[رسام الغروب]

جرحي سطا في داخلي يا ( أنكسارات )
في داخل أعماقي سنين خفيته

جرح السنين الماضيات القديمات
يهل دمعي لاذكرت و طريته

من جورها شوفي جروحي عطيبات
شوفي عناها ماخذ القلب بيته

شوفي عيوني تذرف الدمع حسرات
من حزنها نوم الليالي جفيته

عايشت أنا دنياي باأحزان وآهات
واللي تبي دنياي طوعن مشيته

وعانيت من درب العناء والمسافات
دربن طويلن في حياتي طويته

وتعبت أمني خاطري باحتمالات
وارجي زماني ليتني مارجيته

وتعبت في رسم امنيات وطموحات
واشوف حظي طايحن يانعيته !

وقتن حكمنا دون عدل ومساوات
ياخذ ولا يوفي بشي عطيته

اشوفه لغيري يجي بالسهالات
وانا العناء من حكم وقتي خذيته

وقتن يعز اللي همومه تجارات
ومن كثرة امواله يشيع بصيته

ويهين راع الطيب راع المروات
اللي لياضاقت عليك انتخيته

يقطعك ياوقت العجب والغرابات
ياكم من سبتك حالن فنيته

وانا تراي ( النادره ) كل الأوقات
اعز نفسي والوفاء مانسيته

ماني من اللي همها زيف موضات !
ولا انتقد باسباب هرجن حكيته

ولاجيت في دربن تخالطه زلات
نفسي عزيزه كل عالي رقيته

اقدم المعروف واعطي جمالات
والقاه يجحد كل طيبن سعيته

وأدمح خطاء المخطين دون أعتذارات
من طيبتي مع سلمي اللي ربيته

وارجي الفرج من عند رب السموات
ويعوضني عن كل همن شكيته

هذي علومي جاتك اليوم باأبيات
نظمتها مابين (( أت وأيته))

وهذا وتمت واسلمي يا ( انكسارات )
وعلى النقاء والعز عرفك شريته


الشاعرة النادره

الموضوع الأصلي: انكسارات | | الكاتب: رسام الغروب | | المصدر: شبكة بني عبس

[سحايب]

ماني من اللي همها زيف موضات !
ولا انتقد باسباب هرجن حكيته


صح الســــــــــــــــــــان الشاعره
قصيده كل بيت من بيوتها يصفق
لما قبله ..
يعطيك العافيه على حسن اختيارك
ننتظرجديد حسك ...
تقبل مروري/دمعه

[ميلاس]

تسلم ع الآختيار الرائع .

[مذكر الرشيدي]

ذوووق رائع واختيار موفق

مشكور ولا هنت على الابداع وصح لسان قائلها

ودائما متميز في نقلك

[رسام الغروب]

شاكرلكم مروركم الجميل

مذكر ميلاس دمعه

بارك الله فيكم