[سحايب]

قبل الغرام وقبل مااصير .. مغليك
أعاهدك مااقول : غير ..( آمر وسمْ )

حتى لو إنك قلت : برحل .. وأخليك
بقول لك : تامر على ماتبي .. تمْ


رايح أكون إنسان .. يفهم مباديك
أشاركك بالضحك .. والحزن .. والهمْ


مهتم بكْ .. وأغلي بعدمن .. يخاويك
ومن لايهمك ماني ب فيه .. مهتمْ


بفتح لك .. بصدري وقلبي .. شبابيك
وأنقش غرامك وأرسمه .. داخل الدم


وإنْ جاك نوم .. رموش عيني .. تغطيك
غمض عيونك وسط عيني وثم .. نمْ


وان قلت لي وش كبر حبي بخافيك؟؟
أقول أحبك .. بس .. مدري أناكمْ !!


أبيك تسرقني .. لروعةمراسيك
وأموت بك موتة غريق ٍ .. وسط يمْ


أبيك تدرك يوم انا جيت أماشيك
قصدي تكون أقرب من .. الخال والعمْ


قصدي تبعثرني .. اليا مرطاريك
وأحنْ لك ..وأجيك .. ملهوف ل اللمْ


قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ



أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ


لكن ..!! لو إنك قلت : بر حل واخليك!!
بقول لك أبشر .. على ماتبي.. تمْ


مما راق لي
من باب التغيير**

الموضوع الأصلي: بفتح لك .. بصدري وقلبي .. شبابيك وأنقش غرامك وأرسمه .. داخل الدمْ | | الكاتب: سحايب | | المصدر: شبكة بني عبس

[صقـــر الشرقيه]

دمعه ذوووق رفيع

الله لايحرمنا منك

وكل عام وانتي بخير

[رسام الغروب]

صح السانك دمعه
ولاهنتي على الطرح الرائع للقصائد
تقبلي مروري

[الوااااافي]

صح لسان شاعرها وسلمت يمناك ( دمعة) ع الاختيار الروووعه

[ميلاس]

‏ تسلمممممين ع النقل الرائع . .

[الجابر]

صح لسانك دمعه بالتوفيق تقبل مروري

[رشيديه و أفتخر*]

صح لسانك
تسسلمين ع النقل الرووعه

[مُخاطِرْ]

(صــــح لسـسـانـكـ)
>دمــــعــــهـ<
:)