[عبيد دعيع القلادي]

التواصل معكم ورضاكم غايتنا المنشوده
كنت في احدى المنتديات حديث الأنظمام
وفوجيت من احدى شعار هذ المنتدى
أن يرسل لي قصيده بدون سابق معرفه
الشاعر// ابراهيم بن ناشب
وهذه قصيدته بين ايديكم

قصيدة الشاعر// ابراهيم بن ناشب

يالمختلف تكفى توصّـل بريـدي=وأنا بحدد وجهة القصـد تحديـد
بلـغ تحياتـي عبيـد الرشيـدي=عسى سلامي ما يضايقـك يعبيـد
ترى المعزه هي سبايـب قصيـدي=أهدي معاني ما ورى نظمها كيـد
أغليك يالقرم الحكيـم الرشيـدي=بين الرواسي شامخ الراس ياحيـد
يابو فهد هل في الشعر من مزيـدي=ولا نقـول الـي كتبنـاه ونعيـد
أبي جديدك يوم تقـرى جديـدي=قصائدك من عبقر الجـن وهبيـد
نظمك حديد وفيه بأسا ً شديـدي=والي يبا تقوى حباله ثنـى القيـد
عشرين عامـاً كانهـا ماتزيـدي=وعظام ساقي للفرج تقطـع البيـد
أسعى من أقصى الشام لرض التليدي=مع كل جرهد نقتفي جرّة الصيـد
ماشفت ولا صد علـم ٍ وكيـدي=رحنا وجينـا مانقصنـا العباريـد
الحظ عيـا لايوقـف عضيـدي=مدري المقدر ماقسم نجلب الفيـد
أنا أحسب ان الشعر فاله سعيـدي=أثر الشعر يبغى الذي فاله اسعيـد
واليوم أنا خذ القناعـه رصيـدي=مدام ما لنفـس والعمـر تخليـد
واذا اجتمعنا في نهـار الوعيـدي=الفايز الي وحـد الـرب توحيـد

وهذا مردي على الشاعر براهيم بن ناشب

قم يا ند يبي فوق لكزس جديدي=جديد توه باخر الصنع توريد
ابيض ولونه مثل لون الجليدي=كلش طبيعي ولا بالأ سيات تنجيد
أسبق من لى مرسله بألبريدي=بألمختلف ثلاثة أيام وتزيد
مظمونةًعن التلف ماتبيدي=ولا لزق اطابع عليها بتوريد
تاصل لبن ناشب برد النشيدي=الشاعر أبراهيم قرمً وصنديد
فيها السلام وجعل عمره مديدي=لعل باقي ايامكم كلها عيد
معزتك تجري بدم الوريدي=وحسن النوايا كل يوم ً بتجديد
انته زعيم القوم وانت العقيدي=ولك المعاني ياسنافي مقاييد
ولا كل من بدر الصيده يصيدي=الشعر وهبه والمشاعر بها صيد
الشعر وادي وفيه صيدً فريدي=وكلاً على الوادي يحث المواريد
والشعر حبك وسبك وفيه المفيدي=والشعر غيض وفيض من دون تزويد
ان كان تبغا يابن ناشب جديدي=هذا جديدي ياسنافي بتحديد
هذ جوابي وكتب القول بيدي=من فوقها توقيع لشاعر عبيد
وصلوا على المختار خير العبيدي=نبينا الى وحد الرب توحيد

الموضوع الأصلي: ((مردي على الشاعر ابراهيم بن ناشب)) | | الكاتب: عبيد دعيع القلادي | | المصدر: شبكة بني عبس

[البعيد الهادي]

صحت السنتكم
وبيض وجوهكم على هذه الدرر الشاامخه والجزله

الشاعر الكبير عبيد دعيع
كل الشكر لك على التواصل والتواجد وطرح كل جديد من مفرداتك الجزله
بهذا المنتدى الشاامخ
اكرر شكري لك
وكل عاام وانت بخير

[عبيد دعيع القلادي]

البعيد الهادي

وجهك ابيض ويطول عمرك

صح بدنك

دائماً يسعدني ويشرفني مرورك العذب

تقبل تحياتي وتقديري

[كاتب الرشيدي]

صح لسانك ياشاعرنا عبيد

صدى وصوت رائعين


بارك الله فيك

[حسن الوطري]

عبيد

صح السانك والسان ابراهيم

صوت وصدى رائعان

لك تحياتي

[ظاهر الشعبانى]

شكرا أخوي عبيد بن دعيع القلادي ع مانقلته وصح لسان الشاعر وتقبلى مروري

[الدربيل الشاعر]

الاخ الشاعر عبيد دعيع الرشيدي
قرأة القصيدتان واعجبت بهن صح الله السنتكم وقلوبكم
ومبارك عليكم الشهر الكريم

تحياتي الدربيل

[عبيد دعيع القلادي]

كاتب

صح بدنك

اسعدني وشرفني مرورك الذهبي

تقبل تحياتي وتقديري