[البرمكي]

اخي السبع الضاري ابشرك ان وضاح بخير ويعود بعد العيد الى ربعه وموقعه المحبوب اما في وقت رمضان اعتزل المشاركات وانت بيض الله وجهك انت والجماعه والخبر وصله ورسلي هذه الابيات

يالبرمكي لاجيت سبع الضواري= سلم عليه وراعي الطيب قله
غبنا بضرفن ربنا فيه داري= الله هو اللي يعلم الغيب كله
ماهو زعل لايكثرون الهذاري= ناسن ورى الغايب تسوي شكله
ضرفن مثل تحويل خطن جباري= لازم نطاوعله بدقه وجله
جانا من الدنيا وعناها مواري= وغير الولي بامري ماني شاكيله
ونته وفيت اكفيت شر الجواري= عساك سالم يانضيف الجبله
وشرهاتنا تاطا خوين مباري= معزب الضيفان مع صاحبله
العمده اللي كبني بالصحاري= وانا الوفا منهم ترى محترله
وهو لو ينادي اجيه انتحاري= ارد على نار الخطر حشمتله
مار الوعد يامبعدين المساري= بعد رمضان اليا انتهت حسبتله
اما تجي خيل اليماني عواري= ولا حكم في قلعتن مستقله

الموضوع الأصلي: ابيات مرسله لسبع الضاري من وضاح | | الكاتب: البرمكي | | المصدر: شبكة بني عبس

[سعد بن عادي]

الله أكبر ماهي غريبه عليه وضاح رد الوفاء ولو ظروفه صعيبه .

شف في أحك الظروف ماتجاهل من يسأل عنه .

لله درك يا وضاح وكلنا مشتاقين لشوفتك سالما غانم .

شكرا لك البرمكي على توصيل الرساله .

[البرمكي]

هلا سعد مرورك شرفني وشرف صديقك القديم وضاح

[شاعر الوطن]

يا سلام عليك يالبرمكي صاير مندوب ..

صح اللسان أبو وزره ..

[الدحيلي]

صح السانك يالبرمكي

[ناصر خنيفر]

مشكور يالبرمكي على توصيل هذه القصيده من اخو عزيز علينا كلنا وحقك على اللعين والراس ياخو مزنه اما الرد اتركه للمعزب

[عنتر زمانه]

أخو العيال وبك قله عنتر يبحث عنك

ولا أحد يستغني عن وضاح

ترى الاوضاع ماهي بزينه يالبرمكي ويمكن يسوون تخطيط تكتيكي لنكبات الغير متوقعه أنتبه وقله يجي بسرعه لا يفوته القطار ترى هذا كلام من واقع أرض المعركه لا تحسبه هيك وهيك


واسلم وسلم على وضاح

[ناصر خنيفر]

اقتباس من مشاركة شاعر الوطن يا سلام عليك يالبرمكي صاير مندوب .. صح اللسان أبو وزره ..

نيابه عن البرمكي نعم كل رجل فيه خير يخدم ربعه في غيابهم