[خالد العجوني]

خليف البرازي

ياالرشيدي جاك موج ما هدأ جزره ومده

اعرف ان الموج يبغى ينسفك يم المسيلـه

عطني علومك وقلي وش حصلك قبل مده

يوم جاك السيل يهدر ياالرشيدي من مسيله

خالد العجوني

يا المطيري البحر لو هاج ما تقدر تردة

مير خلك في مقيلك لا تقرب في مقيلة

كل رجل طيب يا صاحبي يعرف مردة

ما نشوف الا البروق و لا نشوف الا المخيلة

خليف البرازي

انت لك خمسة ليالي نايم فوق المخـده

مير كمل نومتك ما انت بجايب مستحيله

المطيري تعرف فعوله وتعرف فعل جده

مير قرب ياشعيل الحمله الليلـه ثقيلـه

خالد العجوني

الذيابة ما تنام و مير عد النجم عدة

انتبة يا صاحبي لا تلتحق فيك الفشيلة

الحسو ديرة مطير الي بها كل الاسدة

دمروها عبس اهل ميقاف و سيوف صقيلة

خليف البرازي

انتبه لاجاك سهم مطير ما تقدر تضده

والفشيله للضعيف اللي عجز حمله يشيله

الحسو ديرة مطير اللي لهم هيبـه ورده

روح للسودان تلقى عبس يامومي شليله

خالد العجوني

كان عندك سهم طاير عندنا سيف نحدة

ان رحمناكم ثقيلة ون ذبحناكم هزيلة

المطيري طول عمرة ما يفصل ثوب قدة

من قصير اليا طويل بكل عام و كل ليلة

خليف البرازي

سيفك اللي تذكره في يدك ماتقدر تشده

وين سيفك يوم وقفات القبيلـه للقبيلـه

انت كفك من زمانن فات ما تقدر تمده

والرشيدي لو نحلل دمه نعرف الفصيله

خالد العجوني

سيفنا من عصر عنتر عارف مزحة و جدة

ما يخيب ازناد عبس اليا ابتدى شب الفتيلة

مير جدك يا المطيري كان صاحي لا تعدة

ما لقينالة نسب ولا وجدنالة حصيلة

خليف البرازي

ابك انا حدي من حدود الكويت لبحر جده

وانت مالك ظل في وقت القوايل تلتجيله

جدي اللي قضبك درب السهول المجرهده

لين شتت شملكم ما باقين منكـم عقيلـه

خالد العجوني

عبس في كل الدول ولا انت عير ن للمكدة

لو يجيك السيل منها ما يضللك النخيلة

جدكم معروف دايم دمعتة من فوق خدة

من عجاج الضيم يسمح للخليل و للخليلة

الموضوع الأصلي: السلام للجميع هذه محاورة بين الشاعر : خالد سعود العجوني و الشاعر خليف البرازي نـار | | الكاتب: خالد العجوني | | المصدر: شبكة بني عبس

[عاشق الطير]

صح لسانك ولسانه

لو ان لسان المطيري ما عد الحقيقة ؟؟؟؟؟؟؟!!!!!

تمنـيت لو كان الشاعر المقابل للمطيري شاعر اقوى شوي

ولكن تجري الرياح بما لا تشتهي السفن

وشكـــــــــــــراا

[الحر النداوي]

صحت ألسنتهم

[سعود العرعري]

لاوالله الا العجونى مسكين ماعنده اسلوب للعب ياخى المحاوره لها اسلوبها ماهو ذرع السان

[ابن حيان]

صحت اللسنتهم جميع فودي توضيح شوي هل المحاوره عبر الديوان والميدان

[ابن حيان]

اقتباس من مشاركة سعود العرعري لاوالله الا العجونى مسكين ماعنده اسلوب للعب ياخى المحاوره لها اسلوبها ماهو ذرع السان

انا اقول ماقصر شاعر قوي اذا كانت المحاوره بالميدان اما عبر النت فهو ابدع وتحياتي

[الخشف]

صح السنتكم جميع
كنت له بالمرصاد يا خالد
تحياتي للجميع

[بن هادي الرشيدي]

عااااش ابن عجوين عااااااش , ولا هان ابن براز ههههه هع.