[فضي البراك]

وين أنت ياللي بنظراتك مولعني=(اللي يناجيك بسلوب الهوى ناجه)
أطلق عنان السوالف ثم سمعني=صبري قبس من سكوتك نار وهاجه
تدري وش اللي على لاماك يدفعني=شوقٍ بصدري لحوح وكثر أزعاجه
كانك تقدر دخيلك لا تقاطعني=ترى غيابك عليه سلط أفواجه
وتدري وش اللي على رجواك شجعني=لو كنت أعرف أن رجوى الوصل منعاجه
بيت لـ ،، (ثامر) لاغنيته يضيعني=(محتاجلك حيل والله يقطع الحاجه)
تعآل يكفي غياب أرجوك طالعني=يمكن تحس بعذاب الصدر وخلاجه
لو قلت أبنساك قلبي مايطاوعني=القلب محتاجلك والروح محتاجه
وأن كان مالان قلبك فـ ،، أرحل ودعني=برمي همومي على البحر وعلى أمواجه

للشاعر / مشاري الرشيدي

الموضوع الأصلي: بيت لـ ،، (ثامر) لاغنيته يضيعني | | الكاتب: فضي البراك | | المصدر: شبكة بني عبس

[وريثة المجد]

القصيده ذووق لا هنت

[فضي البراك]

اقتباس من مشاركة وريثة المجد القصيده ذووق لا هنت

شكرا وريثة المجد

لاهنتي

[ناصر الرشيدي]

صح لسان الشاعر

لكن تعال

انت وينك

تدري ان فيك ميزه من قصايد الزعيم

اذا جيت نسينا عذاب فراقك

[!!!الاماكن!!!]

وأن كان مـالان قلبـك فـ،، أرحـل ودعنـي
برمي همومي على البحر وعلى أمواجـه

××

الله الله
جزله ووافيه
صح لسان مشاري واعتلا شاان ناقلها

×

بــيــت لـ،، (ثــامــر) لاغـنـيـتــه يـضـيـعـنـي

(محتـاجـلـك حـيــل والله يـقـطـع الـحـاجــه)

لبى بو شبيب كله آحساس

تسلم يمنآآك

××

[الرشـ بنت ـايده]

تدري وش اللي علـى لامـاك يدفعنـي شوقٍ بصدري لحـوح وكثـر أزعاجـه كانـك تقـدر دخيـلـك لا تقاطعـنـي تـرى غيابـك عليـه سلـط أفواجـه وتدري وش اللي على رجواك شجعنـي لو كنت أعرف أن رجوى الوصل منعاجه بيت لـ،، (ثامـر) لاغنيتـه يضيعنـي (محتاجلك حيـل والله يقطـع الحاجـه) تعآل يكفـي غيـاب أرجـوك طالعنـي يمكن تحس بعـذاب الصـدر وخلاجـه

صــح الســانه واعتلا شانــة

ولا هنت يالغالي

[فضي البراك]

اقتباس من مشاركة ناصر الرشيدي صح لسان الشاعر لكن تعال انت وينك تدري ان فيك ميزه من قصايد الزعيم اذا جيت نسينا عذاب فراقك

أبو سيف

مالي عذر .. لو قلت وافي ومعذور=ولا يستر ذنوبي رهاف المعاذير

الله لا يهينك

وأنا قريب أن شاء الله

[فضي البراك]

اقتباس من مشاركة !!!الاماكن!!! وأن كان مـالان قلبـك فـ،، أرحـل ودعنـي برمي همومي على البحر وعلى أمواجـه ×× الله الله جزله ووافيه صح لسان مشاري واعتلا شاان ناقلها × بــيــت لـ،، (ثــامــر) لاغـنـيـتــه يـضـيـعـنـي (محتـاجـلـك حـيــل والله يـقـطـع الـحـاجــه) لبى بو شبيب كله آحساس تسلم يمنآآك ××

حيالله اللي مايجون إلا بعزومه

مرورك بحد ذاته شرف ..

شكراً مليار.