[ذيبان الرشيدي]

بعد
السلام

أقدم
هذه المقتطفات
والتي لعلها
تحظى بالقبولِ والإستحسان ..!
و
يعلم الله ..
أنها
قليلاً مِن كثير ..!

لا إطاله ..
في المقاله ..
.
.

لولا المواقف ..ماكتبت القصايد = ولولا الظروف .. القاسيه ماتغنيت
ولولا الهموم .. الماضية والجدايد = ماسقت أنا .. حزن القصايد وونيت

.
.

ماعادلك .. شفٍ ولاعادلي شف = يعني انتفارق .. والنوايا مطيه
روّح .. وخف الرجل ياصاحبي خف = لاصرت بأعياني .. مُجرد خطيه
واليا عرضلك .. طاير الهم واصطف = غرهد تغنى .. وأسمع أحمد عطيه
وأنفض هجوسك .. وأرفع الرأس وأحلف = أن المحبه .. فهلوه واخرطيه

.
.

الجربعه .. ومطارد البنت ياهن = في سلمنا .. عيبٍ وذل وسفاهه
والهايفه .. ومخالف القلب والظن = ماناوشت .. قلبٍ طمح للوجاهه

.
.

مدري .. جحود الوقت والاشرابيك= والا ليـالٍ .. روحتبـي وشاحـت
والا همومٍ .. وردتني علـى ذيـك= والا وروداً .. جاذبتنـي وفاحـت
أمشي وأسولف .. بين ذولا وذوليك= وأضحك وأنا .. كلي جروحٍ تناحت
وأذكر لقانا .. وألتفتلك وأناديـك= وأراجع أوقاتٍ .. لنا معك راحـت
وأشتاقلك شوقٍ .. يغربل معاليـك= شوقٍ .. له الورقا من الضيق ناحت

.
.

يهمك .. اسهرلـك ليالـي واغنيـك= وأنثر شتاتـك .. بالقصايـد والمـك
وان شفتك .. أفقعلك وارحب واحييك= وأنهض جناحي .. والتفت لك وأضمك

.
.

لاشك صفقه .. يا أسود الوجه توجع = وشعاد .. لاصارت ثلاثين صفقه
اذهب ذهاب الملح .. رَوّح تفرقع = مالي مع مثلك .. صداقه ورفقه

.
.

مليت أقلب.. وردهم وسط يدّي = ورداً حسبته صج .. وأثره مجفف ..!

.
.

بثمن هروجي .. وأفارق وأخليك = وأدمح ليال الحب .. وأحفظ وصاتك
والدمعه .. اللي دلهت من تجافيك = تكفى .. طلبتك مشهاا في عباتك

..
.

الوقتْ قَصّر .. والسهر صار ماكر= والليل ودع .. صاحبه يا الكحيله
والصبح جَوّح .. وأدبر الحلم ناكر= والقلب هتانه .. تكاثـر قليلـه
الا يا بعد بندر .. وصالح وشاكر= والليث الأبيض .. والوطن والقبيله
جيتك مقفي .. والوعد معك باكر= مابين .. حوبات البيوت الجزيلـه

.
.

اليا خربت .. ياصاح قرب مخدتـك= واجلس تمغط .. بالسرير وتشقلـب
وخل الذي .. هده عذابك وصدتك= يشرب بعد فرقاك .. شيشه وسحلب

.
.

أنتي كما القشعه .. وأنا حولكي ضـب= أن ثارت العجـه .. نصـاك وزبنكـي
وأنتي كما الغابه .. وأنا وسطكـي دُب= يلاعب غصونك .. ويجمع حطبكي
ياصاحبه .. ماضمها مجمع القلب = والله لا اشوتك .. ثم أمصـع شنبكـي

.
.

أضحك تبسم .. بيـن روض وبساتيـن =وخيل السحاب اللي .. من الغير غطـاك
واجمع شتاتك .. مع ركـود الشياطيـن= وانسى الذي .. حبـك وودك ونـاداك
وان غثربـت .. لـم الغنـم والبعاريـن= واضحك علـى .. ذولا وذولا وذولاك
شم البختـري .. والنفـل والرياحيـن= واستحقر العالم .. وعـذب ضحايـاك
وخل الهجوس .. اللي خذت راحت العين= للصاحب اللي .. ذاقها مـن شفايـاك

.
.

ابك الجفاء .. كم ضرني وأستخفيت = وأقفيت أسولفبه .. وأقلب شجوني
طوعتله شعري .. وللصوت جريت = بصوتٍ .. يهيض .. سامعين اللحوني
ياكم تغديته .. و ياكم تعشيت = حتى حسبته .. راحةٍ للبطوني
سويتبه {مظبي} .. وعفته وصديت = وأبغضت ناسٍ .. للجفاء يطبخوني
والحين عنه .. يا الوثيري تقافيت = وخليته لناسٍ .. غدو و اتركوني

.
.

أثرك تسـلا .. بيـن ذولا وذولاك = وتحوس مع هذا .. وتنسى هذاكـا
قلبٍ توطيتـه .. وقلـبٍ توطـاك= وشعراً حدر جوك .. وشعراً خذاكا
في مجمل الوضعين .. بانت خطايـاك= وخلك على وضعك .. وريحة شذاكا
وأسمع نصيحه .. سقمها مابعد جاك= لعلهـا تقطـع .. وتنهـي وذاكـا
لا تحسب أني .. غافلٍ عـن نوايـاك= أحذر حذاري .. يالغضي لا تذاكـا

.
.

ياورودٍ .. جابها ليلٍ .. تغناه الحبيب = اذبلي ثم فارقي .. واستامني تحت التراب
شحت الغيمه .. وثاعتبك مدابير النصيب =ثم غدابك .. ليلٍ اضنته الملامه والعتاب

.
.
ذيبان

الموضوع الأصلي: الجربعه .. ومطارد البنت ياهنْ ..! | | الكاتب: ذيبان الرشيدي | | المصدر: شبكة بني عبس

[عايد2001]

صح السانك
ولاهنت ياذيبان

[موسى الصامل]

صح لسانك عل هذه المقتطفات الرااائعه

الا يا بعد بندر وصالح وشاكر
والليث الابيض والوطن والقبيله

خربتهااااااا مرررررررررررره يا ذيباااااان



المهم

صح لسااااانك

[هيون]

يا سلاااااااااااااااااااااااام عليك

صح السانك حتى ترضى

وعلاا شانك

أأأأأمبدع مافيك حيله وافي

تقبل

مروري

[احمد سبيتان]

ياسلا م عليك ياذيبان

والله شاعر

اعجبني تصوير القشعه والضب<<هههههههه

الله يوفقك

[سيف المهيمزي]

مبدع ياذيبان
صح لسانك

[برق الوسم]

مدري .. جحود الوقت والاشرابيك

والا ليـالٍ .. روحتبـي وشاحـت

والا همومٍ .. وردتني علـى ذيـك

والا وروداً .. جاذبتنـي وفاحـت

أمشي وأسولف .. بين ذولا وذوليك

وأضحك وأنا .. كلي جروحٍ تناحت

وأذكر لقانا .. وألتفتلك وأناديـك

وأراجع أوقاتٍ .. لنا معك راحـت

وأشتاقلك شوقٍ .. يغربل معاليـك

شوقٍ .. له الورقا من الضيق ناحت

//

وعليكم السلام
ارحب يااذيبااان ..
.. لاجديد استاذي رمز الأبداع وعنوانه ..
مقتطفات تروي عطش عطاشا الشعر ...
صح السانك واعتلا شانك ..
وتقبل سلامي ...

[ذيبان الرشيدي]

اقتباس من مشاركة عايد2001 صح السانك ولاهنت ياذيبان

صح ابدانك
ولاهنت

عشت وعاش غاليك يالذيب

تقبل
ودي وتحاياي