[حامد الحنيفان]

ياخالد وقلبي من العام بحلان = ياخالد مدري وش هوابه وصابه
ازريت للقى علته يابن هجنان =غديت مثل القوس فوق الربابه
اعلمك ياجد كان انت بحلان = لاحق عليك الكبر ماهي طلابه
لابد من قبرا طويلن بلالحان = ينسف على الميت نثايل ترابه
وين الرجال مرويت كل عطشان = في نجد ماكانو وطو في ترابه
فكاكت البل يوم روغات الاذهان = على ضهور الخيل مثل الذيابه
وعبد العزيز اللي حكم كل الاوطان = حتى الدول ماتجيه كلن يهابه
هم اهل العوجاء من اول وذلاوان = مثل الجبال الراسيه من هضابه
وعبد العزيزمعقبً نسل شيخان = وعدوهم مايهتني في شرابه
اهل السيوف الحدب ذربين الايمان = احرار ماهي طالعه من خرابه
وصدام قام وقومت الثور غلطان = خلى اهل الدوله كثيرا ذهابه
من الجنوب اليا ورا حد عمان = مثل الخيال اللي تراكب سحابه
اجموع سربً وصفها تقل ضلعان = من شافهم مايهتني في زهابه
معهم عيال البدو من كل ماكان = ولكل منهم لانتخى يعتزابه
معربين الجد من ساس شجعان = مثل السيوف اللي يحده قرابه
واميرهم قائد الحرب سلطان =وفهد عسى ربي يطول شبابه
بمدرعات وطايراتنً وفرسان = يردون حوض الموت محدن يهابه
في مدهم يضفي على كل شفقان = يعطون مالً مايعدد حسابه
ابوهم اللي يعطي زينات الارسان = عساه للجنه وبارد ثوابه
والا القليل مايجي بطن جيعان = من مدكم يامشبعين الذيابه
دستم حمول الخيل ذرفين الايمان = وبيوتهم عقب المباني خرابه
راحو سحق ماكنهم كاينً كان = ومجلاسهم تسفي سوافي ترابه
الشاعر/سعود حنيفان العويمري(رحمه الله)

الموضوع الأصلي: ياخالد وقلبي من العام بحلان | | الكاتب: حامد الحنيفان | | المصدر: شبكة بني عبس

[(ابوعواض)]

الله يرحمه ويجعل مواه الجنه

قصيده رائعه

[عبدالله معزي]

صح لسان الشاعر سعود رحمه الله
اشكرك اخي حامد على النقل
تحياتي

[سمري]

رحمه الله علي راعي هاقصيدة

[الجابر]

صح لسان الشاعر سعود رحمه الله