[صلاح مطلق]

بسم الله الرحمن الرحيم
السلام عليكم ورحمة الله وبركاته .........وبعد
هذه قصيده قلتها بمناسبة زيارة ريئس رابطة عبس العالمية
المهندس/ مبارك الدويله
للشيخ/ فرح ملفي بن بدوي المظيبري الرشيدي





يامرحبا ترحيب عبسي من ابان *** نيــــابتن عـــن عبس في كل دوله




اهل السلوم الراجحة كل الازمان *** أعلا صروح العز ربعي رقوله




حنا الها من فضل خلاق الانسان *** لاجاء نهارن فيه صوله وجوله




نارد ورود احرار في كل ميدان *** عــــدونا مــــــنا تـزايد ذهـوله




افعولنا نجمن هوا شوف الاعيان *** يهـــد حيد الضلع ساعة نزوله




ودخيلنا يلقا عن الخوف الامان *** يصعب على عكف الشوارب وصوله




وخوينا يحسب من حساب الاخوان *** انعامله باخلاص عز ورجوله




والضيف نذبح له جزيلات واسمان *** يوم البخيل يديه دوم مغلوله




والجار نمشي له على بر واحسان *** دوم الخطا من عندنا مايطوله




عنتر ولد شداد بالوقت برهان *** يشهد لنا شـــعـره وتشـــهد فعوله




والطيب يوجد عند بدون وحظران *** كـــل القـــــبايل باليالي سعوله




واليوم ساد الامن في كل الاوطان *** دستورنا القرءآن وسنة رسوله




في ظل حكم الفيصلي نسل عدنان *** الله يقبل دعـــــوة اللي دعوله




واكرر الترحيب من قلب والسان *** باللي يشــرفنا لك الله وصوله




حرن تعلا فوق غرات الامزان *** يعــرف خروجه قبل يبدا دخوله




هذا الدويلة بالمواقف كحيلان *** ال السعــــود وآل الصباح شهدوله




ويامرحبا ترحيب عبسي من ابان *** عند ابن ملفي عز منهم عنوله




الشاعر// صلاح مطلق بن بدوي المظيبري

الموضوع الأصلي: قصيده بعنوان (( عــــبـــســــــي مـــــــن ابـــان )) | | الكاتب: صلاح مطلق | | المصدر: شبكة بني عبس

[هيون]

صح السانك والدويله يستاهل
تقبل مروري

[عبدالله معزي]

صح لسانك وبيض الله وجهك
قصيدة جزله من شاعر جزل
تم الختم والنقل
تحياتي

[برق الوسم]

صح لسانك يامطلق وبيض الله وجهك ..
والدويله يستاااهل ..
لاهنت .. وتحياتي لك ..

[ذابحه النوم]