[الظفيري]

الـصــوره الـلــي ( بـجـوالـي ) تـعـذبـنـي = يـاكـثـر مـاجـيـت ابمسـحـهـا ! واخـلـيـهـا
يالـلـي جفـيـت وجـفـاك الـمـر .. ذابحـنـي = عقـبـك وجـيـه البـشـر .. مـانـي بدانـيـهـا
مـن يـوم حبـك .. غـزى القلـب وتملكنـي = قـطـعــت كــــل الـعــلاقــات وطـواريــهــا
اقـــرى رسـايـلـك ودمـوعــي تسـابـقـنـي = وارد ! واقرى الرسايـل .. واحتفـظ فيهـا
انـت آخـر انسـان هاقـي مـنـه يصدمـنـي = والظـاهـر ان هـقـوتـي بـانــت مـواريـهـا
لـــو الـوصـايـا لـيــا احـتـديـت ! تنفـعـنـي = يـاكـثـر نــــاس ٍ عــلــى ذودي بـوصـيـهـا
لـيـت الـفـرح ( بـنـك ) لاجيـتـه يسلـفـنـي = واقـاصـده ( راحـتـي ) وحقـوقـه اوفيـهـا
مـن كـثـر ماكـنـت ! جارحـنـي وظالمـنـي = قمـت اعـزل جـروحـك بقلـبـي واسميـهـا
تــدري وش الـلــي يبكـيـنـي ويضحـكـنـي =انــــك مـحــامــي قـضـيـتـنـا وقـاضـيـهــا
تـدري مـتـاك ؟ تـعـرف قــدري وتفقـدنـي = لارخصت نفسك ,, لشخـص ٍ مايراعيهـا
بــكــره الا هـمـلــوك الــنــاس تـذكـرنــي = وتـقـول عــزاه : عيـنـي مــن يداريـهـا ؟
مــدام غـيـري ؟ عـلـى قلـبـك مشاركـنـي = وش هــو لــه ؟ اعـلـق الأمــال وابنيـهـا
يكفيـنـي انـــك رحـلــت ومـنــت عايـفـنـي = هــذا عــزا النـفـس مــن كـثـرة بلاويـهـا
اهديتـك : دمــوع مــن طعنـتـك تحرقـنـي = وانــت الـلـي تستـاهـل الـدنـيـا ومافـيـهـا
واهديتني جرح .. موجعني ؟ وعاجبني ؟ = لـــن الـهـدايـا عــلــى مــقــدار مـهـديـهـا
صحيح ! ( حنا انتهينا ) .. بس صدقني !! = والله ان تبقى ( هـوى روحـي ) وغاليهـا
مفضوح ؟ راع الهيام .. ونظرته !! تغني = ملامحه واضحـه ! , فـي وجهـه راعيهـا
لــكــل داء ٍ دوا .. لــــو هــــو مـتـعـبـنـي = الا محـبـتـك ؟ .. أعـيــت مـــن يـداويـهــا
ان قـلـت : علمـنـي انـسـى ؟ لاتعلـمـنـي = دنـيــاي لامـــن نسـيـتـك ويـــش تـالـيـهـا
فارقـتـنـي وضحـكـتـك عــيــت تـفـارقـنـي = والله يـلـعــن ابــــو الـفـرقــا وطـاريــهــا
مقدر !! أفكر بغيـرك ؟ .. وانـت عارفنـي = عشان حاجه ؟ بقلبي .. مقـدر !! أخفيهـا
اخــاف لاحبـنـي غـيـرك ؟ ..و عاشـرنـي = يـشـوف صـورتـك فــي عيـنـي ويوحيـهـا
نشـدت عنـك ؟ وسمـعـت الـلـي يفرحـنـي = وارتــاح صــدري مــن هـمـوم ٍ يحاتيـهـا
تبي تعرف ! وش ؟ على الفرقا مصبرني = انــك بـخـيـر .. وحـيـاتـك مهـتـنـي فـيـهـا
مــن يــوم ماغـبـت ! والـوحــده تعـذبـنـي = اقـرى ( رسايلـك ) فـي حرقـه والاحيـهـا
اشوف ( صورتك ) .. ودموعي تسابقني = وياكـثـر ماجـيـت أبمسـحـهـا ؟ وأخلـيـهـا

منقول

الموضوع الأصلي: قصيده من اختياري | | الكاتب: الظفيري | | المصدر: شبكة بني عبس

[البعيد الهادي]

صح السااان الشااعر
واحسنت النقل يالظفيري
دمت بحفظ الله

[أمـــير بـكلمتي]

الله يعطيك العااافيه

[بنت أبوهــا]

اختيار رائع

صح لشان شاعرها

وصح ذوقك

[الظفيري]

امير بكلمتي تشرفت بمرورك الكريم دمت بود

[الظفيري]

البعيد الهادي تشرفت بمرورك ودمت بود

[الظفيري]

بنت ابوها تشرفت بمرورك اللطيف اختي ودمتي بود