه
اذا غيابه من زعل مكرم الضيف= ايوضح اسبابه وعندي جوابه



يعقوب العبسي


ان كان يالزيدى من الضلع لريف=العلم ذالحينه نفكلك بابه
سبت غيابى واحدن ينقل السيف=والسف عيبه بينن فى نصابه


وضاح اليمن


انا بنعمه وستوتلي على الكيف= عيد الخبر حيث الخبر به تشابه
الناس واجد من يمنها الى طريف=لوقمت احسب ماعرفنا حسابه


يعقوب العبسي


ماني بحاسد صاحبن يسكن السيف=الله يكفيكم شرور الحرابه
العلم برقن في مزونه مراديف=والبرق عينك ما تخايل سحابه


وضاح اليمن


انا بصنعاء صون بعض السواليف=العلم هذا يا فتى صك بابه
اليا فتحت الظرف نفتح مظاريف=وتصير دعوانا سوات الطلابه



يعقوب العبسي


ما يعرفون الكذب والحقد والزيف=ناسن على نهج النبي والصحابه
للعز عزالله رجالن عواريف=يابو يمن صار بلدنا عصابه




وضاح اليمن



ابعد معانينا عن الزور والحيف=ترى البلد فيها علينا رقابه
وما يكتب الله ياصل حمود وخليف=لو هو على عاره بجو الهابه



يعقوب العبسي



قرب معانينا وخل التحاسيف=يالزيدي اللي لابسلك عصابه
قدام لا ترهقك كثر الصواديف=اذبح بعيرن تو ما شق نابه



وضاح اليمن



ان قربت صرنا غصن في شفاشيف=يسفي على راسي وراسك ترابه
نحذف بظلمه تفرق اللي مواليف=يقضيبها يعقوب باقي شبابه



يعقوب العبسي



خلك مع اللي ينزلن المشاريف=تسوى النفوس الغاليه والقرابه
النجم هرف وسكرن العواصيف=مع السلامه كان فيها هم وكابه



----------------------------------------------

كنتروول القاف + العمـــــــــده

كنترول القاف

يالنقيشي بيننا علم وافي ومحسوب=وابن عمك عنها ما عرفنا احجيته
كان تقدر تفهم العلم دليت الدروب=وان غديتوا عمدة القوم له ماريته

العمده

بالنيابه عن حدى افرادنا حنا ننوب= والرجل من منطقه تتظحلك نيته
بيتك الاول بتاليه باينتن عيوب = وبيتك الثاني نبا نتبع قافيته

الكنترووول

يا هلا يا مرحبا بين غفران وذنوب=وان سمحلي عودنا نصلحه ونزيته
المهم السالفه بين راضي ومغصوب=يوم راع الزمل ما تعجبك منقيته

العمده

البقا يالي تهلي عدد عد الشعوب= الشعوب العايشه والشعوب الميته
ماعلينا قول والبرق في عرض النصوب= به علومن حاضره وبه علوم مبيته

الكنتروول

يوم ناصر يدري ان الحسد ملي القلوب=ليه ما جاب السمينه على صينيته
شمسنا تشرق وشمس المعادي للغروب=قلتها والناس ما رحبت في جيته

العمده

الخطا من راسك اللي تبع علم الكذوب= يوم قال الظلم وومالي ابطاقيته
رشح المسكين واللي على الامر مغلوب= ونزل اهل الشعر حتى ظبطنا كيته

الكنتروول

انت يالعود المسمى علامك ما تتوب=حسنة الرجال ما تبلشك في سيته
ندري ان الناقه ام الضمر جاها حلوب=مير علم صاحبك لا يجي محميته

العمده

ماعملنا ذنب والعيب تفتيش الجيوب= ليت ابوهههههههه عن الحر صار افيته
مادريت بشي والمي الازرق مايروب= حط علمي وسط حدب الضلوع وتيته

الكنتروول

والله انا لا بنينا الطوابي طوب طوب=والبلا في عودنا تتعبه نفسيته
الحجيج اليوم تبغى توجه للجنوب=وعيدكم ياصحابنا جيتكم بضحيته

العمده

البنا لاشي وطيب في حسن السلوب= والخواجه لو تمدن نعرف قريته
خطت الاقدام ياقاف وحفيت الكعوب= خمك السرحان والبيرطاحت طيته

-----------------------------------------------------------------------------


البرمكي + شيكاواقير


البرمكي



نادولي ابو صواط ولا نادو الشيخ الكبير= امكرم الخطار والدنيا كفا الله شرها
ولا اخو جوزى صاحبي نسيبي اللي فيه خير= والسلم بالدينار والدنيا كفا الله شرها




شيكاواقير


جاك الشبكشي يالمنادي حادرن واد الجرير=نار وعماراديار والدنيا كفى الله شرها
علاقته فيكم ياهل دجله علاقه نوع غير=اتروح فيها اعمار والدنيا كفى الله شرها



البرمكي


يامرحبا ترحيبتن ترض الكبيرمع الصغير= ماحن نوق حوار والدنيا كفا الله
علاقتك يسوقها من بينا سلك الحرير= لكن يدك والنار والدنيا كفا الله شرها



شيكاواقير



فيك البقا ياشاعرن ماله بها الدنيا نظير=(ماحن نوق ابكار)ههههه والدنيا كفى الله شرها
كذا تميّلنا النسايم يمكم عبر الاثير=تكفى بدون انذار والدنيا كفى الله شرها




البرمكي



سوال ممكن ياوجيه الخير والوجه السفير= لاتصد عنه ايسار والدنيا كفا الله شرها
انته من اهل السيف ولا جيت من حرة مطير= يالشاعر البيطار والدنيا كفا الله شرها هههههههههه



شيكاواقير



ممكن نجاوبك السؤال ان هبهب الغربي عصير=(لو ماعليها اغبار) والدنيا كفى الله شرها
انا ولد عم النبي جدي كلاب ابن زهير=امهاجر الانصار والدنيا كفى الله شرها



البرمكي


انشده وهو يتلوى كنه ارقبتن للبعير= ماحطلي معبار والدنيا كفا الله شرها
كل العرب تتبع نبي الله هو الهاد البشير= ماتصير عنهم غار والدنيا كفا الله شرها



شيكاواقير


جاوبت جاري بالصراحه بالقليل وبالكثير=لكان جاري جار والدنيا كفى الله شرها
جدك تولى امارة الموصل وسموه الامير=واليوم ريش وطار والدنيا كفى الله شرها



البرمكي


اجابتك فيها تناقض ماتبين بالمسير= هبوب فيها عصار والدنيا كفا الله شرها
جدي عياله في محله وانت حبه من شعير=ماتخوف الشعار والدنيا كفا الله شرها


شيكاواقير


جتك الاجابه واضحه في سمع ذيب وعين طير=مير الحــــ...احـــ ههههه والدنيا كفى الله شرها
ماذمه الله يرحمه ماله قريب ولاخشير=ياطيب الاذكار والدنيا كفى الله شرها



البرمكي



جمعتهن سمعن وعين العلم هذا مايصر= يا فاهههههه يابن الفا ههههههه والدنيا كفا الله شرها
لاعلها في ذمتك ماقلت باليوم العسير= لادخلت وسط الغار والديا كفا الله شرها




==>>> يتبع ع ع ع

[نـسـاااف]

باذن الله سوف اختار محاوراة للشعراء كثير لم ترد اساميهم

ومن ضمنهم


خاتم سليمان / سعود العرعري / ابو رقبه / ابو عوجه / البيطار / السيل الجارح / السحلي



وشعراء كثيرون




وسامحوني على الاقصور

[بعيد الهقاوي]

بعيد عنك القصور طال عمرك موضوع يستحق التثبيت

[نـسـاااف]

الله يبيض وجهك يا بعيد الهقاوي


والله انا ماودي اجامل لكن احاول اخذ الدرر اللي يستفيدون منها المتابعين حتى لو كانت محاوره تتكون من عشرين بيت اهم شي بيت يكون فيه نقض وفتل او معنى مرسوم وكذلك الصيغ


للاستفاده والاطلاع والاستمتاع واتمنا انني اكون قد وفقت باللي ذكرت