[الجابر]

العجوز والشايب في قصيدة مضحكة
الشايب
قلبي شباب ولازم إني أعرس...مابي العجوز اللي توسد على الباب

الخير وأيد وماني مفلس...عندي فلوس تدعم البنك في حساااب

العجوز
ما باقي منك غير خشمك وهالضرس... تبى تعرس وانت كنك غراب

قابل صلاتك الله يشفيك من المس..وإلا ترى باطب ويهك بالترااااب

الشايب
انتي عجوز وأكلك الروب والخس...اما انا ما أكل غير تكة وكباب

ما فيني سكر غير ضغطي نازل بس...دام الهوى فيني ترى كل شي طاااب

العجوز
لا بارك الله فيك يالشيبه يالنحس...ما تجيبك الرمسه ولا يجيبك عتاب

قصرلي صوتك ماابي اسمع ولا حس...عطني طلاقي وانقلع وقضب الباب

الشايب

دومك نحيسه وذا لسانك يبيله قص... ربي ترى حلل لي اربع بالكتاب

هذا خميس الاعمى ياكم عريس...مرتاح بالدنيا بلا هم واعتاااب

العجوز
بطران وراسك كالصخر يابس وعص... مالوم طبعك يوم ربعك هالكلاااب

غادي شرا الاريل ودومك تتحيس... استح على ويهك اصلع ولعااااب

الشايب
فكيني من ويهك ترى مالي اي نفس... زهقان من شوفك وابقالي احباب

هذا طلاقك طالقة أربع وخمس... شلي طلاقك من ضميري بلا حسااب

العجوز

مشكور يا الشايب ومن دون اي دس... عندي حبيب ماابتعد لحظه وغاب

يشريك ويبيعك تراه باثمن وبخس... ماتسوى ظفره حلو اسمر وجذااب

الشايب
يالله قبل لا اموت منك وقتص... طلعتيلي قرنٍِ وراسي بعد شااااب

ياشينه البرقع ترى قدرك اختس... عجوز لك في الدنيا خلان واحباب!

العجوز
مثلك تراني وهذا لك في العمر درس... لاني اميز بين شيبه وشياااب

وإلا نسيت اني على الموضه اللبس...ماعلموك اني بلا شيله وحجااااب

اتمنى ان تنال اعجابكم

الموضوع الأصلي: تحدي بين الشايب والعجوز | | الكاتب: الجابر | | المصدر: شبكة بني عبس

[سالم الرشيدي]

صح السنتهم ويحول يالشآيب
عندي فلوس تدعم البنك بحسآب
وعزاااه بس
وتسسسسسسسسلم
يــآ الجآبر على نقلها لنا ولاهنــتـ

[رسام الغروب]

شاكرلك على الاختيار الجميل لاهنت

[سحايب]

هههههههههههههههههههههه
قصيده فكاهيه جميله
مشكورعلى النقل الرائع

[الجابر]

صح بدنك اخوي سالم ثانكيو علي المرور

[الجابر]

حياك رسام الغروب مشكور علي المرور

[الجابر]

نورتني بمرورك دمعه