[توني بلير]

توني بلير

سلام الله على العربان من هاجس رفيع الشان=ومثلي لا حضر عند العرب يلقى مواجيبه

انا ما همني شاعر طويل أذراع ولا اللسان=انا ما همني غير الكلام الزين وترتيبه

العميل السري

هلا يامرحبا ترحيبة البدوان بالضيفان .... لو ان ابلير غيبه الزمان وطالت الغيبه
يبين شعيل لاشتد السباق وطول الميدان .... واذا عندك خبر عطناه قبل الليل يسريبه





توني بلير

يدوم الك البقى يلي ترحب والعلوم سمان=ومن قدر ضيوفه يا جماعه يشتهر طيبه

انا ما غبت يوم الحرب تبدى بشوفة الدخان=تراك انته عميل بلير لا تنسى مطاليبه

العميل السري

انا مدري وش اللي جاب توني ابلير للبدوان ... وبعد رطن الخواجه شعرنا توني يماريبه

دليل الصفحه اللي تو يوضع فوقها العنوان ...وعميل بلير عند بلير وكلٍ يعرف صحيبه






توني بلير

الا يا مقدم الحجه ترا الحجه بلا برهان=انا موجود يوم انت ابدوي منزاله شعيبه

تجيب أخبار عن ربعك كما اللولو كما المرجان=ومثلك ناس واجد وده نملى بطنه وجيبه

العميل السري
بعد سحبك بوش وقال للعالم بلير حصان .... اشد السرج فوقه في لزومي ونوب ماليبه
واذا رجلك وطت بـ موزره يابلير ولا اثنان .... الك حق ٍ تقاضي بالكلام اللي تهذريبه




بلير

انا وبوش المريكي يا وسيع المعرفه صدقان=على عز ومعزه ونملك القوه مع الهيبه

نعيش بخير وناخذ خيركم وانته ولد جيعان=ومخطي من يقول الضيف في حكمة معازيبه

العميل السري
بعدماجاء لناتوني يدورعكرة الضبان .... وحنا محرمه شرعاً نحفر اللي بها ريبه
الايبلير زورت الحقايق بأول الازمان .... وزمان العولمه من خلفكم دقت مناسيبه




توني بلير

انا ما جيت غير أخذ منك بترول يا فهمان=ومثلك بحلق عيونه وقلبه ممتلي خيبه

أعرف انه زمان العام ثوبك له ثلاث ألوان=وهذا الوقت اله لون (ن) ينومس من يغنيبه

العميل السري
ترى ماهي غريبه طبعك الجحدان والنكران .... بعد تورا وبورا كمل الرصه لـ بوشيبه

وانا للي ثوبٍ اخضر وكلمة التوحيد اله عنوان....يومٍ بلير وجهه منغسل بفلاش تركيبه



توني بلير

انا طبعي الشجاعه والكرم والطيب اللي عنوان=ولي حيله على مثلك ليا كثرت هناديبه

الا يا حليل هرجك والفعايل في جبل دخان=تجر الصوت يا بلير الصقر تجرح مخاليبه

العميل السري
اعرفك زين صدرك من علوم المرجله مليان .... ياراع الحيله اللي كل ممطوراً تفليبه

لوان بلير له حجه ويملك في يده برهان .... ماشف ايدين ابو عوجه على ماقيل توميبه

الموضوع الأصلي: طاروق العميل السري وتوني بلير | | الكاتب: توني بلير | | المصدر: شبكة بني عبس

[ناصر خنيفر]

صحت السنتكم طاروق طيب

[عنتر زمانه]

هذه المحاوره متى جرت

صراحه قمه ولها معنى قوي وعميق وتوني شاعر قوي

والعميل السري لا يستغرب عليه الابداع هو أهل لذلك

[العبسي الغامض]

بيض الله وجهكَ ياتوني

والمحاورهَ رايعه بينكَ والعميل السري

[النقيشى]

صح الله السنتهم شعراء وافين

[قسورة الغاب]

الله الله
صح اللسانك يابلير
وصح اللسانك يالعميل السري كفيت ووفيت
واعتقد ان بلير كان عنده افضل من هذا اللعب لكن ابوو عوووجه اشغله
تحياتي يالعميل السري شاعر معني حقيقي
ولا يهوون تووني
تحياتي

[هامة العز]

صح لسان الشعارين
العميل وتوني مشكورين ماقصرو